កីឡាជាតិ
ជាតិ
Hun Sen Cup៖ ពោធិ៍សាត់ បន្ទាយមានជ័យ កំពង់ធំ និងត្បូងឃ្មុំ ជាម្ចាស់ផ្ទះនៅថ្ងៃនេះ កីឡាករខេត្តកំពង់ធំ អបអរគ្រាប់បាល់បញ្ចូលទី នាការប្រកួតកន្លងមក។ រូបថត CNCC
× ពានរង្វាន់សម្តេច ហ៊ុន សែន លើកទី១៤ ឈានដល់សប្តាហ៍ទី៤ហើយសម្រាប់ការប្រកួតថ្នាក់ខេត្ត នាថ្ងៃអង្គារ៍នេះ ដោយចាប់ផ្តើមជំនួបក្នុងពូល A ពូល B និងពូល C។ ការប្រកួតទាំងអស់ចាប់ផ្តើមពីម៉ោង៣រសៀល។
នៅក្នុងពូល A ខេត្តពោធិ៍សាត់ ប្រើប្រាស់កីឡដ្ឋានខ្លួនស្វាគមន៍ខេត្តកំពង់ឆ្នាំង ស្របពេលដែលខេត្តបាត់ដំបង ទៅជួបម្ចាស់ផ្ទះខេត្តបន្ទាយមានជ័យនៅកីឡដ្ឋានវិទ្យាល័យ ហ៊ុន សែន ខ្លាកូន។
នៅក្នុងពូល B កីឡដ្ឋានកងរាជអាវុធហត្ថខេត្តកំពង់ធំ រង់ចាំស្វាគមន៍ក្រុមខេត្តសៀមរាប ខណៈខេត្តរតនគិរី ទៅកាន់កីឡដ្ឋានវិទ្យាល័យ ប៊ុនរ៉ានី ហ៊ុន សែន មេមត់ របស់ខេត្តត្បូងឃ្មុំ សម្រាប់ជំនួបក្នុងពូល C។
សម្រាប់ពូល A នាបីប្រកួតកន្លងមក ខេត្តកំពង់ឆ្នាំង និងខេត្តពោធិ៍សាត់ មាន៥ពិន្ទុរៀងៗខ្លួន ខណៈខេត្តបាត់ដំបង មាន៤ពិន្ទុ និងខេត្តបន្ទាយមានជ័យ មាន១ពិន្ទុ។ ក្នុងពូល B ខេត្តសៀមរាប ដែលទើបប្រកួតបាន២លើក ខេត្តសៀមរាបមាន៦ពិន្ទុ ខេត្តកំពង់ធំ មាន៣ពិន្ទុ ខណៈខេត្តព្រះវិហារ ចាញ់ទាំងពីរប្រកួត។ រីឯក្នុងពូល C ខេត្តត្បូងឃ្មុំ និងខេត្តព្រៃវែងមាន៤ពិន្ទុដូចគ្នា ខណៈខេត្តរតនគិរី មិនទាន់មានពិន្ទុរាប់។
© រក្សាសិទ្ធិដោយ thmeythmey.com