ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
របបអាហារត្រឹមត្រូវ គឺចាំបាច់ណាស់សម្រាប់សុខភាពស្បែកល្អប្រសើរនិងសម្រស់ស្រស់ស្អាត។ ថាតើអាហារអ្វីខ្លះល្អចំពោះស្បែក? 
ខាងក្រោមនេះយើង នឹងបង្ហាញឱ្យដឹងពីអាហារដែលអ្នកគួរទទួលទានប្រសិនបើចង់បានស្បែកស្រស់ស្អាត ៖
១. ប្រេងអូលីវ
មានផ្ទុកជាតិខ្លាញ់សុខភាពល្អ monounsaturated ដែលអាចជួយរក្សាភាពក្មេងជាតិវ័យនៃស្បែក។ លើសពីនេះទៅទៀតសារធាតុប្រឆាំងអុកស៊ីតកម្មនៃប្រេងអូលីវក៏ជួយទប់ស្កាត់ការបំផ្លាញដែលបង្កឡើងដោយរ៉ាឌីកាល់សេរីផងដែរ។
២. ផ្លែបឺរ
ផ្លែឈើនេះមានផ្ទុកសម្បូរទៅដោយជាតិខ្លាញ់ល្អ monounsaturated ដែលជួយរក្សាជាតិសំណើមនៃស្បែកបានយ៉ាងប្រសើរ ខណៈដែលស្នាមជ្រីវជ្រួញងាយនឹងលេចឡើងចំពោះស្បែកស្ងួត។ លើសពីនេះទៅទៀត ជាតិខ្លាញ់ monounsaturated ក៏ជួយអោយរាងកាយអាចស្រូបសារធាតុចិញ្ចឹម និងវីតាមីនផ្សេងៗដែលស្បែកត្រូវការបានពេញលេញផងដែរ។
៣. ត្រីសម្បូរខ្លាញ់
ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលជួយកាត់បន្ថយការរលាកក្នុងរាងកាយ។ ក្រៅពីនេះត្រីសាលម៉ុនក៏មានផ្ទុក dimethylaminoethanol ខ្ពស់ដែលជួយការពារកោសិកាស្បែកឱ្យរក្សាបាននូវសុខភាពល្អជានិច្ច។ តាមរយៈការពង្រឹងភាពរឹងមាំនៃកោសិកានោះមានន័យថាអ្នកកំពុងតែទប់ស្កាត់ភាពចាស់មុនអាយុហើយ។ ដើម្បីទទួលបានលទ្ធផលកាន់តែប្រសើរចំពោះសុខភាពនិងសម្រស់ចូរព្យាយាមទទួលទានឱ្យបានយ៉ាងហោចណាស់ ៣ ដងក្នុងមួយសប្តាហ៍។
៤. យ៉ាអួរ
ក្រៅពីជួយបង្កើនបរិមាណនៃបាក់តេរីល្អក្នុងពោះវៀនហើយនោះ យ៉ាអួរក៏ប្រសើរចំពោះសុខភាពស្បែកផងដែរ។ ការទទួលទានយ៉ាអួរនឹងជួយឱ្យស្បែកតឹងណែនទប់ស្កាត់ស្នាមជ្រីវជ្រួញ។ ទោះជាយ៉ាងណាចូរជ្រើសរើសយ៉ាអួរសុទ្ធគ្មានលាយគ្រឿងផ្សំបន្ថែមរសជាតិនិងជាតិស្ករ។
៥. សាច់មាន់
ជាប្រភពដ៏ប្រសើរនៃស័ង្កសីដែលចាំបាច់សម្រាប់សុខភាពនៃឬសសក់។ ទោះជាយ៉ាងណាចូរជ្រើសរើសទទួលទានសាច់ទ្រូងនិងចៀសវាងស្បែកមាន់ក៏ព្រោះវាមានផ្ទុកសម្បូរទៅដោយជាតិខ្លាញ់ឆ្អែត saturated។
៦. បន្លែបៃតង
បន្លែបៃតងជាប្រភពដ៏ប្រសើរនៃជាតិដែកដែលចាំបាច់ណាស់សម្រាប់រក្សាសុខភាពសក់រឹងមាំ។ កង្វះជាតិដែកអាចបង្កជំងឺខ្វះគ្រាប់ឈាមក្រហមដែលជាកត្តាចម្បងបំផុតមួយនៃបញ្ហាជ្រុះសក់ ក៏ព្រោះឫសនៃសក់ទទួលបានសារធាតុចិញ្ចឹមតាមរយៈការផ្គត់ផ្គង់របស់ឈាម។ សារធាតុប្រឆាំងអុកស៊ីតកម្មដែលមានផ្ទុកក្នុងបន្លៃបៃតងក៏ជួយការពារកោសិកាស្បែកមិនឱ្យទទួលរងការបំផ្លាញពីសំណាក់រ៉ាឌីកាល់សេរី។ ជាតិសរសៃក្នុងបន្លែបៃតងថែមទាំងជួយកម្ចាត់ជាតិពុលដែលបង្កបញ្ហាស្បែកស្រអាប់មិនស្រស់ស្អាតទៀតផង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
