អត្ថបទពាណិជ្ជកម្ម
ក្រុមហ៊ុនភេសជ្ជ:កម្ពុជា កូកា-កូឡា ដាក់ឱ្យប្រើប្រាស់ប៉មទឹកចម្រោះទឹកស្អាត តាមរយៈអង្គការ Planet Water
× ប៉មទឹកចម្រោះទឹកស្អាត ដែលឧបត្ថម្ភដោយក្រុមហ៊ុនភេសជ្ជៈកម្ពុជា កូកា-កូឡា ត្រូវបានដាក់សម្ពោធឲ្យប្រើប្រាស់ជាផ្លូវការ តាមរយៈអង្គការ Planet Water កាលពីព្រឹកថ្ងៃច័ន្ទ ៨រោជ ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៦ ខែមីនា ឆ្នាំ២០២០ នៅវិទ្យាល័យក្រុងព្រះសីហនុ។ កម្មវិធីនេះ មានការចូលរួមពីជួប ប៉ារីស៍ អគ្គនាយកចំណេះដឹង និងព័ត៌មានបរិស្ថាន, លោកអគ្គនាយករង ក្រុមការងារនាយកដ្ឋានរង្វាន់ និងលើកទឹកចិត្ត មន្ទីរបរិស្ថាន មន្ទីរអប់រំ យុវជន និងកីឡា លោកស្រីនាយិកា លោកគ្រូ អ្នកគ្រូ និងសិស្សានុសិស្ស សរុបចំនួនប្រមាណ២៥០នាក់។
លោកស្រី ស៊ុន ចិន្តា នាយិកាវិទ្យាល័យក្រុងព្រះសីហនុ បានគូសបញ្ជាក់ថា សាលានឹងទទួលបានទឹកស្អាតមានគុណភាព គ្មានមេរោគ និងសុវត្ថិភាពសម្រាប់សិស្សបរិភោគ និងមិនប៉ះពាល់ដល់សុខភាពសិស្ស តាមរយៈការដាក់ប៉ម និងធុងចម្រោះទឹកស្អាតនៅពេលនេះ។ ក្រៅពីនេះ វាក៏នឹងរួមចំណែកកាត់បន្ថយការចំណាយថវិកា ទិញទឹកបរិភោគរបស់លោកគ្រូ អ្នកគ្រូ និងសិស្សានុសិស្ស ក៏ដូចជាកាត់បន្ថយការប្រើប្រាស់ដបទឹកប្លាស្ទិក ដែលជាចំណែកមួយដ៏សំខាន់ក្នុងការជួយដល់បរិស្ថាន តាមរយៈការកាត់បន្ថយការប្រើប្រាស់ប្លាស្ទិកនៅក្នុងបរិវេណសាលាផងដែរ។
លោក រស់ សោភា នាយកផ្នែកច្បាប់ និងទំនាក់ទំនងកិច្ចការសាធារណៈប្រចាំប្រទេស នៃក្រុមហ៊ុនភេសជ្ជៈកូកា-កូឡា បានលើកឡើងថា ក្រុមហ៊ុន តាមរយៈអង្គការមូលនិធិ Planet Water បាននិងកំពុងអនុវត្តគម្រោង«ប្រើប្រាស់ទឹកស្អាត បន្ទប់ទឹកស្អាត សាលារៀនគំរូ ដែលហៅជាភាសាបរទេសថា AuquaTower-AquaSan & Clean School’s Toilet»។ គម្រោងនេះ មានទិសដៅសំខាន់ ផ្តោតលើសុខុមាលភាពរបស់ប្រជាសហគមកម្ពុជា ដោយចាប់ផ្តើមពីការប្រើប្រាស់ទឹកស្អាត មានសុវត្ថិភាព និងបន្ទប់ទឹកស្អាតក្នុងសាលារៀន។
លោក រស់ សោភា បញ្ជាក់ថា៖«គម្រោងនេះ គឺជាផ្នែកមួយនៃចក្ខុវិស័យអាទិភាពជាសកល របស់កូកា-កូឡា ក្រោមគម្រោងឈ្មោះថា «ការគ្រប់គ្រងទឹក ឬ Water Stewardship» ដែលមានឆន្ទៈ ព្រមជាមួយនឹងការប្តេជ្ញាយ៉ាងមុតមាំ ចំពោះគោលដៅចម្បង ៣ គឺសន្សំសំចៃទឹកក្នុងផលិតកម្ម ធ្វើប្រព្រឹត្តកម្មចម្រោះទឹកសំណល់មុននឹងបង្ហូរបញ្ចេញទៅស្ទឹងបឹងបួរ និងប្រគល់ត្រឡប់ទៅឲ្យសហគមន៍វិញ នូវតំណក់ទឹកស្អាតមានសុវត្ថិភាព អាចពិសាបានភ្លាមៗ ដែលស្មើនឹងចំនួនតំណក់ទឹក ដែលយើងបានប្រើប្រាស់ក្នុងការផលិតផលិតផលភេសជ្ជៈរបស់យើង»។
លោក ជួប ប៉ារីស៍ អគ្គនាយកចំណេះដឹង និងព័ត៌មានបរិស្ថាន បានថ្លែងអំណរគុណដល់ក្រុមហ៊ុនភេសជ្ជៈកម្ពុជាកូកា-កូឡា ដែលតែងតែសហការឧបត្តម្ភ និងចូលរួមជាមួយក្រសួងបរិស្ថាន ក្នុងកិច្ចគាំពារបរិស្ថាន ការគ្រប់គ្រងធនធានធម្មជាតិ និងការរស់នៅដោយចីរភាព នៅកម្ពុជា។ លោក ជួប ប៉ារីស៍ ក៏បានកោតសរសើរ លោកស្រីនាយិកា និងគណៈគ្រប់គ្រងវិទ្យាល័យ ដែលមានគំនិតគិតគូរដល់សុខុមាលភាពសិស្ស និងបរិស្ថាន តាមការជ្រើសរើសយកប៉ម និងធុងចម្រោះទឹក ដាក់នៅក្នុងបរិវេណសាលារៀន។ ទន្ទឹមនឹងនេះ លោក ជួប ប៉ារីស៍ ក៏បានផ្តាំផ្ញើដល់សិស្សានុសិស្សទាំងអស់ ឲ្យខិតខំប្រឹងរៀនសូត្រឱ្យបានពូកែ ដើម្បីក្លាយជាធនធានមនុស្សដ៏មានគុណភាព សម្រាប់ចូលរួមក្នុងកិច្ចការអភិឌ្ឍប្រទេសកម្ពុជាកាន់តែរីកចម្រើនទៅមុខទៀត និងពិសេស សូមឱ្យប្អូនៗចូលរួមថែរក្សាអនាម័យបរិស្ថានតាមរយៈការប្រើប្រាស់ដបទឹកប្រើប្រាស់ឡើងវិញ ទុកដាក់សំរាមឱ្យបានត្រឹមត្រូវផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com