ONE Championship
កីឡាអន្តរជាតិ
អន្តរជាតិ
×![]()
ដោយ៖ ស៊ីធី
មានក្បាច់ជាច្រើនប្រើក្នុងក្បាច់គុនជឺជិតស៊ូ ឬគេស្គាល់ថាក្បាច់គុនមកពីប្រទេសប្រេស៊ីល ប៉ុន្តែពេលនេះសូមលើកបង្ហាញមូលដ្ឋានគ្រឹះនៃការធ្វើចលនាមួយចំនួន។ ការធ្វើចលនាពិតជាសំខាន់ណាស់ទាំងការពារ និង ប្រយុទ្ធក្នុងក្បាច់គុនជឺជិតស៊ូ។ នេះជាមូលដ្ឋានគ្រឹះធ្វើចលនាចំនួន៥ពីក្បាច់ ជឺជិតស៊ូដែលអ្នកត្រូវដឹង។ ចលនានេះអាចធ្វើឲ្យអ្នកចាប់ផ្ដើមពីកម្រិតខ្សែក្រវាត់សឡើងទៅខ្សែក្រវាត់ខ្មៅ។
#1 Shrimping (ក្បាច់ទម្រេតលើក្តារររេញ)
Shrimping ជាចលនាក្បាច់មួយដ៏សំខាន់បំផុត និងជាក្បាច់គ្រឹះមុនឈានដល់កម្រិតខ្ពស់បំផុតក្នុងពិភពគុនជឺជិតស៊ូ។ Shrimping គឺត្រូវទម្រេតខ្លួនរបស់អ្នកទៅក្ដាររេញនិងធ្វើឲ្យរាងកាយនិងត្រគាករបស់អ្នកចេញរាងដូចអក្សរ V។ ពេល shrimping នៅលើក្ដាររេញបែបនេះ គូប្រជែងរបស់អ្នកមិនអាចបង្កហានិភ័យឲ្យអ្នកខ្ទប់ក្បែររេញនោះឡើយ។ ក្បាច់នេះធ្វើចលនាត្រគាក និងទប់ក្បាច់ដៃកុំឲ្យគូបដិបក្ខអាចវ៉ៃបាន។ តិកនិកនេះអាចការពារខ្លួន កុំឲ្យគេគ្រប់គ្រងដាក់បន្ទុកមកលើអ្នក និង បង្កើតចន្លោះប្រហោងដើម្បីបញ្ចប់គូប្រជែងទៀតផង។ ក្នុងវីដេអូនេះ Garry “The Lion Killer” Tonon បានប្រើ shrimping ដើម្បីការពារខ្លួនពីក្បាច់របស់ Shinya “Tobikan Judan” Aoki’s មុនពេលរូបគេប្រើក្បាច់កែងជើងគាបកីឡាករជប៉ុនឲ្យចុះចាញ់។
#2 Bridging (ការរើខ្លួនដោយប្រើកម្លាំងខ្លាំង)
Bridging គឺជាការធ្វើចលនាមួយផ្សេងទៀត ដែលរើបម្រាស់ខ្លាំងចេញពីការគាបសង្កត់របស់គូប្រកួតពេលឃុំគ្រងក្នុងទីតាំងផ្សេងគ្នា។ បើគូប្រជែងសង្កត់ គឺអាចរើមួយទំហឹងឲ្យរួចខ្លួន។ Bridging គឺរើពីការគាបសង្កត់នៅពីលើ ហើយអាចប្រើក្បាច់ប្រយុទ្ធឡើងវិញ។ ក្នុងវីដេអូខាងលើ គេបានឃើញ Kevin “The Silencer” Belingon រើមួយទំហឹងពេលនៅក្រោម Bibiano “The Flash” Fernandes ហើយគេចផុតពីក្រញាំរបស់ Fernandes និងបន្តការប្រកួតឡើងវិញ។
#3 Stand-Up (ប្រកួតក្នុងជំហរឈរ)
បច្ចេកទេសប្រកួតឈរ (stand-up) ត្រូវបានគេទទួលស្គាល់ថា “get-up”។ វាគឺជាបច្ចេកទេសធ្វើចលនាក្នុងក្បាច់ជីជិតស៊ូ ដែលអាចផ្លាស់ពីប្រកួតដេកមកក្នុងជំហរវិញតាមរយៈជើង និង ធ្វើឲ្យមានសុវត្ថិភាព។ ធ្វើបែបនេះ អ្នកត្រូវប្រើដៃ និង ប្រឹងកម្លាំងជើងឈរឡើងទាំងពីរដើម្បីគេចផុតពីការនៅពីក្រោមគេ។ ដៃ និង ជើងត្រូវស្ថិតក្នុងចម្ងាយមួយដែលការពារពីគូប្រជែង។ វីដេអូខាងលើបង្ហាញពេល Pieter “The Archangel” Buist ប្រើបច្ចេកទេសឈរ stand-up ដើម្បីមានជំហរប្រយុទ្ធនឹង Antonio “The Spartan” Caruso។
#4 + #5 ការរំកិលខ្លួនទៅមុខនិងទៅក្រោយ (Forward And Backward Rolls)
ខុសអំពីការហ្វឹកហាត់បន្តិច ប៉ុន្តែការរំកិលខ្លួនដើម្បីប្រយុទ្ធ និង រំកិលថយក្រោយ ដែលស្ថិតនៅចំណុច ៤ និង ៥ គឺជាធាតុសំខាន់ក្នុងការប្រកួតជឺជិតស៊ូ។ ពេលប្រើបច្ចេកទេសរំកិលខ្លួនឲ្យបានត្រឹមត្រូវនឹងជះឥទ្ធិពលល្អដល់ការប្រកួត និងធ្វើឲ្យមានសុវត្ថិភាព ឬ អាចផ្លាស់ប្ដូរក្បាច់បាន។ ប៉ុន្តែវាក៏មានក្បាច់ទប់ទល់និងការពារខ្លួនផងដែរ។ គន្លឹះសំខាន់ត្រូវទប់ក្បាលឲ្យនឹង និងធ្វើចលនាលើស្មា ប្រសើរជាងរំកិលចលនាដោយប្រើក។ ធ្វើបែបនេះ អ្នកអាចចៀសផុតពីជំហរមិនល្អ ការពារខ្លួនបាន ឬ អាចធ្វើចលនាដើម្បីវាយយកឈ្នះគូប្រកួតបាន។
វីដេអូខាងលើនេះបង្ហាញថា Bokang “Little Giant” Masunyane ប្រើស្មារបស់គេដើម្បីរំកិល រួមទាំងគេចវេះពីការប៉ុនប៉ងរបស់ Ryuto “Dragon Boy” Sawada។ វាជាមូលដ្ឋានមួយដ៏សំខាន់ក្នុងក្បាច់ ជឺជិតស៊ូ ក្នុងគោលដៅទៅបំបាក់ដៃគូ៕
© រក្សាសិទ្ធិដោយ thmeythmey.com
