ជាតិ
សម្ដេច ហ៊ុន សែន៖ គ្មានហេតុផលដែលកម្ពុជាត្រូវលាក់ទិន្នន័យករណី COVID-19 ឡើយ
× ថ្លែងនាពិធីបុណ្យទន្លេនៅខេត្តបាត់ដំបង កាលពីថ្ងៃទី ១៤ ខែ មីនា សម្ដេច ហ៊ុន សែន បានគូសបញ្ជាក់ថា កម្ពុជា មិនមានហេតុផលដែលត្រូវលាក់លៀមទិន្នន័យអ្នកជំងឺ COVID-19 នោះទេ។ ការបញ្ជាក់បែបនេះ ដោយមានក្រុមប្រទេសមួយចំនួន ថាកម្ពុជាបានលាក់ទិន្នន័យអ្នកជំងឺ COVID-19។
សម្ដេច ហ៊ុន សែន បានលើកឡើយថា កម្ពុជាកំពុងយកចិត្តទុកដាក់ និងធ្វើការយ៉ាងជិតស្និតជាមួយអង្គការសុខភាពពិភពលោក ដើម្បីទប់ស្កាត់ការរីករាលដាលជំងឺCOVID-19។ ហើយបើរដ្ឋាភិបាលកម្ពុជា ចង់លាក់អ្នកជំងឺ ក៏មិនអាចបិទបាំងបាននោះដែរ ដោយអ្នកជំងឺខ្លួនឯង ជាអ្នកដឹងច្បាស់។
ជាមួយគ្នានេះ សម្ដេច ក៏បានអំពាវនាវដល់ប្រជាពលរដ្ឋដែលសង្ស័យថា ខ្លួនឆ្លងជំងឺ COVID-19 ត្រូវទៅមន្ទីរពេទ្យ និងទាក់ទងទៅក្រសួងសុខាភិបាល ដើម្បីពិនិត្យជំងឺ។
គួរបញ្ជាក់ថា កម្ពុជាមានករណីឆ្លង COVID-19 ចំនួន៧ហើយ ដោយករណីដំបូងជាជនជាតិចិនអាយុ៦០ឆ្នាំនៅក្រុងព្រះសីហនុ ដែលបានជាសះស្បើយ។ ករណីទីពីរជាបុរសខ្មែរអាយុ៣៨ឆ្នាំនៅខេត្តសៀមរាប បានឆ្លងពីជនជាតិជប៉ុនម្នាក់។ បីករណីកើតលើជនជាតិអង់គ្លេស ក្នុងនោះស្ត្រី១នាក់ និងប្តីប្រពន្ធ១គូ ដែលរកឃើញលើនាវាទេសចរណ៍ Viking Cruise Journey មកពីក្រុងហូជីមិញ សំចតនៅខេត្តកំពង់ចាម។ បច្ចុប្បន្នអ្នកជំងឺទាំងបីសម្រាកព្យាបាលនៅភ្នំពេញ។ ពីរករណីចុងក្រោយ បានរកឃើញលើបុរសកាណាដា និងបែលហ្ស៊ិក ម្នាក់ នៅរាជធានីភ្នំពេញ៕
© រក្សាសិទ្ធិដោយ thmeythmey.com