COVID-19
កីឡាអន្តរជាតិ
អន្តរជាតិ
ការប្រកួតរវាងក្រុម Perak FA ដែលយកឈ្នះ PJ City 2-0 ក្នុងក្របខណ្ឌលីគកំពូលម៉ាឡេស៊ីកន្លងទៅ
×![]()
ដោយ: ទេព ពិទូរ្យ
លីគកីឡាបាល់ទាត់ម៉ាឡេស៊ីគ្រប់កម្រិត នឹងត្រូវផ្អាកការប្រកួតចាប់ពីសប្តាហ៍ក្រោយតទៅដើម្បីចៀសវាងការឆ្លង COVID-19។ ក្រុមមន្ត្រីនៃសហព័ន្ធកីឡាបាល់ទាត់ម៉ាឡេស៊ី (FAM) ប្រកាសដូច្នេះនៅថ្ងៃសុក្រទី១៣ ខែមីនានេះ។ ម៉ាឡេស៊ី ជាប្រទេសតំបន់អាស៊ានទីពីរបន្ទាប់ពីថៃ ដែលប្រកាសផ្អាកការប្រកួតលីគកីឡាបាល់ទាត់។
បន្ទាប់ពីកិច្ចពិភាក្សាបន្ទាន់មួយដែលរៀបចំឡើងនៅទីស្នាក់ការកណ្តាលរបស់ FAM សម្រេចថាការប្រកួតនៅចុងសប្តាហ៍នេះ តម្រូវឲ្យលេងដោយបិទទ្វារកីឡដ្ឋាន មុនផ្អាកចាប់ពីសប្តាហ៍បន្ទាប់តទៅ។
លោក Stuart Ramalingam អគ្គលេខាធិការ FAM បានប្រាប់ទីភ្នាក់ងារព័ត៌មាន AFP ថា៖ «ចាប់ពីថ្ងៃច័ន្ទក្រោយនេះទៅ រាល់ការប្រកួតក្នុងលីគ និងការប្រកួតនានាក្រោមការគ្រប់គ្រងរបស់សហព័ន្ធកីឡាបាល់ទាត់ម៉ាឡេស៊ី នឹងត្រូវពន្យារពេលរហូតដល់មានសេចក្តីជូនដំណឹងបន្ថែម»។
គិតត្រឹមថ្ងៃទី១៣ ខែមីនានេះ ម៉ាឡេស៊ីមានត្រាអ្នកឆ្លងជំងឺរលាកសួតបង្កដោយកូរ៉ូណាវីរុសប្រភេទថ្មីចំនួន ១៥៨ ករណី និងជាសះស្បើយចំនួន៣២ករណី។ ម៉ឡេស៊ីជាប្រទេសនៅតំបន់អាស៊ានដែលមានករណីឆ្លង COVID-19 ច្រើនបំផុតលំដាប់ទី បន្ទាប់ពីសិង្ហបុរីដែលមានអ្នកឆ្លង១៨៧នាក់ និងសះស្បើយ៩៦ករណី។
ដោយសារតែ COVID-19 ដែលក្លាយជាជំងឺរាតត្បាតសាកល បានធ្វើឲ្យវិស័យកីឡាបាល់ទាត់នៅជុំវិញពិភពលោករងផលប៉ះពាល់យ៉ាងធ្ងន់ធ្ងរ ជាពិសេសក្នុងក្របខណ្ឌលីគកំពូលធំៗដូចជា អ៊ីតាលី អេស្ប៉ាញ ជប៉ុន កូរ៉េខាងត្បូង និងចិនដែលជាចំនុចផ្តើមនៃជំងឺនេះ៕
Tag:
COVID-19
FAM
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
