SHE រៀបចំសន្និបាតសហគ្រិនស្ត្រីឆ្នាំ២០២០៖ «ការវិនិយោគជាមួយស្ត្រីត្រូវបានមើលឃើញជាឱកាសមិនមែនជំនួយសប្បុរសធម៌»

អត្ថបទពាណិជ្ជកម្ម

SHE រៀបចំសន្និបាតសហគ្រិនស្ត្រីឆ្នាំ២០២០៖ «ការវិនិយោគជាមួយស្ត្រីត្រូវបានមើលឃើញជាឱកាសមិនមែនជំនួយសប្បុរសធម៌»

28, Feb 2020 , 11:51 am

រូបភាព

ដោយ: ថ្មីៗ

ភ្នំពេញ៖ សន្និបាតសហគ្រិនស្ត្រីប្រចាំឆ្នាំរបស់ស៊ី អ៊ិនវេសមិន (SHE Investments) នឹងត្រឡប់មកសារជាថ្មីម្ដងទៀត ដើម្បីអបអរសាទរសមិទ្ធផលនានា របស់សហគ្រិនស្ត្រីកម្ពុជា និងប្រារព្ធខួប៥ឆ្នាំរបស់សហគ្រាសសង្គមស៊ី អ៊ិនវេសមិន ក៏ដូចជាទិវាសិទ្ធិនារីអន្តរជាតិឆ្នាំនេះផងដែរ។ ជាមួយការគាំទ្រ ពីគម្រោងទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ USAID តាមរយៈគម្រោង WE Act និងធនាគារ ប្រ៊េដប៊ែង កម្ពុជា (Bred Bank Cambodia) ព្រមទាំងធនាគារ ភីភីស៊ីប៊ែង (PPCBank) សន្និបាតឆ្នាំនេះ ត្រូវបានរំពឹងទុកថា ជាព្រឹត្តិការណ៍ដ៏ធំមួយ អបអរដល់ភាពជាសហគ្រិនស្ត្រីក្នុងវិស័យធុរកិច្ច នៅប្រទេសកម្ពុជា។ សន្និបាតនេះ នឹងប្រារព្ធឡើងនៅថ្ងៃសុក្រ ទី៦ ខែមីនា ឆ្នាំ២០២០ ចាប់ពីម៉ោង៩ព្រឹក ដល់ម៉ោង៥រសៀល នៅ ហ្វេកតូរីភ្នំពេញ (Factory Phnom Penh)។

សន្និបាតឆ្នាំនេះ ត្រូវបានរៀបចំឡើងសម្រាប់សហគ្រិនស្ត្រីកម្ពុជា និងអ្នកចូលរួមដទៃទៀតប្រមាណ៣៥០នាក់ ដើម្បីអបអរសាទរ និងគាំទ្រដល់សហគ្រិនភាព និងភាពជាអ្នកដឹកនាំរបស់ស្ត្រីខ្មែរ ក្រោមប្រធានបទ៖ «ការវិនិយោគជាមួយស្ត្រីត្រូវបានមើលឃើញជាឱកាសមិនមែនជំនួយសប្បុរសធម៌» ដើម្បីពង្រឹងចក្ខុវិស័យរបស់យើង ដែលយើងជឿជាក់ថា ពិភពលោកមួយដែលការវិនិយោគជាមួយស្ត្រីត្រូវបានមើលឃើញជាឱកាស មិនមែនជាជំនួយ ឬអំពើសប្បុរសធម៌នោះទេ។ យើងជឿជាក់យ៉ាងមុតមាំថា ស្ត្រីគឺជាបុគ្គលមានសិទ្ធិអំណាច និងមានសមត្ថភាពពេញលេញ ក្នុងការបង្កើតភាពផ្លាស់ប្ដូរពិតប្រាកដ និងជះផលវិជ្ជមានដល់សហគមន៍ ក៏ដូចជាសង្គមជាតិរបស់ពួកគាត់។

សន្និបាតនេះ នឹងប្រព្រឹត្តទៅពេញមួយថ្ងៃ ដោយមានសកម្មភាពផ្សេងៗដូចជា៖ ការធ្វើបទបង្ហាញ និងកិច្ចពិភាក្សាពីស្ត្រីខ្មែរដែលជាអ្នកដឹកនាំឆ្នើម, ការដាក់បង្ហាញផលិតផលនានា ប្រមាណ ១០០ អាជីវកម្មដែលជាស្នាដៃស្ត្រីខ្មែរ, ការប្រគំតន្ត្រី, កម្មវិធីប្រគល់ពានរង្វាន់ដល់សហគ្រិនស្ត្រីឆ្នើមប្រចាំឆ្នាំ២០២០ និងកម្មវិធីបង្កើតបណ្ដាញអាជីវកម្មផងដែរ។

វាគ្មិនឆ្នើម ដែលចូលរួមក្នុងវេទិកាពិភាក្សារួមមាន៖ លោកស្រី ប៉េង ឡូឌី ប្រធានផ្នែកសហគ្រិនភាព នៃគម្រោង WE Act កម្ពុជា, អ្នកឧកញ៉ាស្រ៊ាត មុំសោភា ស្ថាបនិក និងប្រធានប្រតិបត្តិក្រុមហ៊ុនទេសចរណ៍ សូហ្វីយ៉ា និងអនុប្រធានសមាគមសហគ្រិនស្ត្រីកម្ពុជា, លោកស្រី ខៀវ ធីតា ស្ថាបនិកក្រុមហ៊ុន សូឡាហ្គ្រីនអ៊ិនន័រជីកម្ពុជា និងជាសមាជិកក្រុមប្រឹក្សាភិបាល នៃក្រុមហ៊ុនស៊ី អ៊ិនវេសមិន, លោកស្រី មាស គន្ធា នាយកគ្រប់គ្រងបណ្ដាញសាខាផ្នែកហិរញ្ញវត្ថុបុគ្គល នៃធនាគារប្រ៊េដប៊ែងកម្ពុជា និងលោកស្រី កែម សុភក្ដិ ប្រធានជាន់ខ្ពស់នាយកដ្ឋានធនធានមនុស្ស នៃធនាគារភ្នំពេញពាណិជ្ជ។

សន្និបាតនៅពេលព្រឹក នឹងមានការធ្វើបទបង្ហាញអំពីសមិទ្ធផលនានា រយៈពេល៥ឆ្នាំរបស់ ស៊ី អ៊ិនវេសមិន ផ្សារភ្ជាប់ដោយវេទិកាពិភាក្សាលើប្រធានបទ «ការវិនិយោគជាមួយស្ត្រីត្រូវបានមើលឃើញជាឱកាសមិនមែនជំនួយសប្បុរសធម៌»។ បន្ថែមពីនេះទៀត នឹងមានការដាក់បង្ហាញផលិតផលនានា ពីប្រមាណ ១០០ អាជីវកម្ម ដែលជាស្នាដៃស្ត្រីខ្មែរ នៅពេលរសៀល។ បន្តមកទៀតមានការប្រគំតន្ត្រីផ្ទាល់ ដោយសិល្បៈការីខ្មែរ មកពី The Sound Initiative ដើម្បីអបអរមុនការប្រគល់ពានរង្វាន់ ដល់សហគ្រិនស្ត្រីឆ្នើមប្រចាំឆ្នាំ២០២០ ហើយសន្និបាតនឹងបញ្ចប់ទៅដោយមាន កម្មវិធីបង្កើតបណ្ដាញអាជីវកម្មនាពេលរសៀល។

សម្រាប់ព័ត៌មានបន្ថែម អំពីសន្និបាតសហគ្រិនស្ត្រីឆ្នាំ២០២០ សូមទំនាក់ទំនងមកកាន់ លោក ជា ចល តាមរយៈអ៊ីម៉ែល