លីគកំពូលកម្ពុជា និងពានសម្តេច ហ៊ុន សែន ត្រូវបានផ្អាកដោយសារ COVID-19

COVID-19

កីឡាជាតិ

ជាតិ

លីគកំពូលកម្ពុជា និងពានសម្តេច ហ៊ុន សែន ត្រូវបានផ្អាកដោយសារ COVID-19

19, Mar 2020 , 3:33 pm

រូបភាព

ដោយ:

សហព័ន្ធកីឡាបាល់ទាត់កម្ពុជាសម្រេចផ្អាកការប្រកួតពានរង្វាន់លីគកំពូល និងពានសម្តេច ហ៊ុន សែន ប្រចាំឆ្នាំ២០២០ បណ្តោះអាសន្នដោយសារបារម្ភការរីករាលដាលនៃមេរោគកូរ៉ូណាប្រភេទថ្មី COVID-19។ សហព័ន្ធមិនកំណត់ពីពេលវេលាផ្អាកនោះទេ គ្រាន់តែបញ្ជាក់ថា នឹងជួនដំណឹងពីកាលបរិច្ឆេទថ្មីនៅថ្ងៃក្រោយ។ នេះបើតាមសេចក្តីប្រកាសព័ត៌មានរបស់សហព័ន្ធ ដែលចេញផ្សាយនៅថ្ងៃទី១៩ ខែមីនា ឆ្នាំ២០២០។

សេចក្តីប្រកាសព័ត៌មានដដែលបន្តថា ការផ្អាកនេះ គឺដើម្បីចូលរួមបង្ការ និងទប់ស្កាត់ការរីករាលដាលនៃ COVID-19 ដែលកំពុងកើនឡើងនៃចំនួនអ្នកឆ្លងនៅទូទាំងពិភពលោក។ ការសម្រេចរបស់ សហព័ន្ធ ធ្វើឡើងក្រោយក្រសួងសុខាភិបាលកម្ពុជាប្រកាសរកឃើញអ្នកឆ្លងជំងឺផ្លូវដង្ហើមប្រភេទថ្មី COVID-19 ជាបន្តបន្ទាប់ទាំងលើជនជាតិខ្មែរ និងបរទេស។

គិតត្រឹមរសៀលថ្ងៃទី១៩ មីនា ឆ្នាំ២០២០ កម្ពុជារកឃើញអ្នកឆ្លងជំងឺរលាកផ្លូវដង្ហើមបង្កឡើងដោយ COVID-19 សរុបចំនួន៣៧ករណី។ ក្នុងចំណោមករណីទាំងអស់ ភាគច្រើនជាករណីនាំចូល លើកលែងតែបុរសវ័យ៣៨ឆ្នាំនៅខេត្តសៀមរាប ដែលឆ្លងពីជនជាតិជប៉ុន៕