ជាតិ
អត្ថបទពាណិជ្ជកម្ម
លោកស្រី ឡោក ខេង ៖ ស្ត្រីមានភាពក្លាហាន និងសមត្ថភាពខ្លាំងលើគ្រប់វិស័យ តែនៅខ្វះការលើកទឹកចិត្តពីឪពុកម្ដាយ
×![]()
ដោយ: ថ្មីៗ
ភ្នំពេញ៖ ស្ត្រីមានភាពក្លាហាន និងសមត្ថភាពខ្លាំងលើគ្រប់វិស័យ តែនៅខ្វះការលើកទឹកចិត្តពីឪពុកម្ដាយ។ នេះជាការលើកឡើងរបស់លោកស្រី ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ និងបណ្ដុះបណ្ដាលវិជ្ជាជីវៈ និងកិច្ចការនារី ជាមួយសារព័ត៌មានថ្មីៗ។
លោកស្រី ឡោក ខេង បានសង្កត់ធ្ងន់ថា ម្ដាយ-ឪពុកខ្លះ ចូលចិត្តបង្ខំកូន-ចៅឱ្យធ្វើអ្វីមួយ ស្របតាមទស្សនខ្លួន ដែលនាំឱ្យប៉ះពាល់ដល់សមត្ថភាព និងភាពក្លាហានរបស់ពួកគេ។ សម្រាប់លោកស្រី ឡោក ខេង ទង្វើរបស់ម្ដាយ-ឪពុកបែបនេះ ទៅកូនរបស់ខ្លួននោះ គឺជាគំនិតបែបចាស់គំរិល ហើយផ្ទុយពីបច្ចប្បន្នភាពសម័យបច្ចេកវិទ្យា។
លោកស្រី ឡោក ខេង ដែលបានធ្វើយុទ្ធនាការអប់រំ និងលើកកម្ពស់ស្ត្រីក្នុងវិស័យនយោបាយនេះ បានបញ្ជាក់ថា ម្ដាយឪពុក ត្រូវផ្ដល់ការសម្រេចចិត្តដល់កូន ស្របតាមភាពក្លាហាន និងសមត្ថភាពជាក់ស្ដែងរបស់ពួកគេ ដើម្បីឈានទៅរកការអភិវឌ្ឍធនធានមនុស្សនៅក្នុងសង្គម។
សូមលោក-អ្នកនាងស្ដាប់កិច្ចសម្ភាសរវាងលោក រំដួល ចិត្រា អ្នកសារព័ត៌មានថ្មីៗ ជាមួយលោកស្រី ឡោក ខេង តំណាងរាស្ត្រសភា និងជាប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី៖
ក្រៅពីបង្ខំកូនខ្លួន ឱ្យធ្វើតាមទស្សនខ្លួននោះ ការយកកូនទៅធៀបនឹងអ្នកដទៃនោះ គឺជាការគិតខុសដែរ។ លោកស្រី ឡោក ខេង បានបញ្ជាក់ថា ការយកមនុស្សម្នាក់ ទៅធៀបនឹងមនុស្សម្នាក់ទៀត គឺជាបង្អាក់ដល់ការសម្រេចចិត្ត ហើយប៉ះពាល់ដល់អារម្មណ៍របស់អ្នកដែលត្រូវបានគេយកទៅប្រៀបធៀប។
បើតាមសមាជិកសភារូបនេះ បច្ចុប្បន្នស្ត្រីមានភាពក្លាហាន និងសមត្ថភាពខ្លាំងលើគ្រប់វិស័យ ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
