រាជធានីភ្នំពេញ, ថ្ងៃទី ១៤ ខែ មីនា ឆ្នាំ ២០២០៖ ស៊ីងហ្គាពួរ មេឌីខល សេនធ័រ (Singapore Medical Center) គ្រប់គ្រងចាត់ចែងដោយ DrMap បានចូលរួមគាំទ្រក្នុងឱកាស នៃទិវាលើកកម្ពស់ការយល់ដឹងប្រយុទ្ធប្រឆាំង នឹងជំងឺមហារីកពោះវៀនធំ និងទ្វារបាត ដោយបានរៀបចំសិក្ខាសិលាសុខភាពជូនសាធារជន។ ជាផ្នែកមួយនៃការអប់រំសុខភាពរបស់ស៊ីងហ្គាពួរ មេឌីខល សេនធ័រ អ្នកចូលរួមបានទទួលនូវចំណេះដឹងអំពីជំងឺមហារីកពោះវៀនធំ និងទ្វារបាត ដែលធ្វើបទបង្ហាញដោយវេជ្ជបណិ្ឌតឯកទេសជនជាតិសិង្ហបុរី Dr. Jonathan Foo។
ផ្នែកលើទិន្នន័យដែលបង្ហាញដោយអង្គការសុខភាពពិភពលោក (WHO) នៃភ្នាក់ងារអន្តរជាតិស្រាវជ្រាវលើជំងឺមហារីក (International Agency for Research on Cancer) ក្នុងឆ្នាំ២០១៨ ជំងឺមហារីកពោះវៀនធំ ត្រូវបានចាត់ថ្នាក់ជាជំងឺមហារីកលំដាប់ថ្នាក់ទី៥ ដែលបណ្តាលឲ្យមានការស្លាប់ច្រើនបំផុតក្នុងប្រទេសកម្ពុជា។ ជំងឺមហារីកពោះវៀនធំ និងទ្វារបាត គឺជាជំងឺដែលអាចព្យាបាលបានក្នុងអត្រាខ្ពស់ ប្រសិនបើអាចធ្វើរោគវិនិច្ឆ័យទាន់ពេលវេលា។ អត្រាភាគច្រើន នៃការកើតជំងឺមហារីកពោះវៀនធំ និងការបាត់បង់ជីវិតដោយសារជំងឺនេះ អាចការពារបាន តាមរយៈការពិនិត្យសុខភាពដោយការថតឆ្លុះដោយម៉ាស៊ីនអង់ដូរស្តុប រកដុំសាច់ដែលមានក្នុងពោះវៀនធំ (Colon polyps)។
ដើម្បីលើកកម្ពស់ចំណេះដឹងសុខភាព និងធ្វើឲ្យអ្នកចូលរួមបានស្វែងយល់កាន់ស៊ីជម្រៅ អំពីទិវាប្រយុទ្ធប្រឆាំងនឹងជំងឺមហារីកពោះវៀនធំ និងទ្វារបាត លោកវេជ្ជបណ្ឌិតឯកទេស វះកាត់ជំងឺទូទៅ និងប្រព័ន្ធទា្វរបាត Jonathan Foo បានពន្យល់ថា៖«សុខភាពពោះវៀនធំ សម្រាប់មនុស្សគ្រប់រូប ជាពិសេសបុរសអាយុ៤៥ឆ្នាំទ្បើងទៅ ក្នុងចំណោមប្រជាជន បានក្លាយជាប្រធានបទកាន់តែមានការយកចិត្តទុកដាក់ច្រើននាពេលបច្ចុប្បន្ន ពីព្រោះមានភស្តុតាងកាន់តែច្រើនបានបញ្ជាក់ថា សុខភាពរាងកាយរបស់យើងពឹងអាស្រ័យលើសុខភាពប្រព័ន្ធរំលាយអាហារ ដែលប្រព័ន្ធនេះ ផ្អែកទាំងស្រុងលើរបបអាហាររបស់យើង»។
លោកវេជ្ជបណ្ឌិត Dr. Jonathan Foo បានពន្យល់អំពីអត្ថប្រយោជន៍ នៃការត្រួតពិនិត្យដោយសុងពោះវៀនធំ ឲ្យបានទៀងទាត់ដោយថា៖«វាអាចជួយឲ្យយើងដឹងអំពីវត្តមាន ជំងឺមហារីកពោះវៀនធំក៏ដូចជាមធ្យោបាយមួយ យ៉ាងមានប្រសិទ្ធភាពនៃការបង្ការជំងឺ,ធ្វើរោគវិនិច្ឆ័យ, ក៏ដូចជាផ្តល់ការព្យាបាលដល់អ្នកជំងឺឲ្យបានទាន់ពេលវេលា»។
ស៊ីងហ្គាពួរ មេឌីខល សេនធ័រ មានគោលបំណងផ្តល់ជូនសេវាវេជ្ជសាស្ត្រ និងការព្យាបាលដល់ប្រជាជនកម្ពុជា និងជនបរទេស ដែលកំពុងរស់នៅធ្វើការក្នុងប្រទេសនេះ ក៏ដូចជាប្រជាជនមកពីប្រទេសជិតខាងកម្ពុជា ដែលស្វែងរកមូលដ្ឋាន និងសេវាកម្មសុខាភិបាលទំនើប។ មជ្ឈមណ្ឌលនេះ ដំណើរការ និងគ្រប់គ្រងដោយគណៈគ្រប់គ្រង DrMap ដោយប្រើប្រាស់ស្តង់ដារ និងអ្នកឯកទេសសិង្ហបុរី។ រាល់ការព្យាបាល និងសេវាកម្មទាំងអស់សុទ្ធតែបានអនុលោមតាមដំណើរការ និងពិធីសារសុខាភិបាលដែលទទួលបានវិញ្ញាបនបត្រត្រឹមត្រូវ។
ស៊ីងហ្គាពួរ មេឌីខល សេនធ័រ នឹងក្លាយទៅជាមជ្ឈមណ្ឌលវេជ្ជសាស្ត្រមួយ ដែលផ្តល់សេវាកម្មពេញលេញ និងឈានមុខគេ ដោយរួមបញ្ចូលគ្នាទាំងវេជ្ជសាស្ត្រទូទៅ និងវេជ្ជសាស្ត្រថែទាំសុខភាព ដែលចំណុចនេះ ធ្វើឲ្យមជ្ឈមណ្ឌលយើង ក្លាយជាមជ្ឈមណ្ឌលទីមួយនៅរាជធានីភ្នំពេញ ដែលបានដាក់បញ្ចូលសុខុមាលភាពគ្រប់ជ្រុងជ្រោយ ទៅជាទិដ្ឋភាពស្នូល នៅសេវាកម្មវេជ្ជសាស្ត្រសម្រាប់សហគមន៍។
មជ្ឈមណ្ឌលវេជ្ជសាស្ត្រមួយនេះ នឹងផ្តល់សេវាកម្មជាច្រើន រួមមានការអនុវត្តន៍វេជ្ជសាស្ត្រទូទៅ, ការថែទាំជំងឺរ៉ាំរ៉ៃ, ការថតឆ្លុះធ្វើរោគវិនិច្ឆ័យ និងការត្រួតពិនិត្យសុខភាព, សុខុមាលភាពគ្រប់ជ្រុងជ្រោយ, ការព្យាបាលដោយប្រើទឹកសេរ៉ូម ការព្យាបាលសម្ផស្ប និងរោគសើស្បែក, និងការវះកាត់ផ្សេងៗ។
សេវាកម្មធ្វើរោគវិនិច្ឆ័យដោយប្រើម៉ាស៊ីនថ្មីបំផុត រួមមានម៉ាស៊ីនថតកាំរស្មី x, ម៉ាស៊ីនស្គេនម៉ាម៉ូក្រាម, ម៉ាស៊ីនស្គេនស៊ីធី, ឧបករណ៍វាស់ដង់ស៊ីតេឆ្អឹង និងម៉ាស៊ីនអេកូសាស្ត្រ។ ចំណែកឯការព្យាបាលសុខុមាលភាពគ្រប់ជ្រុងជ្រោយ និងបញ្ចូលលក្ខណៈពិសេសដូចជា ការព្យាបាលដោយត្រាំខ្សាច់ភ្នំភ្លើង, ការព្យាបាលអ៊ីយ៉ុងអវិជ្ជមាន និងអ៊ីនហ្វ្រារ៉េដ, ថ្នាំចិនបុរាណ, និងរបៀបបន្សាបជាតិពុលជាច្រើនប្រភេទ, កម្មវិធីបញ្ចុះទម្ងន់ និងការគ្រប់គ្រងការឈឺចាប់៕
(អត្ថបទពាណិជ្ជកម្ម)