សៀមរាប ថ្ងៃទី២៨ ខែកុម្ភៈ ឆ្នាំ២០២០៖ ពិធីសម្ពោធ«ឧបករណ៍ហាត់ប្រាណអាឃ្វ័ររៀស» របស់ក្រុមហ៊ុនភេសជ្ជៈកម្ពុជា (កូកា-កូឡា) ដែលបានដំឡើងនៅសួនច្បារទល់មុខរង្វង់មូលព្រះអង្គចេកព្រះអង្គចម ខេត្តសៀមរាប បានប្រព្រឹត្តទៅយ៉ាងរលូន កាលពីព្រឹកថ្ងៃទី២៨ ខែកុម្ភៈ ឆ្នាំ២០២០ ។ កម្មវិធីនេះ ប្រព្រឹត្តទៅក្រោមអធិបតីភាពដ៏ខ្ពស់ខ្ពស់ របស់ លោកនាក់ ណេរ៉ុន អភិបាលរង នៃគណៈអភិបាលខេត្តសៀមរាប និងលោក រស់ សោភា នាយកផ្នែកច្បាប់ និងទំនាក់ទំនងកិច្ចការសាធារណៈ ប្រចាំប្រទេសរបស់ក្រុមហ៊ុន។
លោកអភិបាលរងនៃគណៈអភិបាលខេត្តសៀមរាប មានប្រសាសន៍ក្នុងពិធីថា៖«ការហាត់ប្រាណផ្តល់គុណប្រយោជន៍៥ចំណុចសំខាន់ៗដូចជា កាត់បន្ថយឱកាសប្រឈមមុខនឹងជំងឺបេះដូងសួត ជួយសម្រួលសម្ពាធឈាមដំណើរការបានល្អ ធ្វើឲ្យគេងលក់ស្រួល ខួរក្បាលវាងវៃ និងមានអាយុវែង»។ លោកបានបន្តទៀតថា ៖«វត្តមាននៃឧបករណ៍ហាត់ប្រាណ និងពិធីនាថ្ងៃនេះ ជាការឧបត្ថម្ភរបស់ក្រុមហ៊ុនកូកា-កូឡាកម្ពុជា ដែលនេះជាសក្ខីភាព នៃការចូលរួមចំណែកលើកកម្ពស់សុខុមាលភាព ជូនបងប្អូនប្រជាពលរដ្ឋ ក៏ដូចជាភ្ញៀវទេសចរជាតិ និងអន្តរជាតិ ដែលនិយមហាត់ប្រាណ ដើម្បីថែរក្សាសុខភាពប្រចាំថ្ងៃ»។
ក្នុងឱកាសនេះដែរ លោក រស់ សោភា នាយកផ្នែកច្បាប់ និងទំនាក់ទំនងកិច្ចការសាធារណៈប្រចាំប្រទេស មានប្រសាសន៍ថា៖ «ការនាំយកឧបករណ៍ហាត់ប្រាណ អាឃ្វ័ររៀស ជូនដល់សាធារណជននាថ្ងៃនេះ គឺជាសកម្មភាពចម្បងមួយ នៃគម្រោងជាសាកលរបស់ក្រុមហ៊ុនកូកា-កូឡា ក្រោមឈ្មោះថា «សុខុមាលភាពល្អ» ក៏ដូចជាដើម្បីសម្តែងនូវឆន្ទៈ គាំទ្រយ៉ាងពេញទំហឹង ចំពោះគោលនយោបាយរបស់រាជរដ្ឋាភិបាល លើការលើកកម្ពស់សុខុមាលភាព ប្រជាជនកម្ពុជា តាមរយៈជំរុញប្រជាសហគមមូលដ្ឋាន ធ្វើលំហាត់ប្រាណ ដើម្បីថែទាំសុខភាពប្រចាំថ្ងៃ និងបញ្ជៀសឱកាសសេពគ្រឿងញៀន»។ ក្នុងពិធីនេះ លោកក៏បានណែនាំពីគុណតម្លៃរបស់ភេសជ្ជៈកីឡា គឺ «អាឃ្វ័ររៀស»ដែលជាពាណិជ្ជសញ្ញាមួយក្នុងចំណោមពាណិជ្ជសញ្ញាល្បីៗ ចំនួន ២០ របស់ក្រុមហ៊ុនកូកា-កូឡា។ អាឃ្វ័ររៀស បានជាប់ចំណាត់ថ្នាក់លេខ ១ នៅប្រទេសជប៉ុន ដែលជាប្រភេទភេសជ្ជៈបំពេញជាតិទឹកបានយ៉ាងឆាប់រហ័សដល់រាងកាយ សាកសមបំផុតសម្រាប់អ្នកកីឡាគ្រប់រូប។
អាឃ្វ័ររៀស ត្រូវបានណែនាំមកទីផ្សារកម្ពុជាលើកដំបូង នៅក្នុងឆ្នាំ 2014 ដោយក្រុមហ៊ុនភេសជ្ជៈកម្ពុជា (កូកា-កូឡា) ហើយភេសជ្ជៈនេះ ទទួលបានការពេញនិយមយ៉ាងខ្លាំង ពីសំណាក់អតិថិជននិយមលេងកីឡាដែលពួកគាត់ត្រូវការភេសជ្ជៈ ដែលបំពេញជាតិទឹកត្រឡប់មករាងកាយវិញ ពោលគឺសម្រាប់ប្រជាជនក្នុងតំបន់អាកាសធាតុត្រូពិក ដូចកម្ពុជាយើងនេះ។
នៅប្រទេសកម្ពុជា អាឃ្វ័ររៀសគឺជាពាណិជ្ជសញ្ញាដ៏មានប្រជាប្រិយភាព និងលេចធ្លោបំផុត ក្នុងចំណោមប្រភេទភេសជ្ជៈ ដែលមានការប្រកួតប្រជែងខ្ពស់។
អាឃ្វ័ររៀស ផ្សំឡើងពីគ្រឿងផ្សំជាច្រើនរួមមាន៖ អំបិល សូដ្យូម វីតាមីនB (B3, B5, B6, B12) ស្ករ ហ្វ្រូចតូស ប៉ូតាស្យូមផូស្វាត និងហ្គារ៉ាណា ដែលជួយកាត់បន្ថយអារម្មណ៍នឿយហត់អស់កម្លាំង។ អាឃ្វ័ររៀស អាចជួយដល់រាងកាយ ឲ្យងាយឆាប់ស្រូបយកសារធាតុចិញ្ចឹម ពីប្រព័ន្ធរំលាយអាហារទៅកាន់សរសៃឈាម។ លើសពីនេះទៅទៀត សូដ្យូមក្នុងអាឃ្វ័ររៀស គឺជាជាតិរ៉ែចម្បងមួយប្រភេទ ដែលងាយបាត់បង់ តាមរយៈការបញ្ចេញញើស វាមានវត្តមាន នៅក្នុងអាឃ្វ័ររៀស ដែលអាចជួយឱ្យរាងកាយរបស់យើង រក្សានូវជាតិទឹក និងបំពេញជាតិទឹកមកវិញ។
បច្ចុប្បន្ន អាឃ្វ័ររៀសមានក្នុងចំណុះ 330ml ជាកំប៉ុង និង ប្រភេទដបប្លាស្ទិក 390ml ហើយសំបកវេចខ្ចប់នីមួយៗនៃអាឃ្វ័ររៀស មានបញ្ជាក់យ៉ាងលម្អិតអំពីព័ត៌មាន គ្រឿងផ្សំ ព្រមទាំងអាហារូបត្ថម្ភ។
កីឡានាំមកនូវសុខភាព និងមិត្តភាព!
សម្រាប់ព័ត៌មានបន្ថែម សូមទាក់ទង៖ កញ្ញា វ៉ាន់ អាម៉ូនិច្ច ប្រធានផ្នែកទំនាក់ទំនង និងកិច្ចការសាធារណៈរបស់ក្រុមហ៊ុន តាមរយៈ v
៕
(អត្ថបទពាណិជ្ជកម្ម)