ជាតិ
សារមន្ទីរ៣កន្លែងនៅសៀមរាប នឹងបើកឱ្យទេសចរចូលទស្សនាឥតគិតថ្លៃ រហូតដល់ដាច់ឆ្នាំ
រូបភាពពីទំព័រហ្វេសប៊ុករបស់អាជ្ញាធរជាតិអប្សរា
×![]()
ដោយ: ឡាយ សុភាវតី
ភ្នំពេញ៖សារមន្ទីរចំនួន៣ គឺសារមន្ទីរព្រះនរោត្តមសីហនុ-អង្គរ, សារមន្ទីរវាយនភណ្ឌប្រពៃណីអាស៊ី និងសារមន្ទីរឡតានី នឹងបើកឲ្យភ្ញៀវទេសចរជាតិ និងអន្តរជាតិ ចូលទស្សនាឥតគិតថ្លៃ ចាប់ពី ថ្ងៃទី៩មីនានេះ រហូតដល់ដាច់ឆ្នាំ២០២០ ។ បើតាម ឡុង កុសល អាជ្ញារធរជាតិអប្សរា ការរៀបចំនេះ គឺដើម្បីសាទរខួប២៥ឆ្នាំនៃការបង្កើតអាជ្ញារធរជាតិអប្សរាផង និងក្នុងន័យទាក់ទាញទេសចរឲ្យបានកាន់តែច្រើនផង។
លោក ឡុង កុសល បន្ថែមថា៖«ការបើកឱ្យចូលទស្សនាលើសារមន្ទីរទាំង៣នេះ គឺជាផ្នែកមួយដើម្បីលើកកម្ពស់វប្បធម៌ ប្រវត្តិសាស្ត្រដល់ភ្ញៀវទេសចរជាតិ និងអន្តរជាតិ»។
បើតាមអ្នកនាំពាក្យដដែល សារមន្ទីរវាយនភណ្ឌប្រពៃណីអាស៊ី បានការសហការជាមួយឥណ្ឌា មានតាំងបង្ហាញផលិតផលប្រពៃណី រួមមានសម្លៀកបំពាក់ធ្វើពីសូត្ររបស់ប្រទេសចំនួន៦ តាមដងទន្លមេគង្គដូចជា ថៃ ឡាវ ភូមា កម្ពុជា វៀតណាម និងឥណ្ឌា។ រីឯសារមន្ទីរព្រះនរោត្តមសីហនុ-អង្គរ ជាសារមន្ទីរតាំងបង្ហាញ នូវបដិមាដែលកំណាយបានពី ប្រាសាទនានា និងការកប់សព សម្ភារប្រើប្រាស់ផ្សេងៗ របស់មនុស្សសម័យបុរាណ។ រីឯសារមន្ទីរឡតានី ដែលស្ថិតនៅភូមិតានី ឃុំរុនតាឯក ស្រុកបន្ទាយស្រី គឺជាកន្លែងផលិតកុលាលភាជន៍ ដែលបង្ហាញឱ្យយើងដឹងថា ពីសកម្មភាពរស់នៅប្រចាំថ្ងៃរបស់បុព្វបុរស។
ការចូលរួមទស្សនារបស់ភ្ញៀវទេសចរ គឺជាផ្នែកមួយដ៏សំខាន់ ក្នុងការចែករំលែកពីវប្បធម៌ និងប្រវត្តិសាស្ត្រខ្មែរ។ ដូច្នេះហើយអ្នកនាំពាក្យរូបនេះ អំពាវនាវឲ្យភ្ញៀវជាតិ និងអន្តរជាតិទាំងអស់ រួមទាំងសិស្ស និស្សិត ចូលរួមទស្សនា និងស្វែងយល់ផ្ទាល់ ពីប្រវត្តិសាស្ត្រ នៅសារមន្ទីរទាំង៣ នេះឲ្យបានកាន់តែច្រើន៕
Tag:
អាជ្ញាធរជាតិអប្បរា
© រក្សាសិទ្ធិដោយ thmeythmey.com
