COVID-19
កីឡាអន្តរជាតិ
អន្តរជាតិ
COVID-19៖ ជប៉ុន ថាអូឡាំពិកតូក្យូនៅតែបន្តធ្វើ ទោះ ត្រាំ ស្នើឲ្យពន្យារពេលមួយឆ្នាំ
×![]()
ដោយ: ទេព ពិទូរ្យ
លោក Yoshihide Suga អ្នកនាំពាក្យរដ្ឋាភិបាលជប៉ុន នៅថ្ងៃសុក្រទី១៣ មីនានេះ អះអាងថាជប៉ុននៅតែស្ថិតលើផ្លូវឆ្ពោះទៅរកការរៀបចំព្រឹត្តិការណ៍អូឡាំពិកតូក្យូឆ្នាំ ២០២០ តាមការគ្រោងទុកដដែល។ នេះជាការឆ្លើយតបរបស់អ្នកនាំពាក្យកំពូលរដ្ឋាភិបាល បន្ទាប់ពីប្រធានាធិបតីអាមេរិក ដូណាល់ ត្រាំស្នើឲ្យមានការពន្យាពេលប្រកួតរយៈមួយឆ្នាំ ជុំវិញបញ្ហាឆ្លង COVID-19។
លោកនាយករដ្ឋមន្ត្រីជប៉ុន ស៊ិនហ្សូអាបេ និងលោក ត្រាំ បានជជែកគ្នាតាមទូរសព្ទប្រហែល ៥០ នាទីនៅព្រឹកថ្ងៃសុក្រនេះ និងបានព្រមព្រៀងលើការពង្រឹងកិច្ចសហប្រតិបត្តិការ ជុំវិញការប្រយុទ្ធប្រឆាំងនឹងមេរោគរាតត្បាតសាកលមួយនេះ ប៉ុន្តែទំនងជាមិនបានពិភាក្សាអំពីការពន្យារពេលការប្រកួតកីឡាអូឡាំពិក ឬដំណើរការដោយគ្មានអ្នកទស្សនានោះឡើយ។ នេះជាសម្តីរបស់មន្ត្រីជប៉ុនដែលជាអ្នកនាំពាក្យរដ្ឋាភិបាល។
បង្ហោះសារលើបណ្តាញសង្គម នៅព្រឹកថ្ងៃទី១៣ លោក ត្រាំ ខែមីនានេះ លោក ត្រាំ បានប្រាប់នាយករដ្ឋមន្ត្រីជប៉ុន អាបេ ថា៖« កន្លែងប្រកួតអូឡាំពិកដែលទើបនឹងបញ្ចប់គឺពិតជាអស្ចារ្យណាស់។ លោកបានបំពេញការងារដ៏មិនគួរឲ្យជឿ ដែលនឹងធ្វើឲ្យលោកមានមោទកភាព។ រឿងល្អៗ នឹងកើតឡើងសម្រាប់ប្រទេសជប៉ុន និងនាយករដ្ឋមន្ត្រីដ៏អស្ចារ្យរបស់ពួកគេ»។
Just had a great conversation with Prime Minister Abe of Japan. I told him that the just completed Olympic venue is magnificent. He has done an incredible job, one that will make him very proud. Good things will happen for Japan and their great Prime Minister. Lots of options!
— Donald J. Trump (@realDonaldTrump) March 13, 2020
យ៉ាងណាក៏ដោយ នៅថ្ងៃទី១២ មីនា លោកត្រាំ ធ្លាប់បានប្រាប់អ្នកយកព័ត៌មាននៅឯសេតវិមានថា លោកមិនចង់ឃើញថាគ្មានមនុស្សនៅទីនោះទេ (ដោយសំដៅលើព្រឹត្តិការណ៍កីឡាអូឡាំពិកក្រុងតូក្យូ ឆ្នាំ២០២០)។
«ប្រហែលជាពួកគេពន្យារពេលមួយឆ្នាំ…ប្រសិនបើអាច»។ អ្វីៗប្រសើរជាងការដែលកីឡដ្ឋានគ្មានអ្នកគាំទ្រនៅគ្រប់ទីកន្លែង។ ខ្ញុំគិតថាប្រសិនបើអ្នកលុបចោល ដោយរង់ចាំធ្វើនៅឆ្នាំក្រោយវាជាជម្រើសល្អ ប្រសើរជាងការធ្វើវាដោយគ្មានមនុស្សចូលរួម»។ ប្រធានាធិបតីអាមេរិកបន្ថែម។
Suga អ្នកនាំពាក្យរដ្ឋាភិបាលជាន់ខ្ពស់គ្រោងនឹងធ្វើបទបង្ហាញខ្លីស្តីពីកិច្ចពិភាក្សាជុំវិញការរៀបចំព្រឹត្តិការណ៍កីឡាលំដាប់ពិភពលោកក្នុងពេលឆាប់ៗនេះ៕
Tag:
COVID-19
កីឡាអូឡាំពិក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
