ច្បាប់ / សិទិ្ធមនុស្ស / តុលាការ
ជាតិ
ជប៉ុន ផ្តល់ជំនួយជិត១លានដុល្លារទៀត ដល់សាលាក្តីខ្មែរក្រហម រូបពីសាលាក្តីខ្មែរក្រហម
× រដ្ឋាភិបាលជប៉ុន បន្តផ្តល់ជំនួយ ៩,៦សែនដុល្លារបន្ថែមទៀត ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា ឬហៅថា សាលាក្តីខ្មែរក្រហម។ នេះបើតាមសេចក្តីប្រកាសព័ត៌មានរបស់សាលាក្តីខ្មែរក្រហម ដែលចេញផ្សាយនៅថ្ងៃទៅ២ ខែមីនា ឆ្នាំ២០២០។
លោក ក្រាញ់ តូនី ប្រធានការិយាល័យរដ្ឋបាលស្តីទី និង លោក Knut Rosandhaug អនុប្រធានការិយាល័យរដ្ឋបាលនៃសាលាក្តីខ្មែរក្រហម បានថ្លែងអំណរគុណចំពោះរដ្ឋាភិបាលជប៉ុន ដែលបានគាំទ្រយ៉ាងធំធេងដល់សាលាក្តីខ្មែរក្រហម។ លោកទាំងពីរ ចាត់ទុកជំនួយនេះ ថាមានសារសំខាន់ដល់សាលាក្តីខ្មែរក្រហម ក្នុងការបញ្ចប់អាណតិ្តការងាររបស់ខ្លួន ដោយពុំមានការអាក់ខានក្នុងកិច្ចដំណើរការនីតិវិធី។
សេចក្តីប្រកាសព័ត៌មាន បានឲ្យដឹងថា គិតត្រឹមថ្ងៃទី៣១ ខែមករា ឆ្នាំ២០២០ រដ្ឋាភិបាលជប៉ុន បានផ្តល់ជំនួយ៨៨លានដុល្លារដល់ភាគីជាតិនិងអន្តរជាតិនៅសាលាក្តីខ្មែរក្រហម ឬស្មើនឹង២៩ភាគរយ នៃជំនួយសរុប ដែលម្ចាស់ជំនួយនានា ផ្តល់ជូនសាលាក្តីខ្មែរក្រហម។ ជប៉ុន ជាប្រទេសផ្តល់ជំនួយច្រើនជាងគេ ចាប់តាំងពីសាលាក្តីខ្មែរក្រហម ត្រូវបានបង្កើតឡើង៕
Tag:
ជប៉ុន
ជំនួយ
សាលាក្តីខ្មែរក្រហម
© រក្សាសិទ្ធិដោយ thmeythmey.com