អត្ថបទពាណិជ្ជកម្ម
តំណាងទឹកក្រូចអាយស៍ IZE ថាស្ពតពាណិជ្ជកម្មថ្មី បង្ហាញគន្លឹះធ្វើឲ្យការជួបជុំគ្រួសារ ថ្ងៃចូលឆ្នាំថ្មីកាន់តែសប្បាយរីករាយ
× សម្រាប់រដូវកាលចូលឆ្នាំថ្មីប្រពៃណីជាតិខ្មែរ ក្រុមហ៊ុន ផលិតទឹកក្រូចអាយស៍ (IZE) បានផលិតវីដេអូពាណិជ្ជកម្មដ៏ថ្មីសន្លាងមួយ ដើម្បីអបអរសាទរពិធីបុណ្យដ៏គគ្រឹកគគ្រេងនេះ ដែលនៅក្នុងវីដេអូនោះ បានរំលេចអំពីទិដ្ឋភាព នៃការជួបជុំសាច់ញាតិ មិត្តភក្តិ ក្រុមគ្រួសារ និងសហគមន៍យ៉ាងសប្បាយរីករាយ ដោយមានការពិសាទឹកក្រូចអាយស៍កូឡា រាល់គ្រប់សកម្មភាពផងដែរ។
លោកស្រី គង់ កុសល នាយិកាទីផ្សារក្រុមហ៊ុនផលិតទឹកក្រូចអាយស៍ បានឱ្យដឹងថា៖«វីដេអូពាណិជ្ជកម្មប្រមាណ៣០វិនាទី ដែលមានការចូលរួមសម្តែងពីក្រុម SMALLWORLD SMALLBANDនេះ មានគោលបំណងលើកទឹកចិត្ត ដល់ការជួបជុំមនុស្សជាទីស្រលាញ់ លេងល្បែងកម្សាន្ត និងពិសាអាហាររួមគ្នា យ៉ាងមានឱជារសជាមួយទឹកក្រូចអាយស៍កូឡា ដែលប្រជាជនខ្មែរនិយមពិសាផងដែរ»។
លោកស្រីបានបន្ថែមថា៖ «រាល់ការជួបជុំទាំងអស់ ប្រាកដជាកាន់តែរំភើប ប្រសិនបើអ្នកទាំងអស់គ្នា មានភេសជ្ជៈដែលឆ្ងាញ់នៅក្នុងដៃ។ តួយ៉ាងដូចជាដេអូពាណិជ្ជកម្ម របស់ទឹកក្រូចអាយស៍បានបង្ហាញ គឺពិតជាធ្វើឱ្យការជួបជុំរបស់អ្នកទាំងអស់គ្នាសប្បាយ ជាមួយក្រុមចម្រៀងដ៏ល្បី ដែលបានជ្រើសរើសពិសាទឹកក្រូចអាយស៍ នៅថ្ងៃបុណ្យចូលឆ្នាំខ្មែរយើង»។
លោកស្រី ក៏សូមជូនពរប្រជាពលរដ្ឋកម្ពុជាទាំងអស់ សូមរីករាយ និងទទួលសិរីសួស្ដីឆ្នាំថ្មី ឆ្នាំជូត រកទទួលទានមានបាន និងសូមក្រើនរម្លឹក ដល់ប្រជាជនកម្ពុជាទាំងអស់ សូមមានការប្រុងប្រយ័ត្ន រក្សាអនាម័យឱ្យបានខ្ជាប់ខ្ជួន ដើម្បីទទួលបានសុខភាពល្អ ជៀសឆ្ងាយពីជំងឺឈឺថ្កាត់នានាផងដែរ។
ទស្សនាស្ពតពាណិជ្ជកម្មទឹកក្រូចអាយស៍៖
© រក្សាសិទ្ធិដោយ thmeythmey.com