ប្រាសាទបន្ទាយឆ្មារស្រស់ស្អាតតែ…ស្ងប់ស្ងាត់ទេសចរ

ជាតិ

ប្រាសាទបន្ទាយឆ្មារស្រស់ស្អាតតែ…ស្ងប់ស្ងាត់ទេសចរ

07, Mar 2020 , 10:59 pm

រូបភាព

ដោយ:

បន្ទាយមានជ័យ៖ ប្រាសាទបន្ទាយឆ្មារស្ថិតនៅទិសពាយ័ព្យនៃប្រទេសកម្ពុជា ដែលមានចំងាយ៦០គីឡូម៉ែត្រពីទីរូមខេត្តបន្ទាយមានជ័យ។ ប្រាសាទបន្ទាយឆ្មារមានទីតាំងស្ថិតនៅភូមិបន្ទាយឆ្មារ ឃុំបន្ទាយឆ្មារ ស្រុកថ្មពូក ខេត្តបន្ទាយមានជ័យ។

សព្វថ្ងៃប្រាសាទនេះមានសភាពទ្រុឌទ្រោមខ្លះ ប៉ុន្តែនៅតែស្រស់ស្អាតជាទីគយគន់ដែលហ៊ុមព័ទ្ធដោយទេសភាពខៀវស្រងាត់ជាមួយនិងដើមឈើធំៗ។ ប៉ុន្តែទោះជាមានសភាពស្រស់ស្អាតយ៉ាងណាប្រាសាទនេះពុំសូវមានភ្ញៀវទៅទស្សនាច្រើននោះឡើយ។ បើតាមលោក គិត សុគួន មគ្គុទេសក៍ទេសចរនៃសហគមន៍ទេសចរណ៍បន្ទាយឆ្មារបានប្រាប់ថាមានភ្ញៀវអន្តជាតិប្រហែល២ទៅ៣នាក់ប៉ុណ្ណោះក្នុង១ឆ្នាំ។

ប្រាសាទបន្ទាយឆ្មារកសាងឡើងក្នុងរជ្ជកាលព្រះបាទជ័យវរ្ម័នទី៧ ចន្លោះពីឆ្នាំ១១៨១ ដល់ឆ្នាំ១២១៩ ។ ប្រាសាទនេះកសាងឡើងដើម្បីឧទ្ទិសចំពោះព្រះពុទ្ធសាសនាមហាយាន និងដើម្បីឧទ្ទិសដល់វិញ្ញាណក្ខន្ធបុត្រា ស្រីន្ទកុមារ និងមេទ័ពទាំងបួន ដែលមានងារជា «អ្នកសញ្ជត» របស់ព្រះអង្គដែលបានពលីជីវិក្នុងសមរភូមិចម្បាំងបង្ហូរឈាមជាមួយចាមនាពេលនោះ។

សូមអញ្ជើញទស្សនារូបភាពដែលថតដោយលោក ប៉ាន់ បូនីដូចតទៅ៖