COVID-19
សុខភាព
អន្តរជាតិ
ព័រទុយហ្គាល់រកឃើញ២ករណីដំបូង និងជាប្រទេសទី៦៧ដែលឆ្លង COVID-19 រដ្ឋមន្ត្រីក្រសួងសុខាភិបាលព័រទុយហ្គាល់ លោកស្រី Marta Temido
× បន្ទាប់ពីឥណ្ឌូណេស៊ី និងអង់ដូរ៉ា នៅថ្ងៃចន្ទនេះ ព័រទុយហ្គាល់ក្លាយជាប្រទេសមួយបន្ថែមទៀតក្នុងបញ្ជីប្រទេសដែលមានករណីឆ្លងកូរ៉ូណាវីរុស (COVID-19)។ យោងតាមការផ្សាយរបស់ SIC Television ករណីពីរដំបូងនេះ ស្ថិតក្នុងមន្ទីរពេទ្យនៅក្រុង Porto។
បើតាមរដ្ឋមន្ត្រីក្រសួងសុខាភិបាលព័រទុយហ្គាល់ លោកស្រី Marta Temido អ្នកជំងឺទាំងពីរជាបុរស ដោយម្នាក់ដែលទើបវិលពីអ៊ីតាលី រីឯអ្នកជំងឺម្នាក់ទៀតមកពីអេស្ប៉ាញ។ ករណីទាំងនេះនាំឲ្យព័រទុយហ្គាល់ក្លាយជាប្រទេសទី៦៧ដែលរកឃើញករណីឆ្លង COVID-19។
ប្រទេស៦៦កន្លងមកដែលមានករណីឆ្លង COVID-19 រួមមាន៖
-អាស៊ី៖ ចិន (បញ្ចូលទាំង ហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (បូកករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា ស្រីលង្កា ប៉ាគីស្ថាន កាតា និងឥណ្ឌូណេស៊ី។
-អឺរ៉ុប៖ អ៊ីតាលី បារាំង ចក្រភពអង់គ្លេស (មានករណីនៅអង់គ្លេស វេលស៍ ស្កុតឡេន និងអៀរឡង់ខាងជើង) អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក អូទ្រីស ក្រូអាស៊ី ស្វីស ក្រិក រូម៉ានី ន័រវេស ម៉ាសេដ្វានខាងជើង ដាណឺម៉ាក អេស្តូនី ហូឡង់ និងសាំងម៉ារាំង លីទុយអានី បេឡារុស អ៊ីស្លង់ ម៉ូណាកូ អៀរឡង់ លុចសំបួ អាមេនី សាធារណរដ្ឋឆេក និងអង់ដូរ៉ា។
អាមេរិកខាងជើង៖ សហរដ្ឋអាមេរិក កាណាដា ម៉ិកស៊ិក។
អាមេរិកឡាទីន៖ ប្រេស៊ីល, អេក្វាឌ័រ។
អាហ្វ្រិក៖ អេហ្ស៊ីប, អាល់ហ្សេរី, នីហ្សេរីយ៉ា។
អូសេអានី៖ អូស្ត្រាលី, នូវែលសេឡង់។
ផ្សេងៗ៖ អាស៊ែបៃហ្សង់, ហ្សកហ្ស៊ី, អ៊ីស្រាអែល, សាធារណរដ្ឋដូមីនិក៕
© រក្សាសិទ្ធិដោយ thmeythmey.com