COVID-19
អន្តរជាតិ
COVID-19 ឆ្លងដល់៨៥ប្រទេសហើយ ក្រោយប៊ូតង់ និងកូស្តារីកា រកឃើញករណីដំបូង នាយករដ្ឋមន្ត្រីប៊ូតង់ ដឹកនាំកិច្ចប្រជុំស្តីពីស្ថានភាព COVID-19 កន្លងមក
× ប៊ូតង់ និងកូស្តារីកា បានប្រកាសពីការរកឃើញករណីឆ្លងកូរ៉ូណាវីរុស (COVID-19) ដំបូងរបស់ខ្លួន ដែលនាំឲ្យប្រទេសសរុបឡើងដល់៨៥ប្រទេស។ នេះបើគិតត្រឹមព្រឹកថ្ងៃទី៦ ខែមីនា។
ករណីដំបូងនៅប៊ូតង់ គឺជាទេសចរអាមេរិកម្នាក់ ដែលបានធ្វើដំណើរចេញពីរដ្ឋធានីវ៉ាស៊ីនតោន កាលពីថ្ងៃទី១៨ ខែកុម្ភៈ ហើយបន្តដំណើរទៅកាន់ប្រទេសឥណ្ឌា ជាមួយដៃគូរបស់ខ្លួន មុនចូលដល់ប៊ូតង់នាថ្ងៃទី១ ខែមីនា។ នេះបើតាមការប្រកាសរបស់ខុទ្ទកាល័យនាយករដ្ឋមន្ត្រី។
នៅកូស្តារីកា ស្ត្រីអាយុ៥២ឆ្នាំ ដែលសង្ស័យនោះ ត្រូវបានពិនិត្យឃើញវិជ្ជមាន COVID-19 ជាផ្លូវការ។ បើតាមក្រសួងសុខាភិបាល ស្ត្រីនោះជាជនជាតិកូស្តារីកា ដែលធ្លាប់បានធ្វើដំណើរទៅកាន់អ៊ីតាលី និងទុយនីស៊ី មុនចូលប្រទេសវិញ កាលពីថ្ងៃទី២៩ ខែកុម្ភៈ។
៨៣កន្លងមកដែលមានករណីឆ្លង COVID-19 រួមមាន៖
-អាស៊ី៖ ចិន (បញ្ចូលទាំង ហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (បូកករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា ស្រីលង្កា ប៉ាគីស្ថាន កាតា ឥណ្ឌូណេស៊ី ហ្ស៊កដានី និងអារ៉ាប៊ីសាអូឌីត។
-អឺរ៉ុប៖ អ៊ីតាលី បារាំង ចក្រភពអង់គ្លេស (មានករណីនៅអង់គ្លេស វេលស៍ ស្កុតឡេន អៀរឡង់ខាងជើង និងហ្ស៊ីប្រាល់តា) អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក អូទ្រីស ក្រូអាស៊ី ស្វីស ក្រិក រូម៉ានី ន័រវេស ម៉ាសេដ្វានខាងជើង ដាណឺម៉ាក (បញ្ចូលករណីនៅប្រជុំកោះហ្វារ៉ូ) អេស្តូនី ហូឡង់ និងសាំងម៉ារាំង លីទុយអានី បេឡារុស អ៊ីស្លង់ ម៉ូណាកូ អៀរឡង់ លុចសំបួ អាមេនី សាធារណរដ្ឋឆេក អង់ដូរ៉ា ព័រទុយហ្គាល់ ឡេតូនី អ៊ុយក្រែន លិចតិញស្តាញ ប៉ូឡូញ ស្លូវេនី ហុងគ្រី និងបូស្នី-ហឺហ្ស៊េហ្គោវីណា ។
-អាមេរិកខាងជើង៖ សហរដ្ឋអាមេរិក កាណាដា ម៉ិកស៊ិក។
-អាមេរិកឡាទីន៖ ប្រេស៊ីល, អេក្វាឌ័រ, អាហ្សង់ទីន, ស៊ីលី។
-អាហ្វ្រិក៖ អេហ្ស៊ីប, អាល់ហ្សេរី, នីហ្សេរីយ៉ា, ទុយនីស៊ី, សេណេហ្គាល់, ម៉ារ៉ុក, អាហ្វ្រិកខាងត្បូង។
-អូសេអានី៖ អូស្ត្រាលី, នូវែលសេឡង់។
-ផ្សេងៗ៖ អាស៊ែបៃហ្សង់, ហ្សកហ្ស៊ី, អ៊ីស្រាអែល, សាធារណរដ្ឋដូមីនិក, ប៉ាឡេស្ទីន៕
© រក្សាសិទ្ធិដោយ thmeythmey.com