COVID-19
អន្តរជាតិ
COVID-19 ឆ្លងដល់១១៥ប្រទេស/ដែនដី ហើយ ខណៈអ្នកជំងឺមានជិត១១,៥ម៉ឺននាក់
លោក Tedros Adhanom Ghebreyesus អគ្គនាយកអង្គការសុខភាពពិភពលោក WHO។ រូបថត AFP
×![]()
ដោយ: រួបរួម
ព្រុយណេ អាល់បានី បួគីណាហ្វាសូ ស៊ីប ម៉ុងហ្គោលី និង Guernsey (ក្នុង Channel Islands) ទើបរកឃើញករណីវិជ្ជមានកូរ៉ូណាវីរុស (COVID-19) នៅទឹកដីរៀងៗ ដែលនាំឲ្យចំនួនប្រទេស/ដែនដីឆ្លងមេរោគនេះ មានចំនួន១១៥ ហើយ។
គិតត្រឹមព្រឹកថ្ងៃអង្គារ ទី១០ ខែមីនា នេះ អ្នកឆ្លង COVID-19 មានជាង១១ម៉ឺន៤ពាន់នាក់ ដែលក្នុងនោះមានជាង៤០០០នាក់ស្លាប់ និងសះស្បើយជាង៥៤០០០នាក់។ ចិនមានអ្នកជំងឺជាង៨ម៉ឺននាក់ ក្នុងនោះស្លាប់ជាង៣១០០នាក់ និងសះស្បើយជិត៦០០០០នាក់។
អ៊ីតាលី កូរ៉េខាងត្បូង អ៊ីរ៉ង់ បារាំង អេស្ប៉ាញ និងអាល្លឺម៉ង់ មានអ្នកជំងឺខ្ទង់ពាន់នាក់ ក្នុងនោះ ៤៦៣នាក់ស្លាប់នៅអ៊ីតាលី ២៣៧នាក់ស្លាប់នៅអ៊ីរ៉ង់ ៥៤នាក់ស្លាប់នៅកូរ៉េខាងត្បូង ៣០នាក់ស្លាប់នៅបារាំង និងអេស្ប៉ាញរៀងៗខ្លួន ខណៈអាល្លឺម៉ង់មានករណីស្លាប់២ដំបូង រីឯប្រទេស/ដែនដី ជិត២០មានករណីឆ្លងចូលខ្ទង់រយ ផងដែរ។
ចំនួនប្រទេស តំបន់រដ្ឋបាលពិសេស តំបន់ស្វយ័ត និងដែនដីនៅនាយសមុទ្រ ទាំង១១៥ដែលមានករណីឆ្លង COVID-19 រួមមាន៖
-អាស៊ី ៖ ចិន កូរ៉េខាងត្បូង ជប៉ុន អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា ស្រីលង្កា ប៉ាគីស្ថាន កាតា ឥណ្ឌូណេស៊ី ហ្ស៊កដានី អារ៉ាប៊ីសាអូឌីត ប៊ូតង់ ម៉ាល់ឌីវ, ហ្ស៊កហ្ស៊ី, អាមេនី, អ៊ីស្រាអែល, អាស៊ែបៃហ្សង់, បង់ក្លាដែស, ប៉ាឡេស្ទីន, ព្រុយណេ, ម៉ុងហ្គោលី។
-អឺរ៉ុប ៖ អ៊ីតាលី បារាំង, ចក្រភពអង់គ្លេស (អង់គ្លេស វេលស៍ ស្កុតឡេន និងអៀរឡង់ខាងជើង) អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក អូទ្រីស ក្រូអាស៊ី ស្វីស ក្រិក រូម៉ានី ន័រវេស ម៉ាសេដ្វានខាងជើង ដាណឺម៉ាក អេស្តូនី ហូឡង់ សាំងម៉ារ៉ាំង លីទុយអានី បេឡារុស អ៊ីស្លង់ ម៉ូណាកូ អៀរឡង់ លុចសំបួ សាធារណរដ្ឋឆេក អង់ដូរ៉ា ព័រទុយហ្គាល់ ឡេតូនី អ៊ុយក្រែន លិចតិញស្តាញ ប៉ូឡូញ ស្លូវេនី ហុងគ្រី បូស្នី-ហឺហ្ស៊េហ្គោវីណា ស៊ែប៊ី ស្លូវ៉ាគី ម៉ាលត៍ ម៉ុលដូវ៉ា ប៊ុលហ្គារី, បូរីវ៉ាទីកង់, អាល់បានី, ស៊ីប។
-អាហ្វ្រិក៖ អេហ្ស៊ីប, អាល់ហ្សេរី, នីហ្សេរីយ៉ា, ទុយនីស៊ី, សេណេហ្គាល់, ម៉ារ៉ុក, អាហ្វ្រិកខាងត្បូង, កាមេរូន, តូហ្គោ, បួគីណាហ្វាសូ។
-អាមេរិកខាងជើង ៖ សហរដ្ឋអាមេរិក, កាណាដា ម៉ិកស៊ិក, កូស្តារីកា, សាធារណរដ្ឋដូមីនិក។
-អាមេរិកឡាទីន៖ ប្រេស៊ីល, អេក្វាឌ័រ, អាហ្សង់ទីន, ស៊ីលី, ប៉េរូ, កូឡុំប៊ី ប៉ារ៉ាហ្គាយ។
-អូសេអានី៖ អូស្ត្រាលី, នូវែលសេឡង់។
-តំបន់រដ្ឋបាល និងដែនដីស្វយ័តនៅឯនាយសមុទ្រ ៖ ចិន (ម៉ាកាវ, ហុងកុង, តៃវ៉ាន់), ចក្រភពអង់គ្លេស (ហ្ស៊ីប្រាល់តា, រដ្ឋ Guernsey នៃប្រជុំកោះ Channel Islands), ដាណឺម៉ាក (ប្រជុំកោះហ្វារ៉ូ), បារាំង (French Guiana, Martinique, Saint Martin, Saint Barthelemy)៕
© រក្សាសិទ្ធិដោយ thmeythmey.com
