Rocky Ogden ចង់ក្លាយជាតារាឆ្នើមមួយរូបនៅ One ប្រសិនឈ្នះវីរបុរស Sam-A
28, Feb 2020 , 8:59 am
រូបភាព
×
អត្ថបទ៖ស៊ីធី
Rocky Ogden ត្រៀមខ្លួនរួចរាល់ហើយដើម្បីចារឈ្មោះរបស់ខ្លួនក្នុងប្រវត្តិសាស្ត្រនៅ ONE Championship ក្នុងកម្មវិធី ONE: KING OF THE JUNGLE។ កីឡាករវ័យ ២០ ឆ្នាំមកពីអូស្ត្រាលី បង្ហាញក្តីរំភើបក្នុងការបង្ហាញខ្លួនដំបូងនៅសង្វៀន The Home Of Martial Arts នាថ្ងៃសុក្រទី២៨ ខែកុម្ភៈ។ Rocky ត្រូវឡើងទៅដណ្ដើមខ្សែក្រវាត់ទល់នឹងកីឡាករជើងចាស់របស់ថៃSam-A Gaiyanghadao។
Rocky ត្រូវឡើងប្រកួតដណ្ដើមខ្សែក្រវាត់ ONE Strawweight Muay Thai World Title ទល់នឹង Sam-A Gaiyanghadao។ ខ្សែក្រវាត់នេះត្រូវបានគេដាក់សម្ពោធលើកដំបូងក្នុងនាមគូឯករងនៅសង្វៀន Singapore Indoor Stadium នាប្រទេសសិង្ហបុរី។
«អ្នកចាប់គូនៅ ONE បានថ្លែងថាពួកគាត់ផ្ដល់ឱកាសដ៏ល្អសម្រាប់ខ្ញុំ។ នោះគឺជាការងារដ៏ធំ។ ប៉ុន្តែកាន់តែភ្ញាក់ផ្អើល គឺ ត្រូវប្រកួតយកខ្សែក្រវាត់ World Title ដោយប៉ះ Sam-A។ វាជារឿងមិនបានគិតសោះ។ ប៉ុន្តែវាជាពេលខ្លីមួយ។ យ៉ាងណា ខ្ញុំមិនអាចនិយាយថា «ទេ» នោះឡើយព្រោះវាជាឱកាសដ៏កម្រ។ ខ្ញុំនឹងប្រកួតខ្លាំងក្លា វ៉ៃឲ្យល្អមើល និង ទទួលបានគោរពពីមនុស្សផងគ្នា»។ Rocky រៀបរាប់បែបនេះ។
យុវជនមកពី Gold Coast ជាកីឡាករម្នាក់មានជំនាញក្បាច់មួយថៃនិងទទួលជ័យជម្នះជាច្រើននៅសង្វៀននាប្រទេសថៃ។ យុវជនរូបនេះទទួលបានការគោរពជាច្រើនទាំងក្នុងស្រុក និង អន្តរជាតិ នៅពេលយកឈ្នះកីឡាករល្បីៗជាច្រើនរបស់ថៃ និង ក្រសោបបានខ្សែក្រវាត់ WPMF Muay Thai World Title ត្រឹមវ័យ ១៧ ឆ្នាំប៉ុណ្ណោះ។ យ៉ាងណាក្ដី ការប្រកួតដំបូងនៅ ONE គឺ ពិតជាការតេស្ដសមត្ថភាពដ៏លំបាកមួយ។