ចម្លាក់លើជញ្ជាំងប្រាសាទបន្ទាយឆ្មារ បង្កប់រឿងរ៉ាវព្រះបាទជ័យវរ្ម័នទី៧ មុនក្លាយជាព្រះមហាក្សត្រ

ជាតិ

វីដេអូ

ចម្លាក់លើជញ្ជាំងប្រាសាទបន្ទាយឆ្មារ បង្កប់រឿងរ៉ាវព្រះបាទជ័យវរ្ម័នទី៧ មុនក្លាយជាព្រះមហាក្សត្រ

22, Feb 2020 , 9:57 am

រូបភាព

ដោយ: ញឹក ស្រីល័ក្ខ (Nhek Sreyleak)

បន្ទាយមានជ័យ៖ ប្រាសាទបន្ទាយឆ្មារ ត្រូវបានកសាងនៅចន្លោះចុងសតវត្សទី១២ ដើមសតវត្សទី១៣ ក្នុងរជ្ជកាលព្រះបាទជ័យវរ្ម័នទី៧។ ប្រាសាទនេះ ស្ថិតនៅក្នុងភូមិបន្ទាយឆ្មារ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ចម្ងាយ ៦០គីឡូម៉ែត្រពីទីរួមខេត្ត។ នៅលើជញ្ជាំងប្រាសាទបន្ទាយឆ្មារ មានចម្លាក់មួយផ្ទាំង ដែលបង្កប់អត្ថន័យប្រវត្តិសាស្ត្រ ដែលគេមិនសូវដឹង គឺចម្បាំងរវាងទ័ពខ្មែរ និងទ័ពចាម ដឹកនាំដោយព្រះបាទជ័យវរ្ម័នទី៧ មុនព្រះអង្គ ក្លាយជាព្រះមហាក្សត្រ។

តើចម្លាក់មួយផ្ទាំងនៅប្រាសាទបន្ទាយឆ្មារ មានន័យកំបាំងយ៉ាងណា សូមអញ្ជើញទស្សនាវីដេអូ នេះដូចតទៅ៖

តាមរយៈកម្មវិធីបោះជំរំ ដែលរៀបចំដោយ Cambodia Amazing Trip Planner កាលពីថ្ងៃទី១៤-១៦ កុម្ភៈ ក្រុមការងារសារព័ត៌មានថ្មីៗ បានធ្វើដំណើរទៅកាន់ប្រាសាទបន្ទាយឆ្មារ។ លោក គិត សុគួន មគ្គុទេសក៍ទេសចរណ៍នៃសហគមន៍ទេសចរណ៍បន្ទាយឆ្មារ ប្រាប់ឲ្យដឹងថា នៅប្រាសាទបន្ទាយឆ្មារ មានរូបចម្លាក់មួយផ្ទាំង បង្ហាញពីការធ្វើចម្បាំងរវាងទ័ពខ្មែរ និងទ័ពចាម ដែលដឹកនាំព្រះបាទជ័យវរ្ម័នទី៧ កាលទ្រង់នៅជាមេទ័ព។ នាពេលនោះ ព្រះបាទជ័យវរ្ម័នទី៧ ក៏បាននាំរាជបុត្រព្រះអង្គ ព្រះនាម ស្រិន្ទ្រកុមារ ទៅច្បាំងជាមួយដែរ។ ជាមួយគ្នានេះ ដោយក្ដីស្រឡាញ់ក្បាច់គុនល្បុក្កតោ ព្រះបាទជ័យវរ្ម័នទី៧ បានបង្ហាត់បង្រៀនក្បាច់គុននេះដល់កងទ័ពផងដែរ៕