COVID-19
ជាតិ
សង្គមជាតិ
×![]()
ដោយ: ថ្មីៗ
អ្នកស្រីវេជ្ជបណ្ឌិត ឱ វណ្ឌឌីន អ្នកនាំពាក្យក្រសួងសុខាភិបាល មានប្រសាសន៍ថា អ្នកដែលឆ្លងកូវីដ-១៩ នៅកម្ពុជា អាចនឹងចម្លងដល់គ្រួសាររបស់ពួកគេមុនគេ។ តែអ្នកស្រី បញ្ជាក់ថា រហូតមកដល់ពេលនេះ នៅមិនទាន់រកឃើញសមាជិកគ្រួសារណាម្នាក់របស់ពួកគេ បានឆ្លងកូវីដ-១៩ឡើយ។ 
អ្នកស្រីវេជ្ជបណ្ឌិត ថ្លែងក្នុងសន្និសីទកាសែត នៅទីស្តីការគណៈរដ្ឋមន្ត្រី នាព្រឹកថ្ងៃទី១៨ ខែមីនា ឆ្នាំ២០២០ ថា៖«អ្វីដែលជាការគិតគូររបស់អ្នកស្រាវជ្រាវ អ្នកបច្ចេកទេស ក្រុមការងាររបស់យើង រួមទាំងជាមួយអង្គការសុខភាពពិភពលោក យើងគិតហើយថា នឹងអាចមានការចម្លងពីបុគ្គលហ្នឹង ទៅដល់ក្រុមគ្រួសាររបស់គាត់ជាបឋម»។
យ៉ាងណា អ្នកស្រី អះអាងថា ភាគច្រើននៃគ្រួសាររបស់អ្នកមានកូវីដ-១៩ទាំងនោះ បានឆ្លងកាត់ការធ្វើតេស្តរួចហើយ ដោយមានលទ្ធផលអវិជ្ជមាន។
សំឡេង៖
គិតត្រឹមថ្ងៃទី១៨ ខែមីនា កម្ពុជា រកឃើញមនុស្ស៣៥នាក់ហើយ ដែលឆ្លងកូវីដ-១៩ ដោយក្នុងនោះ មានបុរសខ្មែរ-អ៊ិស្លាម១៧នាក់ និងបុរសខ្មែរ២នាក់។ ចំពោះបុរសខ្មែរ-អ៊ិស្លាមទាំង១៧នាក់ គឺពួកគេ បានឆ្លងកូវីដ-១៩ ក្រោយវិលត្រឡប់ពីការចូលរួមពិធីបុណ្យនៅម៉ាឡេស៊ី។ ខ្មែរ-អ៊ិស្លាម ដែលទៅចូលរូមពិធិសាសនានៅមាឡេស៊ី សរុបមានជិត៨០នាក់។
ក្នុងចំណោមអ្នកឆ្លងកូវីដ-១៩ ទាំង៣៥នាក់នោះ ក៏មានបុរសជនជាតិបារាំងម្នាក់ដែរ។ កូនរបស់គាត់ ដែលទើបនឹងមានអាយុ៤ខែ ត្រូវបានរកឃើញថា បានឆ្លងកូវីដ-១៩ពីគាត់៕
Tag:
ឱ វណ្ឌឌីន
COVID-19
© រក្សាសិទ្ធិដោយ thmeythmey.com
