ភ្នំពេញថ្ងៃទី ១៣ ខែមីនាឆ្នាំ ២០២០៖ ធនាគារឯកទេសវីង (ខេមបូឌា) លីមីតធីត បានរៀបចំទទួលស្វាគមន៍គណៈប្រតិភូរាជរដ្ឋាភិបាល នៅការិយាល័យកណ្តាលរបស់ខ្លួន ដើម្បីបង្ហាញនូវកន្លែងផ្តល់សេវាកម្មហិរញ្ញវត្ថុចល័ត និងសេវាទូទាត់តាមប្រព័ន្ធអេឡិចត្រូនិក។
ដំណើរទស្សនកិច្ចនេះ ត្រូវបានដឹកនាំដោយ លោក គិត ម៉េង ប្រធានក្រុមប្រឹក្សាភិបាលនៃធនាគារឯកទេស វីង (ខេមបូឌា) លីមីតធីត ដោយមានវត្តមានដ៏ខ្ពង់ខ្ពស់របស់ លោក ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ (MPTC) និងគណៈប្រតិភូមន្ត្រីជាន់ខ្ពស់ក្រសួងចំនួន ១៧ រូបផ្សេងទៀត។
ក្នុងដំណើរទស្សនកិច្ចនេះ វីង បានបង្ហាញទៅគណៈប្រតិភូ ពីរបៀបការប្រើប្រាស់បច្ចេកវិទ្យាទំនើបចុងក្រោយ នៃការធ្វើប្រតិបត្តិការទូតទាត់ហិរញវត្ថុ តាមប្រព័ន្ធឌីជីថលដែលជួយគាំទ្រដល់ពាណិជ្ជកម្ម តាមប្រព័ន្ធអេឡិចត្រូនិច ក៏ដូចអភិបាលកិច្ចអេឡិចអេឡិចត្រូនិក ដើម្បីគាំទ្រដល់គំនិតផ្តួចផ្តើម របស់រាជរដ្ឋាភិបាលកម្ពុជា ក្នុងការអភិវឌ្ឍសេដ្ឋកិច្ចឌីជីថល។
លោក ត្រាំ អ៊ីវតឹក បានមានប្រសាសន៍ថា៖«ខ្ញុំពិតជាចាប់អារម្មណ៍យ៉ាងខ្លាំង ចំពោះរបៀបដែល វីង បានដាក់ពង្រាយការប្រើប្រាស់បច្ចេកវិទ្យាទំនើបឈានមុខគេ និងវិធីសាស្ត្រផ្សេងៗដើម្បីជំរុញសេដ្ឋកិច្ចកម្ពុជា ឲ្យរីកចម្រើនតាមរយៈប្រព័ន្ធអេកូឡូស៊ីហិរញ្ញវត្ថុ។ ដំណោះស្រាយនៃការទូទាត់ប្រាក់តាមប្រព័ន្ធឌីជីថល គឺជានិន្នាការសកលមួយដែលមានសារៈសំខាន់បំផុតក្នុងការលើកកម្ពស់កំណើនរួម ប្រកបដោយចីរភាព ខណៈពេលដែលប្រទេសកម្ពុជា កំពុងឆ្ពោះទៅរកសេដ្ឋកិច្ចឌីជីថល»។
បង្កើតឡើងក្នុងឆ្នាំ ២០០៩ ឥឡូវនេះ វីង ដែលមានភ្នាក់ងារជាង ៧៥០០កន្លែង ទូទាំងប្រទេស ហើយត្រូវបានគេទទួលស្គាល់ និងមានទំនុកចិត្តបំផុត ក្នុងការផ្តល់សេវាហិរញ្ញវត្ថុចល័ត នៅក្នុងទីផ្សារនៃព្រះរាជាណាចក្រកម្ពុជា ហើយមានដៃគូសហការជាង ៤ ម៉ឺនពាណិជ្ជករ និងសហគ្រាសធំៗ រួមមាន៖ Mastercard, Western Union, និងMoneyGram Wechat និង Alipay ។
លោក គិត ម៉េង បានមានប្រសាសន៍ថា៖ «ក្នុងនាមជាអ្នកផ្តល់សេវាធនាគារ តាមទូរស័ព្ទចល័តឈានមុខគេមួយនៅកម្ពុជា យើងមានសេចក្តីរីករាយ ដែលប្រតិបត្តិការអាជីវកម្មប្រចាំថ្ងៃរបស់យើង បានចូលរួមចំណែកក្នុងការអភិវឌ្ឍសេដ្ឋកិច្ចសង្គកម្ពុជា ទាំងក្នុងពេលបច្ចុប្បន្ន ក៏ដូចជានាពេលអនាគត។ វីង កំពុងតែបន្តដំណើរជាមួយចក្ខុវិស័យ ក្នុងការផ្តល់ជូនប្រជាជនកម្ពុជាគ្រប់រូបប្រកបដោយ ភាពងាយស្រួល មានការធានា និងរហ័ស ក្នុងការទទួលបានសេវាហិរញ្ញវត្ថុតាមទូរស័ព្ទ ដើម្បីធ្វើឲ្យជីវភាពប្រចាំថ្ងៃរបស់ពួកគេ កាន់តែល្អប្រសើរ»។
ដោយមានអតិថិជនជាង ៥ លាននាក់ ដែលភាគច្រើនមិនស្ថិតក្នុងបណ្តាញធនាគារនោះ វីង បានគាំទ្រដល់សេដ្ឋកិច្ចកម្ពុជា ដោយជួយសម្រួលដល់ការធ្វើប្រតិបត្តិការ មានតម្លៃជិត ៩០% នៃផលិតផលក្នុងស្រុកសរុប របស់ប្រទេស តាមរយៈការធ្វើប្រតិបត្តិការជាង ១៣០ លានដង កាលពីឆ្នាំមុន។
លោក ម៉ានូ រ៉ាចាន់ អគ្គនាយកនៃធនាគារឯកទេស វីង (ខេមបូឌា) លីមីតធីត បានមានប្រសាសន៍ថា៖«វីង តែងតែសង្កត់ធ្ងន់ទៅលើការអនុវត្ត ប្រកបដោយភាពលេចធ្លោ ក្នុងការខិតខំរក្សាប្រតិបត្តិការអាជីវកម្ម ប្រកបដោយប្រសិទ្ធភាពទូទាំងអង្គភាព ក៏ដូចជាពង្រឹងនិរន្តរភាព នៃការច្នៃប្រឌិត នៃដំណោះស្រាយហិរញ្ញវត្ថុ ដើម្បីបំពេញនូវសម្រូវការប្រចាំថ្ងៃ របស់ប្រជាជនកម្ពុជា»។
(អត្ថបទពាណិជ្ជកម្ម)