វីដេអូ
អត្ថបទពាណិជ្ជកម្ម
ក្បាច់ហូល៧០ភាគរយ នៅហាង«អម្ពររាជនី-កាត់ដេរ»ច្នៃខ្លួនឯង ដើម្បីរក្សាទម្រង់ខ្មែរ និងផ្ដល់ភាពពិសេសដល់អតិថិជន
× ភ្នំពេញ៖ «អម្ពររាជនី-កាត់ដេរ» ជាហាងកាត់ដេរសម្លៀកបំពាក់បុរាណ និងសម័យ ដែលមានស្នាដៃល្អប្រណីត ដែលបើកដំណើរការជាង២០ឆ្នាំមកហើយ។ ក្បាច់ហូល ត្រូវបានច្នៃប្រឌិត និងស្រាវជ្រាវ ដោយរក្សាទម្រង់ក្បាច់ខ្មែរបុរាណ ដើម្បីផ្ដល់ជាសោភ័ណភាពដ៏ស្រស់ជូនដល់អតិថិជនដែលស្រឡាញ់នូវក្បាច់ហូលខ្មែរ។ លោកស្រី ង៉ែត សុវណ្ណថន ម្ចាស់ហាង អម្ពររាជនីកាត់ដេរ បានប្រាប់ឲ្យដឹងថា ក្បាច់ហូល នៅហាងរបស់គាត់ ប្រមាណ៧០ភាគរយ គឺច្នៃបង្កើតដោយខ្លួនឯង។ អ្នកស្រី ពន្យល់ថា ការធ្វើដូច្នេះ គឺដើម្បីផ្ដល់ជូនភាពពិសេសសម្រាប់អតិថិជន ដែលអាចស្លៀកសម្លៀកបំពាក់ដែលមានម៉ូដខុសពី ហូលដែលមានលក់នៅលើទីផ្សារ»។
សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey.com ជាមួយលោកស្រី ង៉ែត សុវណ្ណថន ម្ចាស់ហាង «អម្ពររាជនី-កាត់ដេរ» ដូចតទៅ៖
«ចង់ផ្ដល់លក្ខណៈពិសេសដល់អតិថិជន» ទើបលោកស្រី ង៉ែត សុវណ្ណថន ម្ចាស់ហាង «អម្ពររាជនី-កាត់ដេរ» ខិតខំស្រាវជ្រាវបង្កើតក្បាច់ហូលដោយខ្លួនឯង និងដើម្បីថែរក្សាទម្រង់ខ្មែរ។ បើតាមលោកស្រី ង៉ែត សុវណ្ណថន ហូលទាំងនេះជាផលិតផលខ្មែរ ដែលត្បាញដោយស្ត្រីៗនៅស្រុកព្រៃកប្បាស ខេត្តតាកែវ។
ម្ចាស់ហាងវ័យ៣៦ឆ្នាំរូបនេះ បញ្ជាក់ថា៖«ហូលដែលមានលក់នៅក្នុងហាង «អម្ពររាជនី-កាត់ដេរ»នេះ ចែកចេញជាបួនផ្នែក ដោយផ្នែកទី១ ជាហូលប្រេនប្រចាំហាង, ផ្នែកទី២ ជាក្រុមត្បាញហូលសម្រាប់លក់នៅលើទីផ្សារ, ផ្នែកទី៣ ជាក្រុមត្បាញហូលទាន់សម័យ និងផ្នែកទី៤ ជាក្រុមត្បាញហូលក្បាច់បុរាណខ្មែរដើម»។
ហាង «អម្ពររាជនី-កាត់ដេរ» មានទីតាំងស្ថិតនៅលើផ្លូវ ៥៨P ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។ អតិថិជនដែលចង់កាត់សម្លៀកបំពាក់ ឬជាវហូលដែលមានក្បូរក្បាច់ខ្មែរយ៉ាងស្រស់ស្អាត ខុសប្លែកពីគេ អាចទំនាក់ទំនងមកកាន់លេខទូរសព្ទ ០១២ ៣០ ២៩ ៦៩៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com