COVID-19
អន្តរជាតិ
COVID-19៖ ករណីឆ្លង និងស្លាប់នៅអ៊ីតាលី អេស្ប៉ាញ អាល្លឺម៉ង់ និងបារាំង បន្តកើនឡើងខ្លាំង រូបភាព Xinhua
× គិតត្រឹមថ្ងៃទី២៤ ខែមីនា អ៊ីតាលី អេស្ប៉ាញ អាល្លឺម៉ង់ បារាំង នាថ្ងៃទី២៤ ខែមីនា មានអ្នកស្លាប់ដោយសារជំងឺរលាកសួត ដែលបង្កដោយកូរ៉ណាវីរុស (COVID-19) ជាច្រើនករណី។ បើតាមតួលេខរបស់វេបសាយ Worldometer អ៊ីតាលី និងអេស្ប៉ាញ មានអ្នកស្លាប់ច្រើនជាងគេ ខណៈពេលបារាំង និងអាល្លឺម៉ង់ ក៏មានតួលេខអ្នកស្លាប់ច្រើនគួរឲ្យកត់សម្គាល់ផងដែរ។
មកទល់ពេលនេះ អ៊ីតាលី នៅតែជាប្រទេសរងគ្រោះ ដោយសារCOVID-19 ខ្លាំងជាងគេ ក្នុងចំណោមប្រទេសទាំងអស់នៅអឺរ៉ុប និងឈរក្រោយចិនលើតារាងពិភពលោក។ គ្រាន់តែថ្ងៃទី២៣ ខែមីនា អ៊ីតាលី មានអ្នកស្លាប់រហូតដល់ ៦០១នាក់ និងអ្នកឆ្លងរហូតដល់ ៤៧៨៩ករណី។ តួលេខសរុបនៅអ៊ីតាលីបានកើនដល់ ៦៣៩២៧ករណី និងអ្នកស្លាប់មានជាង ៦ពាន់នាក់ ខណៈអ្នកជាសះស្បើយមានចំនួន ៧៤៣២នាក់។
ចំណែកនៅអេស្ប៉ាញវិញ ក៏ធ្ងន់មិនចាញ់អ៊ីតាលីដែរ។ ក្នុងថ្ងៃដដែលនេះ អេស្ប៉ាញមានអ្នកឆ្លងថ្មីរហូតដល់ ៦៣៦៨ករណី និងអ្នកស្លាប់រហូតដល់ ៥៣៩នាក់ឯណោះ។ ការណ៍នេះ បានធ្វើឲ្យការឆ្លង COVID-19 សរុបនៅអេស្ប៉ាញមានរហូតដល់ ៣៥១៣៦ករណី និងអ្នកស្លាប់ ២៣១១នាក់។ ចំណែកអ្នកជាសះស្បើយវិញមានចំនួន ៣៣៥៥ករណី។
ស្ថិតក្នុងតំបន់អឺរ៉ុបដូចគ្នា បារាំងឯណោះវិញ ក៏មានតួលេខអ្នកឆ្លង និងអ្នកស្លាប់ ក៏ច្រើនដែរ ប៉ុន្តែតិចជាងអេស្ប៉ាញជាងពីរដង។ នាថ្ងៃទី២៣ ខែមីនា បារាំងមានអ្នកឆ្លង ៣៨៣៨ករណី និងអ្នកស្លាប់ ១៨៦ករណី។ សរុបCOVID-19 នៅបារាំងមានចំនួន ជាង ១៩៨៥៦ករណី និងអ្នកស្លាប់ ៨៦០នាក់ ខណៈអ្នកជាសះស្បើយមានចំនួន ២២០០នាក់។
ចុងក្រោយអាល្លឺម៉ង់ មានអ្នកឆ្លង COVID-19 ក៏ច្រើនដែរ តែអ្នកស្លាប់តិច។ ក្នុងថ្ងៃដូចគ្នាទៅនឹងបារាំង អាល្លឺម៉ង់មានអ្នកឆ្លងរហូតដល់ ៤១៨៣ករណី ខណៈអ្នកស្លាប់មានត្រឹមតែ ២៨ករណីប៉ុណ្ណោះ។ ករណីសរុបនៅអាល្លឺម៉ង់មាន ២៩០៤៩ករណី ខណៈអ្នកស្លាប់ ១២៣នាក់។ ដោយឡែកអ្នកជាសះស្បើយវិញ អាល្លឺម៉ង់មាន ៤៥៣ករណី។
សូមបញ្ជាក់ មួយរយៈចុងក្រោយនេះ ប្រទេសទាំង ៤ខាងលើ បានរងគ្រោះយ៉ាងខ្លាំងដោយសារ COVID-19 ខណៈពេលចិន ដែលជាចំនុចផ្ទុះកូរ៉ូណាវីរុសវិញ បានថមថយចំនួនអ្នកឆ្លង និងអ្នកស្លាប់យ៉ាងខ្លាំង៕
រូបភាព៖ Reuters
Tag:
អ៊ីតាលី
អេស្ប៉ាញ
អាល្លឺម៉ង់
បារាំង
COVID-19
© រក្សាសិទ្ធិដោយ thmeythmey.com