អន្តរជាតិ
×![]()
ដោយ: ធីតា
គ្រូពេទ្យម្នាក់នៅក្រុងវូហាន ខេត្តហ៊ូប៉ី បានសម្រេចពន្យាពេលអាពាហ៍ពិពាហ៍ផ្លូវការរបស់ខ្លួនដើម្បីទៅជួយសង្គ្រោះអ្នកជំងឺកូរ៉ូណាវីរុស (COVID-19) ប៉ុន្តែជាអកុសល្យ លោកបានស្លាប់ខ្លួនដោយសារតែជំងឺដែលកំពុងរាលដាលមួយនេះ។
លោក Peng Yinhua អាយុ២៩ឆ្នាំ ដែលបម្រើការនៅមន្ទីរពេទ្យក្នុងស្រុក Jiangxia ក្រុងវូហាន បានទទួលមរណភាពដោយសារបញ្ហាផ្លូវដង្ហើម កាលពីថ្ងៃព្រហស្បតិ៍សប្តាហ៍មុន។ បើយោងតាម China Daily លោក និងភរិយាដែលកំពុងពរពោះ មានគម្រោងធ្វើពិធីអាពាហ៍ពិពាហ៍ផ្លូវការកាលពីថ្ងៃទី១ ខែកុម្ភៈ បន្ទាប់ពីពួកគេបានចុះលិខិតអាពាហ៍ពិពាហ៍អស់រយៈពេល២ឆ្នាំកន្លងមកហើយ។
ទឹកចិត្តជាគ្រូពេទ្យដែលប្រកបដោយវិជ្ជាជីវៈ និងស្មារតីទទួលខុសត្រូវ លោក Peng សុខចិត្តលុបចោលគម្រោងអាពាហ៍ពិពាហ៍ដើម្បីទៅជួយសង្គ្រោះអ្នកជំងឺ COVID-19 ដែលចាប់ផ្តើមរាលដាលចេញពីក្រុងវូហាន តាំងពីខែធ្នូ មក។
តាមពិតទៅ មិត្តរួមអាជីពរបស់លោក បាននាំគ្នាជំរុញឲ្យលោកសម្រាកនៅផ្ទះ និងចំណាយពេលវេលាឲ្យបានច្រើនជាមួយភរិយា ប៉ុន្តែលោក Peng បានបដិសេធ ដោយនិយាយថា ខ្លួនគាត់នៅក្មេង ដូច្នេះ គាត់ត្រូវធ្វើការឲ្យច្រើនជាងអ្នកដទៃ។
សារព័ត៌មាន Huanqui.com បានបញ្ជាក់ថា លោក Peng បានរួមចំណែកព្យាបាលអ្នកជំងឺយ៉ាងហោចណាស់១៥០នាក់ក្នុង១ថ្ងៃ។ ក្រោយមក លោកមានអាការមិនស្រួលខ្លួន ហើយត្រូវបានបញ្ជូនទៅមន្ទីរពេទ្យ។ រហូតដល់ថ្ងៃទី៣០ ខែមករា លទ្ធផលតេស្តបង្ហាញថា លោកមានជំងឺរលាកសួត COVID-19 ហើយស្ថានភាពជំងឺយ៉ាប់យ៉ឺនយ៉ាងខ្លាំងនៅថ្ងៃទី១០ ខែកុម្ភៈ ហើយបានទទួលមរណភាពនៅ១០ថ្ងៃបន្ទាប់។
អ្នកស្រី Zhong Xin ដែលជាភរិយារបស់លោក Peng បានប្រាប់ថា The-Paper.cn ថា ស្វាមីរបស់ខ្លួនជាគ្រូពេទ្យដ៏អស្ចារ្យ និងជាវីរបុរសម្នាក់។ អ្នកស្រីលើកឡើងថា៖ «ឪពុកម្តាយរបស់គាត់ ពិតជាសោកសៅខ្លាំងណាស់ ដូច្នេះខ្ញុំនឹងព្យាយាមថែរក្សា ចិញ្ចឹមបីបាច់កូន ដើម្បីឲ្យគេមានសុខភាពល្អ»។
អ្នកស្រី Ling Yun គ្រូពេទ្យបម្រើការនៅមន្ទីរពេទ្យ Wuhan Jinyintan និងជាអ្នកមើលថែលោក Peng ផ្ទាល់ បានអះអាងថា លោក Peng បានដឹងពីស្ថានភាពជំងឺរបស់ខ្លួនដែលមានសភាពយ៉ាប់យ៉ឺន ប៉ុន្តែលោកមានជំនឿថា អាចជាសះស្បើយ ដោយសារតែលោកទើបតែមានអាយុ២៩ឆ្នាំ។ អ្វីៗត្រូវបានរលាយ ដោយលោកបានបាត់បង់ជីវិត ដោយមិនទាន់បានឃើញកូនរបស់ខ្លួន៕
លោក Peng Yinhua អាយុ២៩ឆ្នាំ ដែលបម្រើការនៅមន្ទីរពេទ្យក្នុងស្រុក Jiangxia ក្រុងវូហាន បានទទួលមរណភាពដោយសារបញ្ហាផ្លូវដង្ហើម កាលពីថ្ងៃព្រហស្បតិ៍សប្តាហ៍មុន។ បើយោងតាម China Daily លោក និងភរិយាដែលកំពុងពរពោះ មានគម្រោងធ្វើពិធីអាពាហ៍ពិពាហ៍ផ្លូវការកាលពីថ្ងៃទី១ ខែកុម្ភៈ បន្ទាប់ពីពួកគេបានចុះលិខិតអាពាហ៍ពិពាហ៍អស់រយៈពេល២ឆ្នាំកន្លងមកហើយ។
ទឹកចិត្តជាគ្រូពេទ្យដែលប្រកបដោយវិជ្ជាជីវៈ និងស្មារតីទទួលខុសត្រូវ លោក Peng សុខចិត្តលុបចោលគម្រោងអាពាហ៍ពិពាហ៍ដើម្បីទៅជួយសង្គ្រោះអ្នកជំងឺ COVID-19 ដែលចាប់ផ្តើមរាលដាលចេញពីក្រុងវូហាន តាំងពីខែធ្នូ មក។
តាមពិតទៅ មិត្តរួមអាជីពរបស់លោក បាននាំគ្នាជំរុញឲ្យលោកសម្រាកនៅផ្ទះ និងចំណាយពេលវេលាឲ្យបានច្រើនជាមួយភរិយា ប៉ុន្តែលោក Peng បានបដិសេធ ដោយនិយាយថា ខ្លួនគាត់នៅក្មេង ដូច្នេះ គាត់ត្រូវធ្វើការឲ្យច្រើនជាងអ្នកដទៃ។
សារព័ត៌មាន Huanqui.com បានបញ្ជាក់ថា លោក Peng បានរួមចំណែកព្យាបាលអ្នកជំងឺយ៉ាងហោចណាស់១៥០នាក់ក្នុង១ថ្ងៃ។ ក្រោយមក លោកមានអាការមិនស្រួលខ្លួន ហើយត្រូវបានបញ្ជូនទៅមន្ទីរពេទ្យ។ រហូតដល់ថ្ងៃទី៣០ ខែមករា លទ្ធផលតេស្តបង្ហាញថា លោកមានជំងឺរលាកសួត COVID-19 ហើយស្ថានភាពជំងឺយ៉ាប់យ៉ឺនយ៉ាងខ្លាំងនៅថ្ងៃទី១០ ខែកុម្ភៈ ហើយបានទទួលមរណភាពនៅ១០ថ្ងៃបន្ទាប់។
អ្នកស្រី Zhong Xin ដែលជាភរិយារបស់លោក Peng បានប្រាប់ថា The-Paper.cn ថា ស្វាមីរបស់ខ្លួនជាគ្រូពេទ្យដ៏អស្ចារ្យ និងជាវីរបុរសម្នាក់។ អ្នកស្រីលើកឡើងថា៖ «ឪពុកម្តាយរបស់គាត់ ពិតជាសោកសៅខ្លាំងណាស់ ដូច្នេះខ្ញុំនឹងព្យាយាមថែរក្សា ចិញ្ចឹមបីបាច់កូន ដើម្បីឲ្យគេមានសុខភាពល្អ»។
អ្នកស្រី Ling Yun គ្រូពេទ្យបម្រើការនៅមន្ទីរពេទ្យ Wuhan Jinyintan និងជាអ្នកមើលថែលោក Peng ផ្ទាល់ បានអះអាងថា លោក Peng បានដឹងពីស្ថានភាពជំងឺរបស់ខ្លួនដែលមានសភាពយ៉ាប់យ៉ឺន ប៉ុន្តែលោកមានជំនឿថា អាចជាសះស្បើយ ដោយសារតែលោកទើបតែមានអាយុ២៩ឆ្នាំ។ អ្វីៗត្រូវបានរលាយ ដោយលោកបានបាត់បង់ជីវិត ដោយមិនទាន់បានឃើញកូនរបស់ខ្លួន៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
