អត្ថបទពាណិជ្ជកម្ម
បុគ្គលិកចែកចាយទឹករ៉ែធម្មជាតិ អូគូលែន ទស្សនកិច្ចរោងចក្រផ្ទាល់ស្វែងយល់ពីសង្វាក់ផលិតកម្ម
× សៀមរាប៖ បុគ្គលិកចែកចាយនៃក្រុមហ៊ុនទឹករ៉ែធម្មជាតិ អូគូលែន នៅរាជធានីភ្នំពេញ បានធ្វើទស្សនកិច្ចដោយផ្ទាល់ទៅកាន់រោងចក្រទឹករ៉ែធម្មជាតិ អូគូលែន ដែលមានទីតាំងស្ថិតនៅជើងភ្នំគូលែន គឺនៅភូមិត្បែង ឃុំត្បែង ស្រុកបន្ទាយស្រី ខេត្តសៀមរាប។ បុគ្គលិកទាំងនោះ បានសម្ដែងអារម្មណ៍រីករាយ ពេលបានឃើញពីសង្វាក់ផលិតកម្មដោយផ្ទាល់ និងកាន់តែធ្វើឱ្យពួកគេមានទំនុកចិត្តលើផលិតផលក្នុងស្រុកមួយនេះ។
លោក ឈួន ពិសិដ្ឋ ជាបុគ្គលិកមួយរូបក្នុងចំណោមអ្នកឯទៀតក្នុងទស្សនកិច្ចកាលពីថ្ងៃទី២ ខែមីនាឆ្នាំ២០២០ បានបង្ហាញអារម្មណ៍រីករាយជាខ្លាំង និងប្រាប់ថា លោកមានមោទកភាពពេលបានធ្វើការក្នុងក្រុមហ៊ុនទឹកបរិសុទ្ធដែលមានស្ដង់ដារ និងគិតគូរពីសុខភាពខ្ពស់។ លោក ពិសិដ្ឋ បន្តថា ក្រោយស្ដាប់ការពន្យល់ពីអ្នកជំនាញ និងបានឃើញដោយផ្ទាល់ពីសង្វាក់ផលិតកម្មក្រុមហ៊ុន អាចឱ្យលោកកាន់តែមានទំនុកចិត្តលើក្រុមហ៊ុនទឹកបរិសុទ្ធ។ ក្រៅពីផលិតទឹកដែលមានស្ដង់ដាររួចហើយ, ចំណុចពិសេសរបស់ក្រុមហ៊ុនទឹករ៉ែធម្មជាតិ អូគូលែន មួយទៀត គឺការគាំពារថែរក្សាបរិស្ថាន និងជួយកិច្ចការសង្គមជាច្រើនទៀត។ នេះ គឹជាការបញ្ជាក់បន្ថែមរបស់លោក ពិសិដ្ឋ។
ចំណែកឯកញ្ញា ស្រីនាថ ជាបុគ្គលិកផ្នែកលក់ ក៏បង្ហាញពីភាពជឿជាក់កាន់តែខ្លាំងមកលើក្រុមហ៊ុនទឹករ៉ែធម្មជាតិ អូរគូលែនផងដែរ។ មានតួនាទីផ្នែកទីផ្សារ កញ្ញា ស្រីនាថ ប្រាប់ថា កំណើននៃការគាំទ្រទឹករ៉ែធម្មជាតិ អូគូលែន កើនឡើងគួរឱ្យកត់សម្គាល់ ដោយសារប្រជាពលរដ្ឋយល់ពីសុខភាព និងបង្ហាញការគាំទ្រនូវផលិតផលក្នុងស្រុក ដែលក្រុមហ៊ុនទឹកបរិសុទ្ធ អូគូលែន មានរោងចក្រនៅស្រុកបន្ទាយស្រី។ ស្រីនាថ ប្រាប់ថា ជាអ្នកលក់ម្នាក់ ខ្លួនគាត់ចង់ឱ្យអតិថិជនទទួលបានទឹកពិសារដែលមានគុណភាពល្អ និងផ្តល់សារប្រយោជន៍ដល់សុខភាពផងដែរ។ មិនមែនតែលោក ពិសិដ្ឋ និង កញ្ញា ស្រីនាថ ទេ ដែលស្ងើចសរសើរចង្វាក់ផលិតកម្មក្រុមហ៊ុនទឺករ៉ែធម្មជាតិ អូគូលែន នោះ តាមពិត បុគ្គលិកដទៃទៀត ក៏បង្ហាញមោទកភាពពីគុណភាពទឹករ៉ែធម្មជាតិ អូគូលែន ផងដែរ។
លោកស្រី នៅ សុខហ៊ាង ប្រធានផ្នែកទីផ្សារ និងស្លាកសញ្ញា នៃក្រុមហ៊ុនទឹករ៉ែធម្មជាតិ អូគូលែន បានឱ្យដឹងថា បុគ្គលិកដែលធ្វើទស្សនកិច្ចនៅពេលនេះមានចំនួន ៥០នាក់ មានតួនាទីផ្នែកទីផ្សារ ផ្នែកប្រតិបត្តិការលក់ និងផ្នែកពាក់ព័ន្ធ។ លោកស្រីបន្ថែមថា គោលបំណងនៃទស្សនកិច្ចនេះគឺដើម្បីផ្តល់ចំណេះដឹង និងព័ត៌មានកាន់តែជាក់លាក់ដល់បុគ្គលិក ក៏ដូចជាចែករំលែកព័ត៌មានទាំងនោះទៅកាន់អតិថិជនដែលជាអ្នកលក់ដោយផ្ទាល់។ លោកស្រីបញ្ជាក់យ៉ាងដូច្នេះថា៖«អ្វីដែលក្រុមហ៊ុនយកចិត្តទុកដាក់ គឺចង់ឱ្យអតិថិជនទទួលបានព័ត៌មានច្បាស់បន្ថែមទៀត តាមរយៈការបង្ហាត់បង្រៀន និងការធ្វើកម្មសិក្សាដោយផ្ទាល់ដល់បុគ្គលិក ដើម្បីឱ្យគាត់ឃើញថាផលិតផលដែលគាត់លក់រាល់ថ្ងៃវាយ៉ាងដូចម្តេច ងាយស្រួលផ្តល់ព័ត៌មានទាំងនោះដល់អតិថិជនបន្តទៀត និងមានភាពជឿជាក់»។
សូមបញ្ជាក់ថា ទឹករ៉ែធម្មជាតិ អូគូលែន គឺជាប្រភេទទឹកដែលមានសមាសធាតុរ៉ែពីធម្មជាតិ ដោយពុំមានបញ្ចូលសារធាតុផ្សេងឡើយ។ ទឹក «អូគូលែន» ត្រូវបានស្រាវជ្រាវនិងទាញយកដោយអ្នកជំនាញដែលបទពិសោធន៍ច្រើនឆ្នាំ និងផលិតបានត្រឹមត្រូវតាមស្តង់ដាអន្តរជាតិ។
ទឺករ៉ែធម្មជាតិ អូគូលែន គឺជាផលិតផលខ្មែរស្ថិតនៅក្នុងខេត្តសៀមរាប។ បុគ្គលិកភាគច្រើនបំផុត គឺជាជនជាតិខ្មែរ។ ទិញផលិតផលខ្មែរ គឺជួយបង្កើតការងារជូនពលរដ្ឋខ្មែរ និងសេដ្ឋកិច្ចខ្មែរ។ ទិញផលិផលបរទេស គឺជួយង្កើតការងារជូនពលករបរទេស និងសេដ្ឋកិច្ចបរទេស៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com