ជាតិ
សង្គមជាតិ
ក្រសួងមហាផ្ទៃ ជ្រើសរើសបេក្ខជនឲ្យចូលបម្រើការងាររដ្ឋបាលខេត្តព្រះសីហនុសម្រាប់ឆ្នាំ២០២០
រូបពីក្រសួងមហាផ្ទៃ
×![]()
ដោយ: ផាត ដាណេ
ភ្នំពេញ៖ ក្រសួងមហាផ្ទៃ ជ្រើសរើសសិស្ស និស្សិត ទាំងពីរភេទចំនួន១០រូប ឲ្យចូលបម្រើការងារក្នុងក្របខណ្ឌមន្ត្រីរាជការស៊ីវិលរដ្ឋបាលខេត្តព្រះសីហនុ សម្រាប់ឆ្នាំ២០២០។
សេចក្ដីជូនដំណឹងរបស់អភិបាលខេត្តព្រះសីហនុបានឲ្យដឹងថា បេក្ខជនទាំង១០នាក់ ដែលត្រូវជ្រើសរើស ក្នុងនោះបេក្ខជន៦នាក់ ត្រូវចូលបម្រើការនៅសាលាខេត្តព្រះសីហនុ និងបេក្ខជន៤នាក់ទៀតត្រូវទៅបម្រើការនៅសាលាក្រុងកោះរ៉ុង។
ក្នុងការប្រឡងនេះ បេក្ខជនត្រូវមានសញ្ជាតិជាខ្មែរ និងត្រូវមានសញ្ញាបត្រទុតិយភូមិ។ បេក្ខដែលមានសញ្ញាបត្របរិញ្ញាបត្រ ត្រូវមានអាយុ៣៥ឆ្នាំ បើបេក្ខជនមានអាយុ៤០ឆ្នាំ ត្រូវមានសញ្ញាបត្របរិញ្ញាបត្រជាន់ខ្ពស់ផងដែរ។ សម្រាប់មន្ត្រីរាជការដែលផ្ទេរក្របខណ្ឌ ត្រូវមានការយល់ស្របពីប្រធាន និងមន្ត្រីដែលមានសញ្ញាបត្របណ្ឌិត ត្រូវបានលើកលែងចំពោះអាយុ។ ប្រឡងថ្ងៃទី២៤ ខែឧសភា ឆ្នាំ២០២០ និងប្រឡងទៅលើវិញ្ញាសា ចំណេះដឹងទូទៅ ភាសាអង់គ្លេស និងមុខជំនាញ។ នេះបើតាមក្រសួងមហាផ្ទៃ។
សម្រាប់បេក្ខដែលមានចំណាប់អារម្មណ៍អាចដាក់ពាក្យចុះឈ្មោះ នៅទីចាត់ការធនធានមនុស្ស ខេត្តព្រះសីហនុ ឲ្យបានមុនថ្ងៃទី២៤ ខែមេសា ឆ្នាំ២០២០។ សម្រាប់ព័ត៌មានបន្ធែមបេក្ខជនអាចទាក់ទងទៅតាមរយៈទូរសព្ទលេខ ០១១ ៣៤៥ ៦៤០ ឬ ០១៦ ៣៧៥ ៤៩៨៕
Tag:
ក្រសួងមហាផ្ទៃ
© រក្សាសិទ្ធិដោយ thmeythmey.com
