កម្ពុជានាំចេញកសិផលជាង១៧៣ម៉ឺនតោន ទៅក្រៅប្រទេស នៅត្រឹមខែកុម្ភៈ ឆ្នាំ២០២០

ជាតិ

សង្គមជាតិ

កម្ពុជានាំចេញកសិផលជាង១៧៣ម៉ឺនតោន ទៅក្រៅប្រទេស នៅត្រឹមខែកុម្ភៈ ឆ្នាំ២០២០

02, Mar 2020 , 7:59 am

រូបភាព

រូបពីក្រសួងកសិកម្ម រុក្ខាប្រមាញ់និងនេសាទ

ដោយ: ឡាយ សុភាវតី

ភ្នំពេញ៖ គិតត្រឹមចុងខែកុម្ភៈ ឆ្នាំ២០២០ នេះ កម្ពុជាបាននាំចេញកសិផលជាង១៧៣ម៉ឺនតោន ទៅក្រៅប្រទេស ។ក្នុងនោះ អង្ករ ស្រូវ ដំឡូវមី ត្រូវបាននាំចេញច្រើនជាងគេ។ នេះបើតាមរបាយការណ៍របស់ក្រសួងកសិកម្មដែល លោក វេង សាខុន រដ្ឋមន្រី្តក្រសួងកសិកម្ម បានចេញផ្សារលើទំព័រហ្វេសប៊ុក។

លោក វេង សាខុន បានបញ្ជាក់ថា កម្ពុជាបាននាំចេញអង្ករជាង១៣ម៉ឺនតោន ដោយក្នុងនោះប្រទេសចិន ចំនួន៥ម៉ឺនតោន ,ទីផ្សារអឺរ៉ុបជាង៤ម៉ឺនតោន ,តំបន់អាស៊ានជាង២ម៉ឺនតោន និងប្រទេសផ្សេងទៀតជាង១ម៉ឺនតោន។

ចំណែកស្រូវ កម្ពុជាបាននាំចេញជាង៥៧ម៉ឺនតោន ទៅកាន់ប្រទេសវៀតណាម។ ដោយឡែកដំឡូងមីក្រៀម កម្ពុជានាំចេញទៅកាន់ប្រទេសថៃ និងវៀតណាម ជាង៦៧ម៉ឺនតោន។ ក្រៅពីនេះ កម្ពុជាបាននាំចេញដំឡូងស្រស់ ម្សៅដំឡូងមី គ្រប់ស្វាយចន្ទី គ្រាប់ពោត ចេក ផ្លែស្វាយ ម្រេច បន្លែ ដំណាប់ស្វាយ ជ័រកៅស៊ូ ថ្នាំជក់ជាដើម ទៅក្រៅប្រទេសប្រមាណ៣៦ម៉ឹនតោន។ នេះបើតាមរដ្ឋមន្ត្រីក្រសួងកសិកម្ម៕