COVID-19
អន្តរជាតិ
អាល្លឺម៉ង់មានករណី COVID-19 ដល់ទៅជាង១១០០ ប៉ុន្តែគ្មានករណីស្លាប់ឡើយ
× អាល្លឺម៉ង់ ក្លាយជាប្រទេសទី៦ ដែលមានករណីឆ្លង COVID-19 ជាង១០០០ករណី បន្ទាប់ពីការរកឃើញ ១១១ករណីបន្ថែមទៀតនាថ្ងៃទី៩ ខែមីនា នេះ។ សរុបអាល្លឺម៉ង់មាន១១៥១ករណី ក្នុងនោះ១៨ករណីបានជាសះស្បើយ ខណៈ៩ករណីមានស្ថានភាពធ្ងន់ធ្ងរ ប៉ុន្តែមិនទាន់មានអ្នកស្លាប់ឡើយ។
បច្ចប្បន្ន អាល្លឺម៉ង់ជាប្រទេសទី៦ដែលមានករណីឆ្លង COVID-19 ច្រើនជាងគេក្នុងចំណោមជាង១០០ប្រទេស/ដែនដី លើពិភពលោក។ ចិនមានករណីឆ្លងជាង៨ម៉ឺន និងស្លាប់ជាង៣១០០នាក់។ កូរ៉េខាងត្បូង មានជិត៧៥០០ករណី ដែលក្នុងនោះមាន៥៣នាក់ស្លាប់។
អ៊ីតាលី មានអ្នកស្លាប់៣៦៦នាក់ក្នុងចំណោមការឆ្លងជាង៧៣០០ករណី ខណៈអ៊ីរ៉ង់ មានអ្នកស្លាប់១៩៤នាក់ក្នុងចំណោមជាង៦៥០០ករណី។ បារាំង មានសន្ទុះកើនឡើងដ៏គួរឲ្យកត់សម្គាល់ ដោយមានជាង១២០០ករណី និងស្លាប់១៩នាក់។
ប្រទេសដែលមានករណីឆ្លងពីជាង៥០០ករណី ដល់ជិត៧០០ករណី រួមមាន អេស្ប៉ាញ អាមេរិក ជប៉ុន ដោយមិនគិតចំនួន៦៩៦ករណីនៅលើនាវា Diamond Princess នៅផែយូកូហាម៉ា៕
© រក្សាសិទ្ធិដោយ thmeythmey.com