COVID-19
អន្តរជាតិ
៧២ប្រទេសឆ្លង COVID-19 ! ឡេតូនី និងសេណេហ្គាល់ ប្រកាសករណីដំបូង
× ប្រទេសជាបន្តបន្ទាប់បានប្រកាសពីការតេស្តឃើញវិជ្ជមានមេរោគកូរ៉ូណាប្រភេទថ្មី (COVID-19) នាថ្ងៃចន្ទ ទី២ ខែមីនា ដោយចុងក្រោយ គឺឡេតូនី និងសេណេហ្គាល់ ដែលធ្វើឲ្យករណីឆ្លងមេរោគចេញពីក្រុងវូហាន ប្រទេសចិនមួយនេះ រាលដាលដល់៧២ប្រទេសហើយ។
នៅឡេតូនី ក្រសួងសុខាភិបាល និងមជ្ឈមណ្ឌលប្រយុទ្ធជំងឺឆ្លង បានប្រកាសពីលទ្ធផលតេស្តវិជ្ជមានករណីដំបូង ប៉ុន្តែមិនទាន់ផ្តល់ព័ត៌មានពិស្តារឡើយ។ ចាប់តាំងពីថ្ងៃទី២៨ ខែមករា មក រដ្ឋាភិបាលឡេតូនី បានបើកការស្រាវជ្រាវរកអ្នកដំណើរ ពីក្រុងវូហាន ដែលចូលតាមអាកាសយានដ្ឋាន Riga International Airport។
រីឯនៅសេណេហ្គាល់ សារព័ត៌មាន lequotidien.sn បានផ្សាយឲ្យដឹងថា អ្នកជំងឺជាជនជាតិបារាំងម្នាក់វ័យ៥៤ឆ្នាំ ដែលបានទៅដល់ក្រុង Dakar កាលពីចុងសប្តាហ៍កន្លងមក។ បច្ចុប្បន្នរដ្ឋាភិបាលសេណេហ្គាល់ កំពុងបន្តស្រាវជ្រាវស្វែងរកអ្នកដំណើរ និងអ្នកមានទំនាក់ទំនងជាមួយអ្មកជំងឺរូបនោះ។
ប្រទេស៧០កន្លងមកដែលមានករណីឆ្លង COVID-19 រួមមាន៖
-អាស៊ី៖ ចិន (បញ្ចូលទាំង ហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (បូកករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា ស្រីលង្កា ប៉ាគីស្ថាន កាតា ឥណ្ឌូណេស៊ី ហ្ស៊កដានី និងអារ៉ាប៊ីសាអូឌីត។
-អឺរ៉ុប៖ អ៊ីតាលី បារាំង ចក្រភពអង់គ្លេស (មានករណីនៅអង់គ្លេស វេលស៍ ស្កុតឡេន និងអៀរឡង់ខាងជើង) អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក អូទ្រីស ក្រូអាស៊ី ស្វីស ក្រិក រូម៉ានី ន័រវេស ម៉ាសេដ្វានខាងជើង ដាណឺម៉ាក អេស្តូនី ហូឡង់ និងសាំងម៉ារាំង លីទុយអានី បេឡារុស អ៊ីស្លង់ ម៉ូណាកូ អៀរឡង់ លុចសំបួ អាមេនី សាធារណរដ្ឋឆេក អង់ដូរ៉ា និងព័រទុយហ្គាល់។
អាមេរិកខាងជើង៖ សហរដ្ឋអាមេរិក កាណាដា ម៉ិកស៊ិក។
អាមេរិកឡាទីន៖ ប្រេស៊ីល, អេក្វាឌ័រ។
អាហ្វ្រិក៖ អេហ្ស៊ីប, អាល់ហ្សេរី, នីហ្សេរីយ៉ា, ទុយនីស៊ី។
អូសេអានី៖ អូស្ត្រាលី, នូវែលសេឡង់។
ផ្សេងៗ៖ អាស៊ែបៃហ្សង់, ហ្សកហ្ស៊ី, អ៊ីស្រាអែល, សាធារណរដ្ឋដូមីនិក៕
© រក្សាសិទ្ធិដោយ thmeythmey.com