កីឡាជាតិ
ជាតិ
កីឡាករ ម៉ាត់ នូរុណ អបអរក្រោយរកគ្រាប់បាល់បាន១គ្រាប់ឲ្យបឹងកេតក្នុងជំនួបជាមួយអង្គរថាយហ្គឺរ, រូបភាពពី CNCC
×![]()
ការប្រកួតបាល់ទាត់ក្របខណ្ឌមិត្តហ្វូនខេមបូឌានលីគបានឈានដល់ការប្រកួតសប្តាហ៍ទី៣ ដោយនៅថ្ងៃសៅរ៍ ទី២៩ ខែកុម្ភៈ ឆ្នាំ២០២០ នេះ មានការប្រកួតចំនួនបីគូ។ ក្នុងនោះបឹងកេតត្រូវប្រជែងជាមួយណាហ្គាវើល ខណៈអគ្គិសនីកម្ពុជាទទួលយុវជនអាយុក្រោម១៨ឆ្នាំបាទី មុនភ្នំពេញក្រោនតទល់ជាមួយអាស៊ីអឺរ៉ុប។
ក្រោយយកឈ្នះវិសាខា ១-០ កាលពីសប្តាហ៍មុន ក្រុមបឹងកេតត្រូវបើកទ្វារកីឡដ្ឋានខេមបូឌាអ៊ែវ៉េទទួលភ្ញៀវណាហ្គាវើល ដែលយកយកឈ្នះអគ្គស្នងការដ្ឋាននគរបាលជាតិ ២-១។ ការប្រកួតធ្វើឡើងវេលាម៉ោង៣:៣០នាទីរសៀលថ្ងៃទី២៩ កុម្ភៈ នាកីឡដ្ឋានខេមបូឌាអ៊ែវ៉េ។ បើមើលពីប្រវត្តិជួបគ្នាពីរលើកក្នុងពានរង្វាន់ក្របខណ្ឌមិត្តហ្វូនខេមបូឌានលីគកាលពីឆ្នាំ២០១៩ ណាហ្គាវើលមិនដែលយកឈ្នះបឹងកេតនោះទេ ដោយពួកគេចាញ់បឹងកេត ២-០ នៅជើងទី១ និងស្មើ ១-១ នៅជើងទី២។ នេះជាការប្រកួតដ៏ជក់ចិត្ត និងតានតឹងប្រចាំសប្តាហ៍នេះ ដ្បិតក្រុមទាំងពីរសុទ្ធសឹងមានសមត្ថភាពខ្លាំង និងសម្បូរកីឡាករមានគុណភាពដូចគ្នា។
នៅម៉ោង៣:៣០នាទីថ្ងៃសៅរ៍នេះដែរ ក្រុមប្រើប្រាស់ធនធានកីឡាករខ្មែរសុទ្ធអគ្គិសនីកម្ពុជា ត្រូវតទល់ជាមួយយុវជនអាយុក្រោម១៨ឆ្នាំបាទី ដែលប្រើប្រាស់កីឡាករខ្មែរសុទ្ធដូចគ្នា នៅកីឡដ្ឋានអគ្គិសនីកម្ពុជា។ នាជំនួបបើកឆាករបស់ខ្លួនអគ្គិសនីកម្ពុជាចាញ់ភ្នំពេញក្រោន ៣-០ ខណៈ U18 បាទីបញ្ចប់ដោយគ្មានការស៊ុតបញ្ចូលទីជាមួយក្រសួងការពារជាតិ និងចាញ់ភ្នំពេញក្រោន ៧-០ កាលពីសប្តាហ៍មុន។
ដោយឡែកក្រុមភ្នំពេញក្រោនត្រូវបើកទ្វារកីឡដ្ឋានខ្លួនស្វាគមន៍អាស៊ីអឺរ៉ុបនៅម៉ោង៦ល្ងាច។ សម្រាប់ការប្រកួតពីរលើកកន្លងមកភ្នំពេញក្រោនទទួលបានជ័យជម្នះទាំងពីរប្រកួត ក្នុងនោះយកឈ្នះអគ្គិសនីកម្ពុជា ៣-០ និងឈ្នះ U18 បាទី ៧-០ ខណៈអាស៊ីអឺរ៉ុបចាញ់ក្រសួងការពារជាតិ ២-០ និងឈ្នះគីរីវង់សុខសែនជ័យ ១-០។ បើមើលពីប្រវត្តិជួបគ្នាពីរជើងក្នុងព្រឹត្តិការណ៍នេះកាលពីឆ្នាំ២០១៩ ភ្នំពេញក្រោនយកឈ្នះអាស៊ីអឺរ៉ុបទាំងពីរជើង ដោយលទ្ធផល ១-០ និង ៤-៣៕
Tag:
Cambodian League 2020
បឹងកេត
ណាហ្គាវើល
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
