អត្ថបទពាណិជ្ជកម្ម
ក្រុមហ៊ុន Smart Axiata ចូលរួមលើកទឹកចិត្តដល់ការស្ថិតនៅឆ្ងាយពីគ្នា ដើម្បីរក្សាសុវត្ថិភាពជាមួយនឹងការផ្តល់ជូនទិន្នន័យដោយឥតគិតថ្លៃបន្ថែមទៀត
×![]()
ដោយ: ថ្មីៗ
ណែនាំឲ្យអតិថិជនទាំងអស់ប្រើជម្រើសសេវាបម្រើផ្ទាល់ខ្លួន និងកម្មវិធីឌីជីថលច្រើនឡើង
ភ្នំពេញ ថ្ងៃទី២២ ខែមីនា ឆ្នាំ២០២០៖ ដោយសារតែការរាតត្បាតនៃជំងឺកូវីដ១៩ នាពេលថ្មីៗនេះប្រជាជនកម្ពុជាជាច្រើន កំពុងរក្សាការនៅតែក្នុងផ្ទះ និងដាក់កម្រិតរាល់សកម្មភាបសង្គមផ្សេងៗស្របទៅតាមការណែនាំរបស់រដ្ឋាភិបាល និងអង្គការសុខភាពពិភពលោក (WHO)។ ស្របពេលដែលអង្គភាពជាច្រើនចាប់ផ្តើម អនុវត្តគោលការណ៍ធ្វើការនៅផ្ទះ ហើយស្ថាប័នអប់រំនានា ចាប់ផ្តើមផ្តល់ការសិក្សាតាមអនឡាន ក្រុមហ៊ុន Smart Axiata (ស្មាត អាស្យាតា) កំពុងតែដើរតួនាទីដ៏សកម្មមួយក្នុងការលើកទឹកចិត្តចំពោះការស្ថិតនៅឆ្ងាយពីគ្នា ដើម្បីរក្សាសុវត្ថិភាព និងគាំទ្រអតិថិជនទាំងអស់ ដែលត្រូវការរក្សាការភ្ជាប់ជាមួយនឹងបណ្តាញអ៊ីនធឺណិតតាមទូរស័ព្ទ ឲ្យបានកាន់តែយូរ ដោយកាត់បន្ថយការរំខានរបស់សេវាកម្មឲ្យបានទាបបំផុត និងផ្តល់ភាពងាយស្រួលជាពិសេសក្នុងដំណាក់កាលដ៏លំបាកមួយនេះ។
លោក Thomas Hundt (ថូម៉ាស ហ៊ុន) នាយកប្រតិបត្តិក្រុមហ៊ុន Smart Axiata មានប្រសាសន៍ថា៖ «មនុស្សជាច្រើន កំពុងតែខិតខំព្យាយាមដោះស្រាយ ជាមួយនឹងវិបត្តិជាសកលនៃជំងឺកូវីដ១៩ ដែលមិនធ្លាប់មានពីមុនមកនេះ។ ក្នុងនាមជាក្រុមហ៊ុនទូរគមនាគមន៍ ដែលមានការទទួលខុសត្រូវមួយ យើងយល់យ៉ាងច្បាស់ពីតម្រូវការរបស់អតិថិជនយើង ក្នុងការរក្សាការភ្ជាប់ទំនាក់ទំនង ហើយយើងបានត្រៀមខ្លួនជាពិសេស លើការងាររបស់យើង ដើម្បីឆ្លើយតបទៅនឹងតម្រូវការកើនឡើងដ៏ខ្ពស់នេះ ក៏ដូចជាការផ្លាស់ប្តូរឥរិយាបថនៃការប្រើប្រាស់។ ក្នុងដំណាក់កាលនេះ យើងទទួលស្គាល់ថា ប្រជាពលរដ្ឋកម្ពុជាកាន់តែច្រើន កំពុងតែចាប់ផ្តើមធ្វើឲ្យខ្លួនឯងឲ្យឃ្លាតឆ្ងាយពីគ្នា និងរក្សាការនៅតែក្នុងផ្ទះ ដើម្បីរក្សាសុវត្ថិភាព។ ហេតុនេះ យើងបានសម្រេចចិត្តក្នុងការផ្តល់ទិន្នន័យអ៊ីនធឺណិតបន្ថែមទៀត ដល់រាល់អតិថិជនរបស់យើងទាំងអស់»។
ចាប់ពីពេលនេះ រហូតដល់ថ្ងៃទី១៩ ខែមេសា ឆ្នាំ២០២០ អតិថិជនរបស់ក្រុមហ៊ុន Smart នឹងទទួលបាន អត្ថប្រយោជន៍ដូចតទៅនេះ៖
• អតិថិជនដែលបង់ប្រាក់ជាមុនរបស់ Smart៖
o ទទួលបានទិន្នន័យដោយឥតគិតថ្លៃ ចំនួន 1GB រាល់ការបញ្ចូលប្រាក់ចាប់ពី ១ដុល្លារ រហូតដល់១,២៤ដុល្លារ (មានសុពលភាព ៣ថ្ងៃ) ។
o ទទួលបានទិន្នន័យដោយឥតគិតថ្លៃចំនួន 2GB រាល់ការបញ្ចូលប្រាក់ចាប់ពី ១,២៥ដុល្លារ រហូតដល់ ៤,៩៩ដុល្លារ (មានសុពលភាព ៧ថ្ងៃ)។
o ទទួលបានទិន្នន័យដោយឥតគិតថ្លៃ ចំនួន 5GB រាល់ការបញ្ចូលប្រាក់ចាប់ពី ៥ដុល្លារ រហូតដល់ ៩,៩៩ដុល្លារ (មានសុពលភាព ១៤ថ្ងៃ)។
o ទទួលបានទិន្នន័យដោយឥតគិតថ្លៃ ចំនួន 10GB រាល់ការបញ្ចូលប្រាក់ចាប់ពី ១០ដុល្លារ ឬច្រើនជាងនេះ (មាន សុពលភាព៣០ថ្ងៃ)។
• អតិថិជន Smart @Home នឹងទទួលបានការប្រើប្រាស់អ៊ីនធឺណិតល្បឿនលឿនបំផុត រហូតដល់ទំហំ 2000GB ។
• អតិថិជន Smart Enterprise នឹងទទួលបានទិន្នន័យបន្ថែមរហូតដល់ 10GB ក្នុង១ខែដោយឥតគិតប្រាក់ នៅខែ មីនា និងមេសា ។
លោក Stjepan Udovicic នាយកផ្នែកទីផ្សារក្រុមហ៊ុន Smart Axiata បានឲ្យដឹងថា៖ «ស្របពេលដែលយើងបន្តស្វែងរកវិធីសាស្ត្រផ្សេងៗ ដើម្បីធ្វើឲ្យជីវិតរស់នៅកាន់តែល្អប្រសើរ អំឡុងពេលដំណាក់កាលដ៏លំបាកនេះ យើងលើកទឹកចិត្តឲ្យអតិថិជនរបស់យើងទាំងអស់ ឲ្យប្រើប្រាស់អ៊ីនធឺណិតតាមទូរស័ព្ទ ប្រកបដោយការទទួលខុសត្រូវ ហេតុនេះ ប្រព័ន្ធបណ្តាញ នឹងត្រូវប្រើប្រាស់ប្រកបដោយប្រសិទ្ធភាព។ យើងក៏ចូលរួមលើកទឹកចិត្តយ៉ាងពេញទំហឹង ដល់អតិថិជនទាំងអស់ផងដែរ ឲ្យប្រើប្រាស់កម្មវីធីឌីជីថលរបស់យើង និងជម្រើសសេវាបម្រើផ្ទាល់ខ្លួន ដូចជាកម្មវិធី SmartNas ការបញ្ចូលប្រាក់តាមប្រព័ន្ធអេឡិចត្រូនិក កម្មវិធីជជែកផ្ទាល់តាមអ៊ីនធឺណិត និងលេខទូរស័ព្ទបម្រើសេវាអតិថិជន (888) ធ្វើជាជម្រើសជាជាង ការបម្រើអតិថិជនផ្ទាល់មុខ»។
ដើម្បីធ្វើឲ្យផលប៉ះពាល់ដោយសារជំងឺកូវីដ១៩ លើប្រតិបត្តិការអាជីវកម្មរបស់ខ្លួនមានកម្រិតទាបបំផុត ក្រុមហ៊ុន Smart បានចាប់ផ្តើមដំណើការ នូវផែនការគ្រប់គ្រងអាជីវកម្មរបស់ខ្លួនទូទាំងក្រុមហ៊ុន ដែលគ្រប់គ្រងលើវិធានការនានានៅ Smart Shop ទូទាំងប្រទេស និងសម្រាប់ឲ្យនិយោជិតទាំងអស់ នៅស្នាក់ការកណ្តាលរបស់ខ្លួន ក៏ដូចជាការិយាល័យផ្សេងទៀត អនុវត្តតាម។ វិធានការទាំងនោះរាប់បញ្ចូលទាំងការត្រួតពិនិត្យកម្តៅក្នុងខ្លួន ដែលតម្រូវដោយច្បាប់ និងការអនាម័យដៃ អនុវត្តវិធានការរសម្អាតកាន់តែល្អប្រសើរជាងមុន តម្រូវឲ្យរាល់បុគ្គលិកជួរមុខទាំងអស់ ដែលជួបជាមួយនឹងអតិថិជនផ្ទាល់ ត្រូវពាក់ម៉ាស ធ្វើការពីផ្ទះប្រសិនបើមិនចាំបាច់ ពន្យារពេលការរៀបចំព្រឹត្តិការណ៍ផ្សេងៗរបស់ក្រុមហ៊ុន ក៏ដូចជាលើកទឹកចិត្តឲ្យមានកិច្ចប្រជុំតាមអនឡាញ ជាមួយនឹងអង្គភាពខាងក្រៅ។
លោក Thomas មានប្រសាសន៍បញ្ចប់ថា៖ «យើងបានសម្រេចចិត្តក្នុងការប្រតិបត្តិជំហានដ៏ចាំបាច់នានា ដើម្បីធានាឲ្យបាននូវផាសុកភាពរបស់បុគ្គលិក ដៃគូ និងអតិថិជនរបស់យើង។ វិធានការការពារ និងអនាម័យ ត្រូវបានរឹតបន្តឹងជាងមុន ស្របពេលដែលយើងបន្តត្រួតពិនិត្យលើស្ថានភាពនេះជានិច្ច។ ខ្ញុំក៏សូមយកឱកាសនេះ ដើម្បីថ្លែងអំណរគុណដល់បុគ្គលិកជួរមុខទាំងអស់របស់យើង ភ្នាក់ងារបម្រើសេវាអថិជន បុគ្គលិកផ្នែកប្រតិបត្តិ និងក្រុមហ៊ុនទទួលគម្រោងបន្តទាំងអស់ សម្រាប់ការខិតខំធ្វើការដោយមិនគិតពីភាពនឿយហត់ ដើម្បីរក្សាធ្វើឲ្យសេវាដ៏សំខាន់របស់យើងបន្តដំណើរការសម្រាប់រាល់ពលរដ្ឋកម្ពុជាទាំងអស់»។
សម្រាប់ព័ត៌មានបន្ថែម និងព័ត៌មានថ្មីៗពីក្រុមហ៊ុន Smart Axiata សូមរក្សាការតាមដានលើទំព័រ Facebook ផ្លូវការរបស់ Smart តាមរយៈ www.facebook.com/SmartAxiata ឬចូលទៅកាន់គេហទំព័រ www.smart.com.kh។
អំពីក្រុមហ៊ុន Smart
ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេ ក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុន បាននិងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ ឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយ ក្នុងទ្វីបអាស៊ី។
ក្រុមហ៊ុន Smart គឺជាប្រតិបត្តិករទូរគមនាគមន៍ចល័ត ដែលមានភាពឈានមុខគេបង្អស់ ផ្នែកសេវាបច្ចេកវិទ្យាទំនើបទាន់សម័យ ក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ ដែលបានដាក់ឲ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ជាមួយ HD Voice (VoLTE) និង 4.5Gក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជា ដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smart ក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរូមមាន៖ សេវាបច្ចេកវិទ្យា 2G, 2.5G, 3G និង3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជា១៩០ប្រទេស។ Smart បាននិងកំពុងផ្តល់សេវាគ្របដណ្តប់ ក្នុងតំបន់ប្រជាសាស្ត្រច្រើនជាង៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។
ក្រុមហ៊ុនក៏កំពុងបម្លែងខ្លួនយ៉ាងសកម្ម ទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យ ប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានា ដូចជា៖ ក្រុមហ៊ុន Universal Music ក្រុមហ៊ុន Apple និងក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវា SmartLuy សេវាធានារ៉ាប់រងជីវិតឆ្លាតវ័យ សេវា SmartPay សេវា Pleng by Smart សេវា GigaGigs by Smart និងសេវា SmartNas ។ ក្រុមហ៊ុន Smart មានទស្សនវិស័យក្លាយជាក្រុមហ៊ុន «លេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុត» នៅព្រះរាជាណាចក្រកម្ពុជា ត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។
ក្រុមហ៊ុន Smart មានបុគ្គលិកនិយោជិត សរុបប្រមាណជាង ១,០០០ (មួយពាន់)នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេស ដែលកំពុងខិតខំប្រឹងប្រែង ឆ្ពោះទៅសម្រេចបេសកកម្មរួមគ្នា ក្នុងការផ្សារភ្ជាប់ និងធ្វើឲ្យជីវិតកាន់តែប្រសើរឡើង។
Smart ជីវិតរស់រវើក!
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
