COVID-19
អន្តរជាតិ
លោក Karl Habsburg ចៅប្រុសរបស់អតីតអធិរាជអូទ្រីស ឆ្លងកូរ៉ូណាវីរុស លោក Karl Habsburg ចៅប្រុសរបស់អតីតអធិរាជអូទ្រីស
× លោក Karl von Habsburg ដែលជាចៅប្រុសបង្កើតរបស់អតីតអធិរាជអូទ្រីស ត្រូវដាក់ឲ្យស្ថិតនៅដាច់ដោយឡែកក្នុងរដ្ឋ Lower Austria បន្ទាប់ពីតេស្តឃើញវិជ្ជមានកូរ៉ូណាវីរុស (COVID-19)។ នេះបើតាមការផ្សាយរបស់សារព័ត៌មានអូទ្រីស Krone នាថ្ងៃទី១០ ខែមីនា ឆ្នាំ២០២០។
លោក Karl ដែលញាតិវង្សនៃសែស្រឡាយ Habsburg ត្រូវវាយការណ៍ថា ឆ្លង COVID-19 ក្រោយទៅចូលរួមប្រជុំមួយនៅក្រុងហ្សឺណែវ ប្រទេសស្វីស ដោយនៅទីនោះ ក៏មានតំណាងមកពីភាគខាងជើងអ៊ីតាលី ជាច្រើននាក់ចូលរួមផងដែរ។
លោក Karl វ័យ៥៩ឆ្នាំជាបុត្រច្បងរបស់ព្រះអង្គ Otto Habsburg និងជាចៅអធិរាជ Karl I ដែលជាអធិរាជចុងក្រោយនៃចក្រភពអូទ្រីស-ហុងគ្រី។ លោកជាអតីតសមាជិកសភាអឺរ៉ុប ពីឆ្នាំ១៩៩៦ ដល់ឆ្នាំ១៩៩៩ផងដែរ។ បច្ចុប្បន្ន លោកជាអ្នកគ្រប់គ្រងវិមាន House of Habsburg-Lorraine។
ក្នុងបទសម្ភាសតាមទូរសព្ទ ជាមួយសារព័ត៌មាន Krone លោក Karl អះអាងថា សុខភាពរបស់ខ្លួនមិនមានសភាពធ្ងន់ធ្ងរនោះឡើយ។
នៅថ្ងៃអង្គារ ទី១០ ខែមីនា នេះ អូទ្រីស មានករណីឆ្លង២៦បន្ថែមទៀត ដែលធ្វើឲ្យចំនួនសរុបឡើងដល់១៥៧ករណី ក្នុងនោះ ទើបតែមាន២ករណីប៉ុណ្ណោះដែលត្រូវបានព្យបាលសះស្បើយ និងអនុញ្ញាតឲ្យចេញពីមន្ទីរពេទ្យ៕
© រក្សាសិទ្ធិដោយ thmeythmey.com