អត្ថបទពាណិជ្ជកម្ម
ស្រាបៀរកម្ពុជា និងភេសជ្ជៈប៉ូវកម្លាំងវើក WURKZ ប្រកាសផ្អាកការប្រគំតន្ត្រី និងសកម្មភាពកម្សាន្តនានា ដើម្បីចូលរួមទប់ស្កាត់ការឆ្លងជំងឺកូវីដ-១៩
× ភ្នំពេញ៖ លោកស្រី គង់ កុសល នាយិកាទីផ្សារក្រុមហ៊ុន ខ្មែរ ប៊ែវើរីជីស បានប្រកាសផ្អាកការប្រគំតន្ត្រីទេសចរណ៍ Cambodia Brew the Beat និង WURKZ City Concert ទូទាំងប្រទេស ព្រមទាំងសកម្មភាពប្រមូលផ្តុំការកម្សាន្តផ្សេងៗឯទៀត បន្ទាប់ពីវិបត្តិជំងឺកូវីដ-១៩ កំពុងកើតមានទាំងក្នុងប្រទេសកម្ពុជា និងស្ទើរតែគ្រប់ប្រទេសនៅទូទាំងសាកលលោក។
លោកស្រីបានមានប្រសាសន៍ថា ការផ្អាកសកម្មភាពប្រមូលផ្តុំការកម្សាន្តទាំងអស់នេះ គឺធ្វើឡើងដើម្បីទប់ស្កាត់ការឆ្លងរាលដាលជំងឺ កូវីដ-១៩ ពីមនុស្សម្នាក់ទៅមនុស្សម្នាក់ ដែលអាចធ្វើឲ្យស្ថានភាពកាន់តែធ្ងន់ធ្ងរ។
លោកស្រីបន្តទៀតថា៖ «ដើម្បីសុវត្ថិភាពផ្ទាល់ខ្លួន គ្រួសារ និងសង្គមយើងទាំងមូល នាងខ្ញុំសូមលើកទឹកចិត្តដល់ពលរដ្ឋកម្ពុជា ទាំងអស់ ឱ្យចូលរួមរក្សាអនាម័យខ្លួនឱ្យបានខ្ជាប់ខ្ជួន និងចៀសវាងការដើរហើរចេញទៅក្រៅ បើមិនចាំបាច់»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com