ជាតិ
ថ្ងៃដំបូង អ្នកទៅចូលរួមពិធីបុណ្យទន្លេនៅបាត់ដំបងមានប្រមាណ៣ម៉ឺននាក់
រូបភាពពីក្រសួងទេសចរណ៍
×![]()
ដោយ: ផាត ដាណេ
ភ្នំពេញ៖ ថ្ងៃដំបូងនៃពិធីបុណ្យទន្លេក្នុងខេត្តបាត់ដំបង មានចូលរួមប្រមាណ៣ម៉ឺននាក់ក្នុងនោះមានភ្ញៀវទេសចរអន្តរជាតិប្រមាណ៣០០នាក់ ហើយភាគច្រើនជាជនជាតិបារាំង។ មន្ត្រីអះអាងថា ភ្ញៀវទស្សនាកម្សាន្តក្នុងពិធីបុណ្យទន្លេនៅតែមានចំនួនច្រើន បើទោះបីជាបច្ចុប្បន្នកំពុងមានបញ្ហានៃការរីករាលដាល COVID-19 ក៏ដោយ។
ក្រសួងទេសចរណ៍បានឲ្យដឹងថា ចំនួនភ្ញៀវទេសចរដែលមកចូលរួមកម្សាន្តក្នុងពិធីបុណ្យទន្លេលើកទី៦ច្រើនកុះករ ក្នុងនោះមានទាំងភ្ញៀវទេសចរជាតិ និងអន្តរជាតិផងដែរ។ ក្នុងនោះចំនួនភ្ញៀវទេសចរដែលមកចូលរួមសរុបមានប្រមាណ៣ម៉ឺននាក់ ដោយមានប្រមាណ៣០០នាក់ជាភ្ញៀវទេសចរអន្តរជាតិ ហើយភាគច្រើនជាជនជាតិបារាំង។
បើតាម លោក តុប សុភ័ក ជាអ្នកនាំពាក្យក្រសួងទេសចរណ៍ ចំនួនភ្ញៀវទេសចរដែលមកចូលរួមនឹងមានការកើនឡើងបន្ថែម ហើយគម្រោងរយៈពេល៣ថ្ងៃ ភ្ញៀវទេសចរអាចមាន៥០ ទៅ៦០ម៉ឺននាក់»។
ពិធីបុណ្យទន្លេនេះ ប្រារព្ធធ្វើឡើងយ៉ាងអធិកអធម ដោយបានរក្សានូវសុខសុវត្ថិភាពរបស់អ្នកមកចូលរួម សម្រួលចរាចរណ៍ រក្សាសណ្ដាប់ធ្នាប់ និងមានក្រុមគ្រូពេទ្យ ក៏ដូចជារថយន្តសង្គ្រោះបន្ទាន់ប្រចាំការផងដែរ។ ក្នុងនោះមានការតាំងពិព័រណ៍សមិទ្ធផលផលិតផលក្នុងស្រុក មហោស្របម្ហូបអាហារ និងភេសជ្ជៈ ជាង៣០០ស្តង់, ស្តង់ក្រសួង-ស្ថាប័នរដ្ឋមាន៣០ស្តង់, ផលិតផលនាំចេញ និងវិស័យទេសចរណ៍មាន២០ស្តង់, ផលិតផលក្នុងស្រុកមាន ៥០ស្តង់, ផលិតផលទូទៅមាន១៥០ស្តង់ និងស្ដង់វិថីម្ហូបអាហារមាន៥០ស្ដង់ ពិសេសម្ហូបអាហារប្រចាំតំបន់ក្នុងក្រុងបាត់ដំបងផងដែរ។
បញ្ជាក់ផងដែរថា ពិធីបុណ្យទន្លេលើកទី៦ប្រារព្ធធ្វើឡើង ក្រៅតែពីផ្ដល់ការកម្សាន្តជូនដល់ប្រជាពលរដ្ឋ ក៏ដូចជាភ្ញៀវទេសចរអន្តរជាតិហើយនោះ ក៏បានបំផុសស្មារតីស្រឡាញ់ជាតិ និងកេរដំណែលដូនតា ហើយបានរួមចំណែកផ្សព្វផ្សាយពីគោលដៅទេសចរណ៍នៅខេត្តបាត់ដំបងផងដែរ។ នៅថ្ងៃទី១៤ ខែមីនា ដែលជាថ្ងៃទីនៃការប្រារព្វពិធី សម្ដេចហ៊ុន សែន និងសម្ដេច ប៊ុន រ៉ានី ហ៊ុនសែន នឹងអញ្ជើញចូលរួមផងដែរ៕
ក្រសួងទេសចរណ៍បានឲ្យដឹងថា ចំនួនភ្ញៀវទេសចរដែលមកចូលរួមកម្សាន្តក្នុងពិធីបុណ្យទន្លេលើកទី៦ច្រើនកុះករ ក្នុងនោះមានទាំងភ្ញៀវទេសចរជាតិ និងអន្តរជាតិផងដែរ។ ក្នុងនោះចំនួនភ្ញៀវទេសចរដែលមកចូលរួមសរុបមានប្រមាណ៣ម៉ឺននាក់ ដោយមានប្រមាណ៣០០នាក់ជាភ្ញៀវទេសចរអន្តរជាតិ ហើយភាគច្រើនជាជនជាតិបារាំង។
បើតាម លោក តុប សុភ័ក ជាអ្នកនាំពាក្យក្រសួងទេសចរណ៍ ចំនួនភ្ញៀវទេសចរដែលមកចូលរួមនឹងមានការកើនឡើងបន្ថែម ហើយគម្រោងរយៈពេល៣ថ្ងៃ ភ្ញៀវទេសចរអាចមាន៥០ ទៅ៦០ម៉ឺននាក់»។
ពិធីបុណ្យទន្លេនេះ ប្រារព្ធធ្វើឡើងយ៉ាងអធិកអធម ដោយបានរក្សានូវសុខសុវត្ថិភាពរបស់អ្នកមកចូលរួម សម្រួលចរាចរណ៍ រក្សាសណ្ដាប់ធ្នាប់ និងមានក្រុមគ្រូពេទ្យ ក៏ដូចជារថយន្តសង្គ្រោះបន្ទាន់ប្រចាំការផងដែរ។ ក្នុងនោះមានការតាំងពិព័រណ៍សមិទ្ធផលផលិតផលក្នុងស្រុក មហោស្របម្ហូបអាហារ និងភេសជ្ជៈ ជាង៣០០ស្តង់, ស្តង់ក្រសួង-ស្ថាប័នរដ្ឋមាន៣០ស្តង់, ផលិតផលនាំចេញ និងវិស័យទេសចរណ៍មាន២០ស្តង់, ផលិតផលក្នុងស្រុកមាន ៥០ស្តង់, ផលិតផលទូទៅមាន១៥០ស្តង់ និងស្ដង់វិថីម្ហូបអាហារមាន៥០ស្ដង់ ពិសេសម្ហូបអាហារប្រចាំតំបន់ក្នុងក្រុងបាត់ដំបងផងដែរ។
បញ្ជាក់ផងដែរថា ពិធីបុណ្យទន្លេលើកទី៦ប្រារព្ធធ្វើឡើង ក្រៅតែពីផ្ដល់ការកម្សាន្តជូនដល់ប្រជាពលរដ្ឋ ក៏ដូចជាភ្ញៀវទេសចរអន្តរជាតិហើយនោះ ក៏បានបំផុសស្មារតីស្រឡាញ់ជាតិ និងកេរដំណែលដូនតា ហើយបានរួមចំណែកផ្សព្វផ្សាយពីគោលដៅទេសចរណ៍នៅខេត្តបាត់ដំបងផងដែរ។ នៅថ្ងៃទី១៤ ខែមីនា ដែលជាថ្ងៃទីនៃការប្រារព្វពិធី សម្ដេចហ៊ុន សែន និងសម្ដេច ប៊ុន រ៉ានី ហ៊ុនសែន នឹងអញ្ជើញចូលរួមផងដែរ៕
Tag:
បុណ្យទន្លេលើកទី៦
ភ្ញៀវទេសចរ
© រក្សាសិទ្ធិដោយ thmeythmey.com
៣៧ថ្ងៃក្រោយស្ងប់ស្ងាត់ កម្ពុជារកឃើញអ្នកឆ្លង COVID-19 ថ្មី១ទៀត
កំពត ភ្នំពេញ 6 ថ្ងៃ
តើអ្នកណាខ្លះជាអ្នកជះឥទ្ធិពលក្នុងសង្គម?
វិភាគ 2 ម៉ោង
