អភិបាលភ្នំពេញស្នើម្ចាស់អគារ មេចុងភៅ...កុំកាត់ប្រាក់កក់ពីអ្នកដែលសុំពន្យារពេលកម្មវិធី

COVID-19

ជាតិ

អភិបាលភ្នំពេញស្នើម្ចាស់អគារ មេចុងភៅ...កុំកាត់ប្រាក់កក់ពីអ្នកដែលសុំពន្យារពេលកម្មវិធី

19, Mar 2020 , 5:59 pm

រូបភាព

លោក ឃួង ស្រេង អភិបាលរាជធានីភ្នំពេញ

ដោយ:

ភ្នំពេញ៖ លោក ឃួង ស្រេង អភិបាលរាជធានីភ្នំពេញ បានអំពាវនាវដល់មេចុងភៅ ម្ចាស់អគារ ភោជនីយដ្ឋាន មជ្ឈមណ្ឌលដែលត្រៀមនឹងរៀបចំកម្មវិធីអាពាហ៍ពិពាហ៍ កម្មវីធីបុណ្យ និងកម្មវិធីផ្សេងៗទៀត កុំកាត់លុយថ្លៃកក់ពីម្ចាស់ដែលគ្រោងនឹងរៀបចំកម្មវីធីនៅខែនេះ ហើយពន្យារពេលទៅរៀបចំកម្មវីធីនៅពេលក្រោយ ដោយសារទប់ស្កាត់កូវីដ១៩។

លោក ឃួង ស្រេង អភិបាលរាជធានីភ្នំពេញ ដែលចេញមុខតំណាងឲ្យម្ចាស់ដែលគ្រោងនឹងរៀបចំកម្មវីធីអាពាហ៍ពិពាហ៍ និងកម្មវិធីផ្សេងៗ សូមស្នើឲ្យម្ចាស់កន្លែងដែលត្រៀមនឹងរៀបចំកម្មវិធីផ្សេងៗនៅខែមីនានេះ កុំយកលេសទាមទារសំណងពីការខាតបង់ពីម្ចាស់កម្មវិធីដែលកក់ប្រាក់ និងចៀសវាងការយកឱកាសនេះ ឌើម្បីកេងចំណេញពីពលរដ្ឋដែលសម្រេចផ្អាក និងទប់ស្កាត់កូវីដ-១៩ ដែលកំពុងតែរាលដាលដល់ប្រទេសកម្ពុជា និងបណ្តាប្រទេសដទៃទៀត។

តាមរយៈសេចក្តីអំពាវនាវរបស់រដ្ឋបាលរាជធានីភ្នំពេញដែលមាន លោក ឃួង ស្រេង ចុះហត្ថលេខា លោកនិយាយដូច្នេះថា៖«ខ្ញុំសង្ឈឹមទុកជាមុនថា ម្ចាស់ដែលរៀបចំកម្មវិធីទាំងអស់ នឹងចូលរួមអនុវត្តតាមខ្លឹមសារនៃសេចក្តីអំពាវនាវនេះ ដោយស្មារតីយោគយល់អធ្យាស្រ័យខ្ពស់ និងឈរលើស្មារតីសាមគ្គីជាតិជាធ្លុងមួយ ជាក់ជាមិនខាន»។

គិតត្រឹមថ្ងៃទី១៩ ខែមីនានេះ កម្ពុជាមាន៣៧ករណីហើយដែលផ្ទុកកូវីដ១៩ ក្នុងនោះមានខ្មែរ២៤នាក់ អង់គ្លេស៣នាក់ កាណាដា១នាក់ ប៊ែលហ្ស៊ិក១នាក់ បារាំង២នាក់(ក្នុងនោះមានទារកម្នាក់) ម៉ាឡេស៊ី៥នាក់ និងចិន១នាក់(ជាសះស្បើយ)៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

4 ថ្ងៃ

អត្ថបទពេញនិយមបន្ថែម