ពីនេះ ពីនោះ
ព័ត៍មានសុខភាព
មានផ្ទៃពោះហួសថ្ងៃខែត្រូវកើតហើយ គេឲ្យញ៉ាំម្នាស់ដើម្បីឆាប់ឈឺពោះកើត ត្រូវអត់?
×![]()
ដោយ: ថ្មីៗ
អ្នកប្រហែលជាធ្លាប់ដឹងរួចមកហើយថា មានការណែនាំទាក់ទងនឹងការទទួលទានផ្លែម្នាស់ក្នុងពេលមានផ្ទៃពោះដោយសារតែសារធាតុក្នុងផ្លែម្នាស់នឹងធ្វើឲ្យស្បូនកន្ត្រាក់ និងបើកមាត់ស្បូន ដែលជាហេតុនាំឲ្យប្រឈមនឹងការឆាប់សម្រាលកូន ជាពិសេសនៅពេលដែលពរពោះចាស់ខែពេក ឬហួសថ្ងៃកើតហើយនៅតែមិនព្រមឈឺពោះសម្រាលទៀត។ 
តើវាពិតដែរទេ?
ផ្លែម្នាក់ត្រូវបានគេដឹងថា មានពណ៌ដ៏ស្រស់ស្អាត រសជាតិឆ្ងាញ់ និងអាចធ្វើជាទឹកញ៉ាំបានថែមទៀតផង។ វាផ្ទុកទៅដោយអង់ហ្ស៊ីមមួយប្រភេទឈ្មោះថា Bromelain ដែលស្ត្រីមួយចំនួនជឿថា អាចធ្វើឲ្យមាត់ស្បូនទុំ និងកន្ត្រាក់បាន។ បើសិនជាអ្នកញ៉ាំផ្លែម្នាស់ច្រើនក្នុងពេលតែមួយ អ្នកប្រហែលជាមានអារម្មណ៍ក្រហាយ ឈឺឈៀបៗ ឬអាចឈឺក្នុងមាត់ផង។ នេះដោយសារតែ Bromelain នេះឯង។
នៅតាមបណ្តាញសង្គមមួយចំនួនតែងតែលើកទឹកចិត្តឲ្យស្ត្រីពរពោះចាស់ខែព្យាយាមញ៉ាំផ្លែម្នាស់ស្រស់ឲ្យបានច្រើនដើម្បីឲ្យឆាប់ឈឺពោះសម្រាល។ ខ្លះទៀតបានព្យាយាមញ៉ាំម្នាស់ច្រើនៗក្នុងពេលតែម្តង រហូតដល់មានផលរំខានរបស់ Bromelain ទៅវិញដូចជា ចង្អោ ឈឺក្រពះ និងរាករូស។
ជំនឿមិនត្រឹមត្រូវតែងលើកទឹកចិត្តឲ្យញ៉ាំផ្លែម្នាស់ច្រើនៗដើម្បីជំរុញដល់ការកន្ត្រាក់ស្បូន ប៉ុន្តែវាពិតជាមិនត្រឹមត្រូវឡើយ។ ទោះបីជាយ៉ាងណាក៏ដោយ វាមានដែនកំណត់មួយចំនួនទាក់ទងនឹងការស្រាវជ្រាវទៅលើរឿងនេះ ប៉ុន្តែនៅតែមិនទាន់ចេញជាសេចក្តីសន្និដ្ឋាននៅឡើយទេ។ តាមការសិក្សាបានឲ្យដឹងថា សារធាតុចម្រាញ់ចេញពីផ្លែម្នាស់នឹងធ្វើឲ្យជាលិកាស្បូនកន្ត្រាក់នោះ បានកើតឡើងលើកណ្តុរដែលមានផ្ទៃពោះ និងស្ត្រីមានផ្ទៃពោះ។ ចូរចាំថា សារធាតុដែលចម្រាញ់ចេញនេះអាចប្រើដោយផ្ទាល់លើស្បូនជាងការញ៉ាំតាមមាត់ទើបមានប្រសិទ្ធភាពបែបនេះ។ ប៉ុន្តែការសិក្សាដែលនិយាយអំពីការញ៉ាំម្នាស់តាមមាត់ហើយធ្វើឲ្យស្បូនកន្ត្រាក់នោះនៅតែមិនទាន់ច្បាស់នៅឡើយ។
ការសម្រាលកូនគឺជាដំណើរការណ៍មួយដែលអាស្រ័យទៅតាមកត្តាជាច្រើន។ ការញ៉ាំផ្លែម្នាស់តែមួយមុខមិនអាចធ្វើឲ្យរឿងនេះកើតឡើងបានទេ។ ការសិក្សាដែលបញ្ជាក់ពីខាងលើ ការស្រាវជ្រាវគ្រាន់តែណែនាំថា មានការកន្ត្រាក់ស្បូន តែមិនអាចធ្វើឲ្យមាត់ស្បូនបើកឡើយ។ ឥឡូវនេះ ការរងចាំដើម្បីសម្រាលបែបធម្មជាតិនៅតែជារឿងដ៏សំខាន់ ឬអ្នកអាចពិភាក្សាជាមួយគ្រូពេទ្យបើសិនជាអ្នកជឿថា មានហេតុផលណាផ្សេងដែលត្រូវជំរុញឲ្យស្បូនកន្ត្រាក់ជាងការញ៉ាំផ្លែម្នាស់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
