ជាតិ
កម្ពុជាចាត់ការអ្នក «Live» សិចស៊ី តែ NGO ឲ្យពិចារណាឡើងវិញ ខណៈ Amnesty ថារើសអើង
×![]()
ដោយ: & អ៊ូ សុខមាន (OU Sokmean)
សម្តេចនាយករដ្ឋមន្ត្រី ហ៊ុន សែន កាលពីថ្ងៃទី១៧ ខែកុម្ភៈ បានបញ្ជាឲ្យចាត់វិធានការចំពោះការផ្សាយផ្ទាល់ «Live» តាមបណ្តាញសង្គមដើម្បីលក់ផលិតផល ជាមួយនឹងការបញ្ចេញអស់កេរខ្មាស ដោយសម្តេចកត់សម្គាល់ថា វាជាសកម្មភាពប៉ះពាល់ដល់កិត្តិយសស្ត្រីខ្មែរ។ មួយថ្ងៃក្រោយមក ស្ត្រីម្នាក់ឈ្មោះ ថៃ ស្រីនាង ត្រូវបានហៅទៅណែនាំ បន្ទាប់មកត្រូវបានចាប់ខ្លួន ដោយសារតែមិនព្រមស្តាប់តាមការណែនាំរបស់អាជ្ញាធរ។ ជុំវិញចំណាត់ការនេះ តំណាងអង្គការសង្គមស៊ីវិល បានរួមគ្នាសរសេរលិខិតចំហរជូនដល់ប្រមុខរដ្ឋាភិបាល ឲ្យពិចារណាឡើងវិញ ចំពោះការដាក់ទណ្ឌកម្មទៅលើស្ត្រីដោយសារតែជម្រើសនៃការស្លៀកពាក់របស់ពួកគេ។
«កម្ពុជាត្រូវគោរពសិទ្ធិស្វ័យសម្រេច សិទ្ធិសម្តែងមតិ អារម្មណ៍ និងជម្រើសរាងកាយរបស់ស្ត្រី»។ នេះជាខ្លឹមសាររួមនៃលិខិតចំហររបស់តំណាងអង្គការសង្គមស៊ីវិលដែលធ្វើការពាក់ព័ន្ធនឹងការលើកកម្ពស់សិទ្ធិស្ត្រី និងសមភាពយេនឌ័រនៅកម្ពុជា ដោយបញ្ជាក់ថា សិទ្ធិស្ត្រី ជាសិទ្ធិមនុស្ស។
ក្នុងលិខិតចុះថ្ងៃទី១៩ ខែកម្ពុជា ក្រុមអង្គការសង្គមស៊ីវិល ដែលក្នុងនោះមានដូចជា មជ្ឈមណ្ឌលសិទ្ធិមនុស្សកម្ពុជា អិនជីអូ ស៊ី ដ, អាក់សិនអេតកម្ពុជា, ក្លាហាន, យេនឌ័រ និងការអភិវឌ្ឍន៍ដើម្បីកម្ពុជា និងបន្ទាយស្រី ជាដើម បានទទួលស្គាល់នូវឆន្ទះរបស់រដ្ឋាភិបាល ក្នុងការកាត់បន្ថយអំពើហិង្សាលើស្ត្រី និងក្មេងស្រី ក៏ដូចជាការបំពេញកាតព្វកិច្ចក្នុងនាមជារដ្ឋភាគីនៃអនុសញ្ញា និងច្បាប់នានា ពាក់ព័ន្ធករណីនេះ។ ប៉ុន្តែក្រុម NGO ក៏បានស្នើឲ្យរដ្ឋាភិបាលពិចារណាលើការសម្រេចរបស់ខ្លួនមួយចំនួនផងដែរ។
អ្នកស្រី ចក់ សុភាព នាយិកាប្រតិបត្តិមជ្ឈមណ្ឌលសិទ្ធមនុស្សកម្ពុជា
ចំពោះចំណាត់ការរបស់រដ្ឋាភិបាលលើអ្នក «Live» សិចស៊ី ក្រោមហេតុផលពង្រឹងតម្លៃស្ត្រី សង្គម និងវប្បធម៌ជាតិ ត្រូវបានសង្គមស៊ីវិលមើលឃើញថា ជាវិធានការដែលមិនមានការសិក្សាបែបស៊ីជម្រៅដែលបញ្ជាក់ថា ការស្លៀកពាក់របស់ស្ត្រីជាដើមហេតុបង្កឲ្យមានឱនភាពសីលធម៌សង្គម។
«ប្រសាសន៍របស់សម្តេចដែលយល់ថា ការដែលស្ត្រីស្លៀកពាក់លេចលើលេចក្រោមនាំឲ្យមានការរំលោភបំពាន គឺជាការស្តីបន្ទោសជនរងគ្រោះ ហើយការពង្រឹងវប្បធម៌ស្តីបន្ទោសជនរងគ្រោះនេះ នឹងធ្វើឲ្យអំពើហិង្សាលើស្ត្រី និងការរើសអើងផ្អែកលើយេនឌ័រ នៅតែបន្តកើតឡើងនៅក្នុងសង្គមកម្ពុជា»។ នេះបើតាមការគូសបញ្ជាក់ក្នុងលិខិតចំហរ។
ក្រុមអង្គការសង្គមស៊ីវិលបានបន្តថា ការដាក់ទណ្ឌកម្មស្ត្រីដោយសារតែជម្រើសនៃការស្លៀកពាក់របស់ពួកគេ គឺជាឫសគល់នៃការអំពើហិង្សា និងការរើសអើងស្ត្រី វាមិនមែនជាដំណោះស្រាយនោះទេ ដែលរដ្ឋាភិបាលគួរពិចារណាឡើងវិញ។
ក្នុងន័យប្រហាក់ប្រហែលគ្នាផងដែរ អង្គការលើកលែងទោសអន្តរជាតិ (Amnesty International) បានចាត់ទុកចំណាត់ការរបស់សម្តេចនាយករដ្ឋមន្ត្រី ហ៊ុន សែន ថាជាការធ្វើដោយគ្មានទំនួលខុសត្រូវ និងគ្រោះថ្នាក់។ លោក Nicholas Bequelin នាយកប្រចាំតំបន់របស់អង្គការមួយនេះ បានលើកឡើងថា៖ «ក្រុមហ៊ុនហ្វេសប៊ុកត្រូវតែបដិសេធកិច្ចសហការចំពោះសំណើរដែលមានលក្ខណៈរើសអើងពីសំណាក់អាជ្ញាធរកម្ពុជា»។
លោក Nicholas Bequelin នាយកប្រចាំតំបន់របស់អង្គការលើកលែងទោសអន្តរជាតិ
អង្គការមួយនេះ រិះគន់ថា សមត្ថកិច្ចកម្ពុជា បានធ្វើសកម្មភាពដោយផ្អែកលើហេតុផលនាយករដ្ឋមន្ត្រី ជាមូលដ្ឋានប៉ុណ្ណោះ ហើយចំណាត់ថ្នាក់ដែលប្រើពាក្យថា «អប់រំ» នេះ ជាការជុំវិញឲ្យមានការរំលោភបំពាន និងរើសអើងបន្ថែមទៅលើស្ត្រីទៅវិញទេ។
បើគិតចាប់តាំងពីបញ្ជារបស់សម្តេច ហ៊ុន សែន នាកិច្ចប្រជុំក្រុមប្រឹក្សាជាតិដើម្បីស្ត្រីនៅវិមានសន្តិភាពកាលព្រឹកថ្ងៃទី ១៧ ខែកុម្ភៈ ការផ្សព្វផ្សាយលក់ផលិតផលកែសម្ផស្ស និងសម្លៀកបំពាក់ នៅតែមានដដែលនៅលើបណ្តាញសង្គមហ្វេសប៊ុក និង Bigo ប៉ុន្តែវីដេអូ និងរូបភាពសិចស៊ីពេល Live មិនសម្បូរបែបដូចមុននោះឡើយ។
លោក មាស ប៉ូ អ្នកនាំពាក្យក្រសួងប្រៃសណីយ និងទូរគមនាគមន៍ បានបញ្ជាក់អ្នកសារព័ត៌មានថ្មីៗតាមទូរសព្ទថា ក្រសួងរបស់លោកតាមដាន និងបានឃើញមុខសញ្ញាអ្នកលក់តាមអនឡាញដែលប្រព្រឹត្តអំពើអសីលធម៌ដល់សង្គម ប៉ុន្តែមិនទាន់មានចំណាត់ការឡើយ។ លោកបញ្ជាក់ថា៖«យើងពិគ្រោះជាមួយផ្ទៃក្នុងសិន មុននឹងចេញសេចក្តីសម្រេចបិទគណនីហ្វេសប៊ុកណាមួយ។ ហើយយើងនឹងពិចារណា ណែនាំថាតើគួរតែឲ្យគាត់បញ្ឈប់ ឬបញ្ឈប់គាត់តែម្តង»។
លោក ឡុង ប៉ុណ្ណាសិរីវត្ថ អ្នកនាំពាក្យក្រសួងវប្បធម៌ និងវិចិត្រសិល្បៈ
ក្រោយពីមានចំណាត់ការឲ្យបិទម្ចាស់គណនីហ្វេសប៊ុកណាដែលលក់របស់បង្ហាញដើមទ្រូង និងប្រើពាក្យមិនសមរម្យមក សង្កេតឃើញថាមានអ្នកលក់ខ្លះដែលធ្លាប់តែឧស្សាហ៍បង្ហាញសាច់ និងជេរគ្នាតាមវីដេអូឡាយក្នុងមួយថ្ងៃ១ដង ឬច្រើនដងនោះ បានកែប្រែមកជាការលក់បែបធម្មតាដែលមិនបញ្ចេញសាច់ទ្រូងហួសហេតុពេក និងមិនប្រទេចគ្នាទៀតឡើយ។ នេះជាការកត់សម្គាល់របស់ អ្នកនាំពាក្យក្រសួងប្រៃសណីយ៍។
បើតាម លោក ឡុង ប៉ុណ្ណាសិរីវត្ថ អ្នកនាំពាក្យក្រសួងវប្បធម៌ និងវិចិត្រសិល្បៈ ការដែលបុគ្គលណាប្រព្រឹត្តអំពើដែលប្រាសចាកពីក្រមសីលធម៌រស់នៅក្នុងសង្គម ហើយប៉ះពាល់ដល់តម្លៃស្ត្រី ក្រសួងវប្បធម៌មិនមានសិទ្ធិ និងប្រើវិធានការលើបុគ្គលនោះទេ ប៉ុន្តែក្រសួងមានតួនាទីពន្យល់ អប់រំ និងណែនាំទៅបុគ្គលតែប៉ុណ្ណោះ។
លោក មាស ប៉ូ អ្នកនាំពាក្យក្រសួងប្រៃសណីយ និងទូរគមនាគមន៍
ថ្លែងប្រាប់សារព័ត៌មានថ្មីៗកន្លងមក លោក ឡុង ប៉ុណ្ណាសិរីវត្ថ បានបញ្ជាក់ដូច្នេះថា៖«ជាផ្លូវច្បាប់ កាលជនណាមួយដែលធ្វើអ្វីមួយដែលប៉ះពាល់ដល់សីលធម៌សង្គម ប៉ះពាល់ដល់តម្លៃស្ត្រី និងបង្ហាញពីភាពអនាចារណាមួយ វាជារឿងបុគ្គល តែនៅក្នុងប្រព័ន្ធសិល្បៈ ឬតារាភាពយន្ត យើងហៅមកណែនាំ។ យើងធ្វើលិខិតទៅគ្រប់ស្ថានីយឲ្យឈប់យកគាត់ថតតទៅទៀត និងផ្អាកឲ្យគាត់ថតក្នុងរយៈពេលប៉ុននេះៗ ដើម្បីឲ្យគាត់កែប្រែ និងសុំទោសជាសាធារណៈ»។
សារព័ត៌មានថ្មីៗ មិនអាចសុំការបំភ្លឺបន្ថែមពីអ្នកស្រី ម៉ាន ចិន្តា អ្នកនាំពាក្យក្រសួងកិច្ចការនារីបានឡើយ ជុំវិញករណីរិះគន់ផ្សេងៗពីអង្គការក្រៅរដ្ឋាភិបាល ទាំងក្នុង និងក្រៅប្រទេស ដោយសារតែទូរសព្ទរបស់អ្នកស្រី នៅក្រៅតំបន់សេវា។
មកដល់ពេលនេះ កញ្ញា ថៃ ស្រីនាង ឈ្មោះដើម «វ៉ាន់ រចនា» ជាមនុស្សដំបូងដែលត្រូវបានសមត្ថកិច្ចឃាត់ខ្លួនកាលពីថ្ងៃទី១៩ ខែកុម្ភៈ ដោយសារតែការបន្តលក់សម្លៀកបំពាក់អនឡាញ ជាមួយនឹងការបទបង្ហោះរូបភាពដែលបង្ហាញដើមទ្រូងដែលប៉ះពាល់ដល់តម្លៃសង្គម។ តាមមាត្រា៣៨-៣៩ ស្តីពីច្បាប់ប្រឆាំងការជួញដូរមនុស្ស ការពារអនីតិជន ដែលស្ត្រីរូបនេះអាចជាប់ពន្ធនាគារពី១ខែ ទៅ១ឆ្នាំ៕
«កម្ពុជាត្រូវគោរពសិទ្ធិស្វ័យសម្រេច សិទ្ធិសម្តែងមតិ អារម្មណ៍ និងជម្រើសរាងកាយរបស់ស្ត្រី»។ នេះជាខ្លឹមសាររួមនៃលិខិតចំហររបស់តំណាងអង្គការសង្គមស៊ីវិលដែលធ្វើការពាក់ព័ន្ធនឹងការលើកកម្ពស់សិទ្ធិស្ត្រី និងសមភាពយេនឌ័រនៅកម្ពុជា ដោយបញ្ជាក់ថា សិទ្ធិស្ត្រី ជាសិទ្ធិមនុស្ស។
ក្នុងលិខិតចុះថ្ងៃទី១៩ ខែកម្ពុជា ក្រុមអង្គការសង្គមស៊ីវិល ដែលក្នុងនោះមានដូចជា មជ្ឈមណ្ឌលសិទ្ធិមនុស្សកម្ពុជា អិនជីអូ ស៊ី ដ, អាក់សិនអេតកម្ពុជា, ក្លាហាន, យេនឌ័រ និងការអភិវឌ្ឍន៍ដើម្បីកម្ពុជា និងបន្ទាយស្រី ជាដើម បានទទួលស្គាល់នូវឆន្ទះរបស់រដ្ឋាភិបាល ក្នុងការកាត់បន្ថយអំពើហិង្សាលើស្ត្រី និងក្មេងស្រី ក៏ដូចជាការបំពេញកាតព្វកិច្ចក្នុងនាមជារដ្ឋភាគីនៃអនុសញ្ញា និងច្បាប់នានា ពាក់ព័ន្ធករណីនេះ។ ប៉ុន្តែក្រុម NGO ក៏បានស្នើឲ្យរដ្ឋាភិបាលពិចារណាលើការសម្រេចរបស់ខ្លួនមួយចំនួនផងដែរ។
អ្នកស្រី ចក់ សុភាព នាយិកាប្រតិបត្តិមជ្ឈមណ្ឌលសិទ្ធមនុស្សកម្ពុជា
ចំពោះចំណាត់ការរបស់រដ្ឋាភិបាលលើអ្នក «Live» សិចស៊ី ក្រោមហេតុផលពង្រឹងតម្លៃស្ត្រី សង្គម និងវប្បធម៌ជាតិ ត្រូវបានសង្គមស៊ីវិលមើលឃើញថា ជាវិធានការដែលមិនមានការសិក្សាបែបស៊ីជម្រៅដែលបញ្ជាក់ថា ការស្លៀកពាក់របស់ស្ត្រីជាដើមហេតុបង្កឲ្យមានឱនភាពសីលធម៌សង្គម។
«ប្រសាសន៍របស់សម្តេចដែលយល់ថា ការដែលស្ត្រីស្លៀកពាក់លេចលើលេចក្រោមនាំឲ្យមានការរំលោភបំពាន គឺជាការស្តីបន្ទោសជនរងគ្រោះ ហើយការពង្រឹងវប្បធម៌ស្តីបន្ទោសជនរងគ្រោះនេះ នឹងធ្វើឲ្យអំពើហិង្សាលើស្ត្រី និងការរើសអើងផ្អែកលើយេនឌ័រ នៅតែបន្តកើតឡើងនៅក្នុងសង្គមកម្ពុជា»។ នេះបើតាមការគូសបញ្ជាក់ក្នុងលិខិតចំហរ។
ក្រុមអង្គការសង្គមស៊ីវិលបានបន្តថា ការដាក់ទណ្ឌកម្មស្ត្រីដោយសារតែជម្រើសនៃការស្លៀកពាក់របស់ពួកគេ គឺជាឫសគល់នៃការអំពើហិង្សា និងការរើសអើងស្ត្រី វាមិនមែនជាដំណោះស្រាយនោះទេ ដែលរដ្ឋាភិបាលគួរពិចារណាឡើងវិញ។
ក្នុងន័យប្រហាក់ប្រហែលគ្នាផងដែរ អង្គការលើកលែងទោសអន្តរជាតិ (Amnesty International) បានចាត់ទុកចំណាត់ការរបស់សម្តេចនាយករដ្ឋមន្ត្រី ហ៊ុន សែន ថាជាការធ្វើដោយគ្មានទំនួលខុសត្រូវ និងគ្រោះថ្នាក់។ លោក Nicholas Bequelin នាយកប្រចាំតំបន់របស់អង្គការមួយនេះ បានលើកឡើងថា៖ «ក្រុមហ៊ុនហ្វេសប៊ុកត្រូវតែបដិសេធកិច្ចសហការចំពោះសំណើរដែលមានលក្ខណៈរើសអើងពីសំណាក់អាជ្ញាធរកម្ពុជា»។
លោក Nicholas Bequelin នាយកប្រចាំតំបន់របស់អង្គការលើកលែងទោសអន្តរជាតិ
អង្គការមួយនេះ រិះគន់ថា សមត្ថកិច្ចកម្ពុជា បានធ្វើសកម្មភាពដោយផ្អែកលើហេតុផលនាយករដ្ឋមន្ត្រី ជាមូលដ្ឋានប៉ុណ្ណោះ ហើយចំណាត់ថ្នាក់ដែលប្រើពាក្យថា «អប់រំ» នេះ ជាការជុំវិញឲ្យមានការរំលោភបំពាន និងរើសអើងបន្ថែមទៅលើស្ត្រីទៅវិញទេ។
បើគិតចាប់តាំងពីបញ្ជារបស់សម្តេច ហ៊ុន សែន នាកិច្ចប្រជុំក្រុមប្រឹក្សាជាតិដើម្បីស្ត្រីនៅវិមានសន្តិភាពកាលព្រឹកថ្ងៃទី ១៧ ខែកុម្ភៈ ការផ្សព្វផ្សាយលក់ផលិតផលកែសម្ផស្ស និងសម្លៀកបំពាក់ នៅតែមានដដែលនៅលើបណ្តាញសង្គមហ្វេសប៊ុក និង Bigo ប៉ុន្តែវីដេអូ និងរូបភាពសិចស៊ីពេល Live មិនសម្បូរបែបដូចមុននោះឡើយ។
លោក មាស ប៉ូ អ្នកនាំពាក្យក្រសួងប្រៃសណីយ និងទូរគមនាគមន៍ បានបញ្ជាក់អ្នកសារព័ត៌មានថ្មីៗតាមទូរសព្ទថា ក្រសួងរបស់លោកតាមដាន និងបានឃើញមុខសញ្ញាអ្នកលក់តាមអនឡាញដែលប្រព្រឹត្តអំពើអសីលធម៌ដល់សង្គម ប៉ុន្តែមិនទាន់មានចំណាត់ការឡើយ។ លោកបញ្ជាក់ថា៖«យើងពិគ្រោះជាមួយផ្ទៃក្នុងសិន មុននឹងចេញសេចក្តីសម្រេចបិទគណនីហ្វេសប៊ុកណាមួយ។ ហើយយើងនឹងពិចារណា ណែនាំថាតើគួរតែឲ្យគាត់បញ្ឈប់ ឬបញ្ឈប់គាត់តែម្តង»។
លោក ឡុង ប៉ុណ្ណាសិរីវត្ថ អ្នកនាំពាក្យក្រសួងវប្បធម៌ និងវិចិត្រសិល្បៈ
ក្រោយពីមានចំណាត់ការឲ្យបិទម្ចាស់គណនីហ្វេសប៊ុកណាដែលលក់របស់បង្ហាញដើមទ្រូង និងប្រើពាក្យមិនសមរម្យមក សង្កេតឃើញថាមានអ្នកលក់ខ្លះដែលធ្លាប់តែឧស្សាហ៍បង្ហាញសាច់ និងជេរគ្នាតាមវីដេអូឡាយក្នុងមួយថ្ងៃ១ដង ឬច្រើនដងនោះ បានកែប្រែមកជាការលក់បែបធម្មតាដែលមិនបញ្ចេញសាច់ទ្រូងហួសហេតុពេក និងមិនប្រទេចគ្នាទៀតឡើយ។ នេះជាការកត់សម្គាល់របស់ អ្នកនាំពាក្យក្រសួងប្រៃសណីយ៍។
បើតាម លោក ឡុង ប៉ុណ្ណាសិរីវត្ថ អ្នកនាំពាក្យក្រសួងវប្បធម៌ និងវិចិត្រសិល្បៈ ការដែលបុគ្គលណាប្រព្រឹត្តអំពើដែលប្រាសចាកពីក្រមសីលធម៌រស់នៅក្នុងសង្គម ហើយប៉ះពាល់ដល់តម្លៃស្ត្រី ក្រសួងវប្បធម៌មិនមានសិទ្ធិ និងប្រើវិធានការលើបុគ្គលនោះទេ ប៉ុន្តែក្រសួងមានតួនាទីពន្យល់ អប់រំ និងណែនាំទៅបុគ្គលតែប៉ុណ្ណោះ។
លោក មាស ប៉ូ អ្នកនាំពាក្យក្រសួងប្រៃសណីយ និងទូរគមនាគមន៍
ថ្លែងប្រាប់សារព័ត៌មានថ្មីៗកន្លងមក លោក ឡុង ប៉ុណ្ណាសិរីវត្ថ បានបញ្ជាក់ដូច្នេះថា៖«ជាផ្លូវច្បាប់ កាលជនណាមួយដែលធ្វើអ្វីមួយដែលប៉ះពាល់ដល់សីលធម៌សង្គម ប៉ះពាល់ដល់តម្លៃស្ត្រី និងបង្ហាញពីភាពអនាចារណាមួយ វាជារឿងបុគ្គល តែនៅក្នុងប្រព័ន្ធសិល្បៈ ឬតារាភាពយន្ត យើងហៅមកណែនាំ។ យើងធ្វើលិខិតទៅគ្រប់ស្ថានីយឲ្យឈប់យកគាត់ថតតទៅទៀត និងផ្អាកឲ្យគាត់ថតក្នុងរយៈពេលប៉ុននេះៗ ដើម្បីឲ្យគាត់កែប្រែ និងសុំទោសជាសាធារណៈ»។
សារព័ត៌មានថ្មីៗ មិនអាចសុំការបំភ្លឺបន្ថែមពីអ្នកស្រី ម៉ាន ចិន្តា អ្នកនាំពាក្យក្រសួងកិច្ចការនារីបានឡើយ ជុំវិញករណីរិះគន់ផ្សេងៗពីអង្គការក្រៅរដ្ឋាភិបាល ទាំងក្នុង និងក្រៅប្រទេស ដោយសារតែទូរសព្ទរបស់អ្នកស្រី នៅក្រៅតំបន់សេវា។
មកដល់ពេលនេះ កញ្ញា ថៃ ស្រីនាង ឈ្មោះដើម «វ៉ាន់ រចនា» ជាមនុស្សដំបូងដែលត្រូវបានសមត្ថកិច្ចឃាត់ខ្លួនកាលពីថ្ងៃទី១៩ ខែកុម្ភៈ ដោយសារតែការបន្តលក់សម្លៀកបំពាក់អនឡាញ ជាមួយនឹងការបទបង្ហោះរូបភាពដែលបង្ហាញដើមទ្រូងដែលប៉ះពាល់ដល់តម្លៃសង្គម។ តាមមាត្រា៣៨-៣៩ ស្តីពីច្បាប់ប្រឆាំងការជួញដូរមនុស្ស ការពារអនីតិជន ដែលស្ត្រីរូបនេះអាចជាប់ពន្ធនាគារពី១ខែ ទៅ១ឆ្នាំ៕
Tag:
សិចស៊ី
© រក្សាសិទ្ធិដោយ thmeythmey.com
