COVID-19
អន្តរជាតិ
ប្រធានសហព័ន្ធកីឡាបាល់ទាត់ជប៉ុន លោក Kozo Tashima តេស្តវិជ្ជមាន COVID-19 លោក Kozo Tashima ប្រធានសហព័ន្ធកីឡាបាល់ទាត់ជប៉ុន (JFA) និងជាអនុប្រធានគណៈកម្មការអូឡាំពិកជប៉ុន។ រូបថត AFP
× លោក Kozo Tashima ប្រធានសហព័ន្ធកីឡាបាល់ទាត់ជប៉ុន (JFA) និងជាអនុប្រធានគណៈកម្មការអូឡាំពិកជប៉ុន មានលទ្ធផលតេស្តវិជ្ជមាន COVID-19។ នេះបើតាមការអះអាងរបស់ JFA ហើយត្រូវបានដកស្រង់ដោយទីភ្នាក់ងារព័ត៌មានក្យូតូ។
លោក Tashima ដែលបានជាប់ឆ្នោតឡើងវិញក្នុងក្រុមប្រឹក្សាសហព័ន្ធកីឡាបាល់ទាត់អន្តរជាតិ (FIFA) កាលពីខែមេសា ឆ្នាំមុនផងដែរនោះ បានអាការៈមិនស្រួលកាលពីថ្ងៃអង្គារ ហើយចេញរោគសញ្ញានៅថ្ងៃសៅរ៍។
បើតាមក្យូតូ មេបាល់ទាត់ជប៉ុនវ័យ៦២ឆ្នាំរូបនេះ បានធ្វើដំណើរទៅកាន់អង់គ្លេស ហូឡង់ និងសហរដ្ឋអាមេរិក ពីចុងខែកុម្ភៈ ដល់ដើមខែមីនា។ ចុងក្រោយលោកបានមើលការប្រកួតអន្តរជាតិមួយចំនួន ក៏ដូចជាការចូលរួមជំនួបដេញថ្លៃ Women World Cup ឆ្នាំ២០២៣៕
© រក្សាសិទ្ធិដោយ thmeythmey.com