COVID-19
អន្តរជាតិ
ទោះជាប់ចិន តែឡាវ មីយ៉ាន់ម៉ា កូរ៉េខាងជើង តាហ្ស៊ីគីស្ថាន មិនទាន់ឃើញអ្នកឆ្លង COVID-19 ឡើយ ស្ត្រីម្នាក់ពាក់ម៉ាស់ ដើរមុខផ្ទាំងផ្សព្វផ្សាយភាពយន្ត Disney រឿងវីរនារី Mulan នៅក្រុងវៀងចន្ទន៍ ប្រទេសឡាវ។ រូបថត AFP
× ចាប់តាំងពីរកឃើញនៅក្រុងវូហាន ប្រទេសចិន នាចុងខែធ្នូ ឆ្នាំ២០១៩កន្លងមក ជំងឺរលាកសួតដែលបង្កដោយកូរ៉ូណា (COVID-19) បានរីកសាយភាយទៅប្រទេសមួយចំនួននៅជុំវិញប្រទេសចិន និងប្រទេសជាច្រើនជុំវិញពិភពលោក។ ប៉ុន្តែក្នុងករណីនេះ សារព័ត៌មានថ្មីៗ នឹងលើកយកតែប្រទេសមួយចំនួន ដែលមានព្រំដែនជាប់ប្រទេសចិន និងមិនរបាយការណ៍រកឃើញ COVID-19 នៅក្នុងប្រទេសតែប៉ុណ្ណោះ។
ជាប្រទេសធំលំដាប់ទី៤ និងមានប្រជាជនប្រមាណ ១,៤ពាន់លាននាក់ ចិនមានព្រំដែនគោកជាប់ជាមួយប្រទេសចំនួន ១៤។ ក្នុងនោះមានដូចជា កូរ៉េខាងជើង រុស្ស៊ី ម៉ុងហ្គោលី កាហ្សាក់ស្ថាន កៀហ្ស៊ីស៊ីស្ថាន តាហ្ស៊ីគីស្ថាន ឡាវ ឥណ្ឌា ប៊ូតង់ មីយ៉ាន់ម៉ា នេប៉ាល់ ប៉ាគីស្ថាន វៀតណាម និងអាហ្វហ្គានីស្ថាន។
ក្នុងចំណោមប្រទេសខាងលើនេះ មានតែប្រទេស៤ប៉ុណ្ណោះ ដែលមិនទាន់មានរបាយការណ៍រកឃើញ COVID-19 នៅក្នុងប្រទេស។ ក្នុងនោះមានដូចជា កូរ៉េខាងជើង តាហ្ស៊ីគីស្ថាន ឡាវ និងមីយ៉ាន់ម៉ា។ ទោះបីជាយ៉ាងណាក៏ដោយ ប្រទេសទាំងនោះ បានដាក់មនុស្សក្រោមវិធានចត្តាឡីស័កជាបន្តបន្ទាប់។
ចំណែកប្រទេស៨ ផ្សេងពីនេះ សុទ្ធតែមានរបាយការណ៍រកឃើញ COVID-19។ ផ្អែកតាមតួលេខរបស់វែបសាយWorldometer ប្រទេសទាំង៨នោះ មានដូចជា ប៉ាគីស្ថានមានករណីCOVID-19 សរុប ៣០៧ករណី, ឥណ្ឌាមាន ១៧០ករណី, រុស្ស៊ីមាន ១៤៧ករណី, វៀតណាមមាន ៧៦ករណី, កាហ្សាក់ស្ថានមាន ៣៧ករណី, អាហ្វហ្គានីស្ថានមាន ២២ករណី, ម៉ុងហ្គោលីមាន ៤ករណី, កៀហ្ស៊ីស៊ីស្ថានមាន ៣ករណី, ប៊ូតង់មាន ១ករណី និងនេប៉ាល់មាន ១ករណី៕
© រក្សាសិទ្ធិដោយ thmeythmey.com