អត្ថបទពាណិជ្ជកម្ម
អ្នកបើកបរ និងអតិថិជន នឹងទទួលបានអត្ថប្រយោជន៍យ៉ាងច្រើនពី GoGo Taxi Cambodia
× GoGo Taxi Cambodia គឺជាសេវាកម្មហៅរ៉ឺម៉កកង់បី និងតាក់ស៊ី តាមទូរសព្ទដៃថ្មីមួយ ដែលទើបតែមានវត្តមាននៅក្នុងទីផ្សារប្រទេសកម្ពុជា។ កម្មវិធីមួយនេះ ទើបសម្ពោធឲ្យប្រើប្រាស់ផ្លូវការកាលពីពេលថ្មីៗនេះ ប៉ុន្តែកំពុងមានភាពលេចធ្លោ តាមរយៈការផ្តល់ជូននូវអត្ថប្រយោជន៍យ៉ាងច្រើន ទៅដល់អតិថិជន ក៏ដូចជាម្ចាស់កង់បី និងតាក់ស៊ី ដែលជាដៃគូរបស់ខ្លួន។ តើអត្ថប្រយោជន៍អ្វីខ្លះ ដែល GoGo Taxi Cambodia ផ្តល់ទៅឲ្យអតិថិជន និងដៃគូដែលជាបើកបររបស់ខ្លួននោះ?
បើតាមលោក ទូច ពិសិដ្ឋ អ្នកគ្រប់គ្រងទីផ្សាររបស់ GoGo Taxi Cambodia ទាំងអ្នកប្រើប្រាស់ និងអ្នករត់កង់បី និងតាក់ស៊ីដែលជាដៃគូ នឹងទទួលបានអត្ថប្រយោជន៍ល្អប្រសើរជាងមុន ដែលធ្វើឲ្យអាជីវកម្ម និងជីវភាពគាត់ កាន់តែល្អប្រសើរ នៅពេលបានចាប់ដៃគូជាមួយយើង។ អត្ថប្រយោជន៍ទាំងនោះមានត្រួសៗដូចជា៖ ១. ផ្តល់ឱកាសការងារសម្រាប់បុគ្គលិកធ្វើការជាមួយយើង និងម្ចាស់កង់បី និងតាក់ស៊ី ដែលស្ថិតក្នុងសេដ្ឋកិច្ចក្រៅប្រព័ន្ធ ទទួលបានឱកាសសម្រាប់រីកចម្រើនរួមគ្នា។ ២. ចង់បង្ហាញថាកូនខ្មែរយើងមានសមត្ថភាព ក្នុងការផលិត ឬបង្កើតនូវបចេ្ចកវិទ្យាថ្មីៗ បានដូចគេឯងដែរ។ និងទី៣. ក្រុមហ៊ុនអាចពង្រីកសេវាកម្មផ្សេងៗទៀត ដែលអាចធ្វើទៅបានទៅតាមតំបន់សក្តានុពលដទៃទៀត។
លោក ទូច ពិសិដ្ឋ បានឲ្យដឹងទៀតថា GoGo Taxi Cambodia មានសេវាកម្មពីរប្រភេទ សម្រាប់ម្ចាស់រ៉ឺម៉កកង់បី និងតាក់ស៊ីជាដៃគូ គឺគិតសេវាប្រចាំខែ និងគិតជាភាគរយ(១២%) ពីការដឹកជញ្ជូនរបស់គាត់ ជាមួយអតិថិជនក្នុងមួយលើកៗ។ ចំណែកឯការទូទាត់រវាងអ្នកជិះ និងកង់បី ឬតាក់ស៊ី GoGo Taxi Cambodia ក៏បានផ្តល់ជម្រើសជាច្រើនដូចគ្នាដែរ ដូចជាគិតតាមតាមសមតុល្យក្នុងប្រព័ន្ធជាក់ស្តែង។ ទូទាត់ប្រាក់សុទ្ធពេលដល់គោលដៅ និងការទូទាត់តាមដៃគូរបស់យើងដែលមានដូចជា true money/Wing/Pi pay/MasterCard/visa card ជាដើម។
យ៉ាងណាក៏ដោយ GoGo Taxi Cambodia មានជំនឿចិត្តយ៉ាងខ្លាំង ក្នុងការប្រជែងនៅក្នុងទីផ្សារកម្ពុជា បើទោះក្រុមហ៊ុនមានវត្តមានក្រោយគេបន្តិចក៏ដោយ។ លោក ទូច ពិសិដ្ឋ អ្នកគ្រប់គ្រងទីផ្សាររបស់ GoGo Taxi Cambodia បានរៀបរាប់ថា GoGo Taxi Cambodia គឺរក្សាភាពស្មោះត្រង់ជាមួយអតិថិជន ដោយផ្តល់ការទូទាត់ដ៏ត្រឹមត្រូវ និងមានភាពរហ័សទាន់ចិត្ត។ ជាមួយគ្នានោះ ម្ចាស់រ៉ឺម៉កកង់បី និងតាក់ស៊ីដែលជាដៃគូរបស់ខ្លួន ក៏តែងតែប្រកាន់ខ្ជាប់នូវភាពស្មោះត្រង់របស់ខ្លួនដែរ។ លើសពីនេះ កម្មវិធីហៅកង់បី និងតាក់ស៊ីមួយនេះ ងាយស្រួលជាងគូប្រជែងដោយបានគ្របដណ្តប់គ្រប់ទីកន្លែង ហើយអ្នកបើកបរដែលជាដៃគូ និងអតិថិជនដែលប្រើប្រាស់ ទទួលអត្ថប្រយោជន៍គ្រប់ពេលដែលប្រើប្រាស់៕
© រក្សាសិទ្ធិដោយ thmeythmey.com