អត្ថបទពាណិជ្ជកម្ម
ហ្វេនៗពេញចិត្តស្តូក ជាមួយកម្មវិធីស្វាមគមន៍ក្រុមតូច ជាទូតសុឆន្ទៈរបស់ទឹកក្រូចអាយស៍
× សំឡេងហ៊ោកញ្ជ្រៀវ និង ទឹកមុខសប្បាយរីករាយពីអ្នកគាំទ្រ SMALLWORLD SMALLBAND ក្រុមតូច ក្នុងឱកាសនៃការប្រកាសស្វាគមន៍ជាផ្លូវការនៃក្រុមចម្រៀងនេះ ដែលជាទូតសុឆន្ទៈរបស់ទឹកក្រូចអាយស៍ (IZE ) បានបញ្ជាក់យ៉ាងច្បាស់អំពីការពេញចិត្ត និងត្រេកអរជាមួយនឹងព្រឹត្តិការណ៍នេះ។
កញ្ញា នីរ័ត្ន អ្នកគាំទ្រដ៏ស្មោះស្ម័គ្រម្នាក់ដែលមកចូលរួមកម្មវិធីបាននិយាយថា៖«ខ្ញុំរំភើបខ្លាំងមែនទែន ខំមកចាំតាំងពីម៉ោង៣ដើម្បីបានជួបបងៗក្រុមតូច។ អី្វដែលសំខាន់បានជួបគាត់ផ្ទាល់ហើយបានកាដូឡើងច្រើន និងហត្ថលេខាទៀត»។
សម្រាប់ហ្វេនម្នាក់ទៀត លោក តារាវុធ បានបង្ហាញអារម្មណ៍រំភើបយ៉ាងដូច្នេះថា៖«និយាយទៅ ខ្ញុំពេញចិត្តការរៀបចំទាំងអស់របស់ក្រុមហ៊ុនផលិតទឹកក្រូចអាយស៍ ព្រោះអីខ្ញុំហ្នឹងហើយជាអ្នកចូលចិត្តញុំាទឹកក្រូចអាយស៍ ហើយចូលចិត្តក្រុម SMALLWORLD SMALLBAND ខ្លាំងតែម្តង។ អ៊ីចឹងមកថ្ងៃនេះចំណេញខ្លាំង ហើយសប្បាយខ្លាំង»។
ចំណែក លោក រ៉ុងសុភីដេវីដ សមាជិកក្រុម SMALLWORLD SMALLBAND ក្រុមតូចវិញបានលើកឡើងថា៖«ខ្ញុំពិតជារីករាយ ដែលក្រុមខ្ញុំត្រូវបានជ្រើសរើសជាទូតសុឆន្ទៈរបស់ទឹកក្រូចអាយស៍ ជាភេសជ្ជៈកូឡាដែលទទួលបានការគាំទ្រខ្លាំង ហើយពួកយើងទាំង៤នាក់នឹងនាំមកនូវការកម្សាន្ត ដែលដឹកនាំដោយទឹកក្រូចអាយស៍តាមរយៈការប្រគំតន្ត្រី និង ព្រឹត្តិការណ៍ផ្សេងៗផងដែរ»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com