COVID-19
អន្តរជាតិ
COVID-19៖ ករណីដំបូងនៅប៉ាឡេស្ទីន បូស្នី-ហឺហ្ស៊េហ្គោវីណា និងអាហ្វ្រិកខាងត្បូង រដ្ឋមន្ត្រីក្រសួងសុខាភិបាលបូស្នី និងហឺហ្ស៊េហ្គោវីណា លោក Alen Seranic
× អាជ្ញាធរប៉ាឡេស្ទីន បូស្នី-ហឺហ្ស៊េហ្គោវីណា និងអាហ្វ្រិកខាងត្បូង បានប្រកាសពីការរកឃើញករណីឆ្លង COVID-19 រៀងៗខ្លួននៅថ្ងៃទី៥ ខែមីនា នេះ។ ករណីនេះនាំឲ្យប្រទេសដែលឆ្លង COVID-19 ឡើងដល់៨៣ប្រទេសហើយ ដោយមិនគិតពីទឹកដីនៅតំបន់ស្វយ័តនៅចិន ចក្រភពអង់គ្លេស និងដាណឺម៉ាក ជាដើម។
អាជ្ញាធរប៉ាឡេស្ទីន បានប្រកាសដាក់រដ្ឋក្នុងភាពអាសន្ន ជាពិសេសនៅតំបន់ Bethlehem, Jericho និង Jordan Valley ក្រោយការតេស្តឃើញវិជ្ជមាន៤ករណីដំបូងក្នុងសណ្ឋាគារមួយនៅ West Bank។ សារព័ត៌មាន Walla News បានអះអាងអ្នកជំងឺទាំង៤នាក់នៅជាបុគ្គលិកសណ្ឋាគារ ដែលឆ្លងពីទេសចរក្រិកម្នាក់ដែលស្នាក់នៅសណ្ឋាគារ។
នៅបូស្នី និងហឺហ្ស៊េហ្គោវីណា បុរសវ័យកណ្តាលម្នាក់នៅក្រុង Banja Luka ដែលធ្លាប់ធ្វើការនៅអ៊ីតាលី និងកូនរបស់គាត់ដែលរៀននៅថ្នាក់ទី៨ គឺជាករណី២ដំបូងក្នុងប្រទេស។ រដ្ឋមន្ត្រីក្រសួងសុខាភិបាល លោក Alen Seranic បានប្រកាសពីការបន្តធ្វើតេស្តលើសិស្សផ្សេងទៀតនៅសាលាក្នុងក្រុង Banja Luka។
ជាមួយគ្នា រដ្ឋមន្ត្រីសុខាភិបាលអាហ្វ្រិកខាងត្បូង វេជ្ជបណ្ឌិត Zweli Mkhize បានអះអាងថា បុរសវ័យ៣៨ឆ្នាំម្នាក់ដែលទើបត្រឡប់ពីអ៊ីតាលីជាមួយភរិយា ជាករណីឆ្លងដំបូងក្នុងប្រទេស។ ពួកគាត់ស្ថិតក្នុងចំណោមក្រុមមនុស្សប្រមាណ១០នាក់ដែលបានត្រឡប់ទៅអាហ្វ្រិកខាងត្បូងកាលពីថ្ងៃទី១ ខែមីនា។
៨០ដែលមានករណីឆ្លង COVID-19 រួមមាន៖
-អាស៊ី៖ ចិន (បញ្ចូលទាំង ហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (បូកករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា ស្រីលង្កា ប៉ាគីស្ថាន កាតា ឥណ្ឌូណេស៊ី ហ្ស៊កដានី និងអារ៉ាប៊ីសាអូឌីត។
-អឺរ៉ុប៖ អ៊ីតាលី បារាំង ចក្រភពអង់គ្លេស (មានករណីនៅអង់គ្លេស វេលស៍ ស្កុតឡេន អៀរឡង់ខាងជើង និងហ្ស៊ីប្រាល់តា) អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក អូទ្រីស ក្រូអាស៊ី ស្វីស ក្រិក រូម៉ានី ន័រវេស ម៉ាសេដ្វានខាងជើង ដាណឺម៉ាក (បញ្ចូលករណីនៅប្រជុំកោះហ្វារ៉ូ) អេស្តូនី ហូឡង់ និងសាំងម៉ារាំង លីទុយអានី បេឡារុស អ៊ីស្លង់ ម៉ូណាកូ អៀរឡង់ លុចសំបួ អាមេនី សាធារណរដ្ឋឆេក អង់ដូរ៉ា ព័រទុយហ្គាល់ ឡេតូនី អ៊ុយក្រែន លិចតិញស្តាញ ប៉ូឡូញ ស្លូវេនី និងហុងគ្រី។
-អាមេរិកខាងជើង៖ សហរដ្ឋអាមេរិក កាណាដា ម៉ិកស៊ិក។
-អាមេរិកឡាទីន៖ ប្រេស៊ីល, អេក្វាឌ័រ, អាហ្សង់ទីន, ស៊ីលី។
-អាហ្វ្រិក៖ អេហ្ស៊ីប, អាល់ហ្សេរី, នីហ្សេរីយ៉ា, ទុយនីស៊ី, សេណេហ្គាល់, ម៉ារ៉ុក។
-អូសេអានី៖ អូស្ត្រាលី, នូវែលសេឡង់។
-ផ្សេងៗ៖ អាស៊ែបៃហ្សង់, ហ្សកហ្ស៊ី, អ៊ីស្រាអែល, សាធារណរដ្ឋដូមីនិក៕
© រក្សាសិទ្ធិដោយ thmeythmey.com