Covid-19៖ ភ្ញាក់ឡើង មុននឹង​ហួសពេល​
COVID-19
ជាតិ
Covid-19៖ ភ្ញាក់ឡើង មុននឹង​ហួសពេល​
23, Mar 2020 , 4:48 pm        
រូបភាព
លិខិត​មិត្ត​អ្នកអាន ដោយ​លោក ជុំ សន្យា ស្ថាបនិក ប្រធាន​ក្រុមប្រឹក្សាភិបាល​ ​និង​អគ្គនាយក​ប្រតិបត្តិ នៃ​សាលា​កុលសម្ព័ន្ធ​
 
Covid-19 មិន​ប្រកាន់​ថា ស​ឬ​ខ្មៅ ខ្ពស់​ឬ​ទាប មាន​ឬ​ក្រ ជនជាតិខ្មែរ​ឬ​ជនជាតិ​បរទេស ប្រុស​ឬ​ស្រី ក្មេង​ឬ​ចាស់ ព្រះពុទ្ធសាសនា​ឬ​សាសនា​ដទៃ​ឡើយ​។ វា​ប៉ះពាល់​ដល់​យើង​យ៉ាងខ្លាំង ហើយ​កម្រិត​ពិភពលោក​។ ខ្មែរ​យើង​ក៏​មិនមែនជា​ករណី​លើកលែង​ទេ​។​


 
​ជាការ​ប្រឈម​នឹង​ជំងឺ​រាតត្បាត Covid-19 នេះ វា​មិនមែនជា​កត្តា​សំខាន់​ទេ​។ អ្វីដែល​សំខាន់​នោះ​គឺ​របៀប​ដែល​ប្រជាជន និង​រាជរដ្ឋាភិបាល​ឆ្លើយតប​ទៅនឹង Covid-19​។ តើ​អាចទៅរួច​ទេ​ថា ប្រជាជន និង​រាជរដ្ឋាភិបាល​ខ្មែរ​យើង យកតាម​របៀប​ដែល​ប្រទេស​ចិន​ឆ្លើយតប​ទៅនឹង​ជម្ងឺ​នេះ​?
 
​ស្ទើរតែ​មួយខែ​ជំងឺ Covid-19 បាន​វាយលុក និង​ឆ្លង​មនុស្ស​រាប់ម៉ឺន​នាក់​នៅ Wuhan ប្រទេស​ចិន​។ ក្នុង​មួយថ្ងៃ​គ្រែ​នៅក្នុង​មន្ទីរពេទ្យ​ទាំងអស់​ត្រូវបាន​ប្រើប្រាស់​ដោយ​អ្នកជំងឺ​។ ប៉ុន្តែ​ឥឡូវ​គ្រែ​ទាំងអស់នោះ​ទទេ​ស្អាត ហើយ​មន្ទីរពេទ្យ​ត្រូវបាន​បិទទ្វារ​នៅក្នុង​ក្រុង​។ តើ​ប្រជាជន​ចិន​បានធ្វើ​ដូចម្ដេច​?
 
​ការពិតទៅ វា​មិនមែនជា​រឿង​ថ្មី​ទេ ប៉ុន្តែ​ជា​រឿង​មួយ​ដែលមាន​តម្លៃ​ខ្ពស់​ដើម្បី​ដឹង​វា​ម្ដងទៀត​។ យោងតាម​របាយការណ៍​ដំបូង​របស់​អង្គការ​សុខភាព​ពិភពលោក មនុស្ស​ដែល​ឆ្លង​ជំងឺ​អាចមាន​លទ្ធភាព​ចម្លង​ទៅកាន់​មនុស្ស​ដទៃទៀត​ជា​មធ្យម 3 នាក់​។ ជា​លទ្ធផល រាប់ម៉ឺន​នាក់​បាន​ឆ្លង​ជំងឺ​មួយ​នេះ និង​រាប់ពាន់នាក់​ដែល​បាន​ស្លាប់​នៅក្នុង​ទីក្រុង Wuhan នោះ​។ អ្វីដែល​ប្រទេស​ចិន​បានធ្វើ គឺ​ប្រទេស​ធ្វើ​អន្តរាគមន៍​បំបែកហ្វូង​មនុស្ស​មិន​ធ្លាប់មាន​នៅក្នុង​ប្រវត្តិសាស្ត្រ​មនុស្សជាតិ​។ ពាក្យ​«​សាហាវ​», «​ឆេវឆាវ​» និង «​អមនុស្សធម៌​» គឺជា​ពាក្យ​ដែល​ត្រូវបាន​ប្រើ​ដោយ​ប្រទេស​ជាច្រើន​នៅលើ​ពិភពលោក ជាពិសេស​ប្រទេស​ជឿនលឿន​ដើម្បី​ពិពណ៌នា​ពី​ការឆ្លើយតប​របស់រប​ប​ប្រទេស​ចិន​ទៅកាន់​ទៅកាន់ Covid-19 នៅ Wuhan​។​
 
​ឥឡូវនេះ មនុស្ស និង​ប្រទេស​ជាច្រើន​បានដាក់​លក្ខខណ្ឌ​ថ្មី​៖ ការចាក់​សោរ​។ ប្រទេស​ចិន​បានដាក់​ឲ្យ Wuhan នៅ​ដាច់​ពី​គេ​យ៉ាង​តឹងតែង​និង​ធំ​បំផុត​នៅក្នុង​ប្រវត្តិសាស្ត្រ​ពិភពលោក​។

រោងចក្រ​ស្ទើរតែ​ទាំងអស់ និង​ការដឹកជញ្ជូន​ជា​សាធារណ​:​ត្រូវបាន​ផ្អាក ហើយ​សំខាន់បំផុត​នោះ​គឺ​ប្រជាជន​ត្រូវបាន​រដ្ឋ​បញ្ជា​ឱ្យនៅ​ក្នុងផ្ទះ​យ៉ាង​តឹងរឹង​បំផុត​។ តាមរយ​:​ការធ្វើ​បែបនេះ វា​បានធ្វើ​ឲ្យ​ចំនួន​អ្នក​កើត​ជំងឺ​នេះ​បាន​ធ្លាក់ចុះ​ដល់​ចំណុចសូន្យ​។ សំខាន់​ជាងនេះទៅទៀត​នោះ គឺ​ការកាត់បន្ថយ​ភាព​តានតឹង​របស់លោក​គ្រូ និង​អ្នក​គ្រូពេទ្យ និង​កន្លែង​សម្រាក​ព្យាបាល​ជំងឺ​មួយ​នេះ​នៅក្នុង​មន្ទីរពេទ្យ​។ នេះ​ជា​អ្វីដែល​ប្រទេស​ខ្មែរ​យើង​គួរតែ​ដឹង និង​ធ្វើតាម​។​
 
​ទាំង​រាជរដ្ឋាភិបាល និង​ទាំង​ប្រជាជន​ខ្មែរ​យើង ត្រូវតែ​យល់ព្រម​តាម​គោលការណ៍​នេះ គឺ​ការដាក់​ខ្លួនឯង​ឲ្យ​នៅ​ដាច់​ឆ្ងាយ​ពីគ្នា ហើយ​ការធ្វើ​បែបនេះ​គឹ​ត្រូវតែ​តឹងរឹង​បំផុត​។ មន្ត្រីរាជការ​ភាគច្រើន​ត្រូវតែ​ទទួលបាន​ការអនុញ្ញាត​ឱ្យធ្វើ​ការ​តាម Online និង​មិនចាំបាច់​មក​ការិយាល័យ​របស់ខ្លួន បើ​មិនចាំបាច់​។​
 
​ចំណែក​ប្រជាជន​វិញ ពួកគេ​ត្រូវតែ​ចាក់សោរ​ខ្លួនឯង​ដោយ​ភាពស្មោះត្រង់ និង​ដោយមាន​សហប្រតិបត្តិកា​រ​។ ខ្ញុំ​គិតថា​ប្រជាជន Wuhan បានធ្វើ​វា​ហើយ ហើយ​វា​ពិតជា​ពិសេស​ណាស់​។ ពួកគាត់​មាន​ភាពក្លាហាន ភាព​អត់ធ្មត់ និង​ភាព​ធន់​ទ្រាំ​នឹង​ការ​នៅផ្ទះ​របស់​ពួកគាត់​អស់​រយ​:​ពេល​ជាច្រើន​ថ្ងៃ សប្ដាហ៍​និង​ខែ​។ ហើយ​ពួកគាត់​មាន​អារម្មណ៍​ថា​វា​ជា​កាតព្វកិច្ច​របស់​ពួកគាត់​ជា​ប្រជាពលរដ្ឋ​។ នោះ​ហើយ​ជា​មូល​ហេតុដែល​នាំ​ឲ្យ​ប្រទេស​ចិន​វ៉ៃ​ឈ្នះ Covid-19 ។​
 
​ជា​បញ្ចប់​នេះ យើង​មិនត្រូវ​មើលស្រាល Covid-19 ទេ​។ ពួកយើង​ត្រូវតែ​ធ្វើតាម​បទពិសោធន៍​របស់​ប្រទេស​ចិន​ដែល​អ្នកកាន់អំណាច​ត្រូវតែ​ចាក់សោរ​ប្រទេស និង​ដាក់​បញ្ជា​ឱ្យ​ប្រជាពលរដ្ឋ​ដែល​នៅក្នុង​ប្រទេស​ខ្មែរ​យើង​ឲ្យ​នៅ​ដាច់​ឆ្ងាយ​ពី​គេ​យ៉ាង​តឹងរឹង​បំផុត​។ ចំណែក​ប្រជាជន​វិញ ពួកគេ​ត្រូវតែមាន​ភាពស្មោះត្រង់ និង​សហប្រតិបត្តិការ​ដោយ​អត់ធ្មត់​៕

© រក្សាសិទ្ធិដោយ thmeythmey.com