COVID-19
ជាតិ
នាយករដ្ឋមន្ត្រី ប្រាប់ឲ្យស្ថាប័នរដ្ឋ ផ្អាកគម្រោងសាងសង់ ដើម្បីសន្សំថវិកាទុកទប់ទល់នឹងកូវីដ-១៩
រូបភាពពី ទំព័រហ្វេសប៊ុករបស់ សម្ដេច ហ៊ុន សែន
×![]()
ដោយ: ឡាយ សុភាវតី
ភ្នំពេញ៖ រាល់គម្រោងវិនិយោគរបស់កម្ពុជា ចំពោះការដ្ឋានសាងសង់ ដែលមិនទាន់បើកការដ្ឋាន ត្រូវផ្អាកការបើកការដ្ឋានសិន ដោយរងចាំបើកការដ្ឋានសាងសង់នៅឆ្នាំក្រោយ។ គម្រោងដែលលើកលែងមាន គម្រោងដែលមានហិរញ្ញប្បទានដោយបរទេស រួមជាមួយថវិកាបដិភាពរបស់កម្ពុជា។ នេះជាការសម្រេចរបស់ សម្ដេច ហ៊ុន សែន ដើម្បីជួយសង្គ្រោះសេដ្ឋកិច្ចកម្ពុជា និងផលប៉ះពាល់ដោយសារកូវីដ-១៩ (Covild-19 )។ 
សម្ដច ហ៊ុន សែន ថ្លែងក្នុងពិធីបិទសន្និបាតបូកសរុបការងារឆ្នាំ២០១៩របស់ក្រសួងសុខាភិបាល នៅថ្ងៃទី៤ ខែមីនា ឆ្នាំ២០២០ យ៉ាងដូច្នេះថា៖«ចំពោះគម្រោងវិនិយោគផ្ទាល់របស់យើង គឺការដ្ឋានណាដែលមិនទាន់ត្រូវបានបើកការដ្ឋានទេ ផ្អាកការបើកការដ្ឋានសិន។ លើកលែងតែការដ្ឋាន ដែលហិរញ្ញប្បទានដោយបរទេស មានថវិការបដិភាគរបស់កម្ពុជា»។ ជាក់ស្តែង សម្ដេច ហ៊ុន សែន បញ្ជាក់ថា ការដ្ឋានសាងសង់ផ្លូវពីបាត់ដំបងទៅកោះកុង គឺនៅតែបន្តធ្វើតាមគម្រោង។
សំឡេង៖
ប្រមុខរដ្ឋាភិបាល សង្កត់ធ្ងន់ថា៖«កម្មវិធីមួយចំនួនដែលមិនទាន់បើកការដ្ឋានទេ ផ្អាកសិន រង់ចាំឆ្នាំក្រោយក៏មិនទាន់យឺតពេលដែរ ធ្វើយ៉ាងម៉េច ឱ្យ Covid-19 នេះ ទៅឱ្យផុតសិន ដើម្បីឱ្យយើងដឹងច្បាស់ថា ទុនរបស់យើងមានប៉ុន្មានឱ្យពិតប្រាកដ»។
ជាមួយគ្នានេះដែរ ប្រមុខរដ្ឋាភិបាល ប្រកាសថា ការងារអាទិភាពខ្ពស់បំផុតរបស់កម្ពុជានាពេលនេះ គឺប្រយុទ្ធប្រឆាំងនឹងការរីករាលដាលនៃវីរុស Covid19៕
Tag:
សម្ដេច ហ៊ុន សែន
ផ្អាកការសាងសង់
© រក្សាសិទ្ធិដោយ thmeythmey.com
