COVID-19
អន្តរជាតិ
មន្ត្រី WHO៖ មីយ៉ាន់ម៉ា មានឧបករណ៍គ្រប់គ្រាន់សម្រាប់ធ្វើតេស្តរក COVID-19
×![]()
មន្ត្រីតំណាងរបស់អង្គការសុខភាពពិភពលោកប្រចាំប្រទេសមីយ៉ាន់ម៉ា លោក Stephan Paul Jost នៅថ្ងៃទី២៤ ខែមីនា និយាយថា មីយ៉ាន់ម៉ាដែលទើបនឹងរកឃើញករណី COVID-19 ចំនួន២ករណីដំបូងមានឧបករណ៍សម្រាប់ធ្វើតេស្តគ្រប់គ្រាន់ដើម្បីកំណត់ករណីសង្ស័យ។ 
ការធានាអះអាងរបស់ដោយលោក Stephan Paul Jost តំណាងអង្គការសុខភាពពិភពលោកនៅមីយ៉ាន់ម៉ា កើតមានក្រោយពេលប្រជាជនមីយ៉ាន់ម៉ាស្លន់ស្លោទិញទំនិញស្តុកទុក ក្រោយមានករណី COVID-19 ៣ករណីដំបូង។ ពីរករណីដំបូង គឺជាពលរដ្ឋមីយ៉ាន់ម៉ាធ្វើដំណើរមកពីអង់គ្លេស និងអាមេរិក។ រីឯករណីទី៣ ជាបុរសវ័យ២៦ឆ្នាំម្នាក់ដែលនៅក្រុងយ៉ាំងហ្គោន ដែលមានប្រវត្តិធ្វើដំណើរពីអង់គ្លេស និងឆ្លងកាត់អាកាសយានដ្ឋានសុវណ្ណភូមិ ក្រុងបាងកក។
កន្លងមក មីយ៉ាន់ម៉ា បានបញ្ជូនសំណាកអ្នកដែលសង្ស័យថាផ្ទុកជំងឺទៅប្រទេសថ្ងៃដើម្បីធ្វើតេស្ត។ ប៉ុន្តែតាំងពីថ្ងៃ ២០ កុម្ភៈមក មន្ទីរពិសោធន៍សុខាភិបាលជាតិរបស់មីយ៉ាន់ម៉ា ទទួលប្រដាប់ទៅដោយឧបករណ៍ធ្វើតេស្ត COVID-19 ដែលបរិច្ចាគពីប្រទេសថៃ ជប៉ុន សហរដ្ឋអាមេរិក សិង្ហបុរី និងចិន។ ប្រដាប់ធ្វើតេស្តនីមួយៗប្រើបានតែម្តងប៉ុណ្ណោះ ប៉ុន្តែដើម្បីឲ្យមានសុក្រឹត្យភាពអ្នកសង្ស័យថាផ្ទុកជំងឺត្រូវធ្វើតេស្តយ៉ាងហោចណាស់៣ដង ។
«មកទល់ពេល មីយ៉ាន់ម៉ា មានឧបករណ៍ធ្វើតេស្តចំនួន ៥ពាន់គ្រឿង និងអាចធ្វើតេស្តបាន ១,៧០០នាក់»។ នេះជាការបន្ថែមរបស់លោក Jost ។ លោកបន្តថា មីយ៉ាន់ម៉ា នឹងមិនអស់ប្រដាប់ធ្វើតេស្តនៅពេលខាងមុខដ៏ខ្លីនេះទេ ហើយក៏មិនគួរស្លន់ស្លោដែរ។ មីយ៉ាន់ម៉ា កំពុងរៀបចំផែនការបន្ថែមដើម្បីទទួលឧបករណ៍ធ្វើតេស្ត ក្នុងនោះរូមមានការបរិច្ចាកពីកូរ៉េខាងត្បូងផងដែរ។
មកទល់ពេលនេះ មីយ៉ាន់ម៉ា បានធ្វើតេស្តមនុស្សចំនួន២១៥នាក់ ហើយ ដែលជាមធ្យមមានមនុស្ស២ នាក់បានធ្វើតេស្តក្នុងមួយថ្ងៃ។ មន្ត្រីសុខាភិបាល ម្នាក់ដែលនិយាយក្នុងលក្ខខណ្ឌសុំមិនបញ្ចេញឈ្មោះបានឲ្យដឹងថា លក្ខខណ្ឌក្នុងការធ្វើតេស្តមានកម្រិតខ្ពស់ ដូច្នេះហើយទើបមនុស្សតែជាង ២០០នាក់ប៉ុណ្ណោះត្រូវបានធ្វើតេស្ត ខណៈប្រជាជនសរុបមាន៥៤លាននាក់។
បន្ថែមពីនេះ មន្ត្រីសុខាភិបាលរូបនោះក៏បានឲ្យដឹងដែរថា ផែនការទប់នឹងជំងឺឆ្លងរបស់ មីយ៉ាន់ម៉ាមិនមានសមត្ថភាពទទួលអ្នកឆ្លងជំងឺច្រើនបែបនេះឡើយ បើមានករណីនោះមែនធនធានសុខាភិបាលមីយ៉ាននឹងបាត់បងយ៉ាងច្រើន។
តំណាងអង្គការសុខភាពពិភពលោក ទទួលស្គាល់ថាប្រព័ន្ធសុខាភិបាលមីយ៉ាន់ម៉ានៅមានកម្រិត ដូច្នេះហើយទើបអាជ្ញាធរបានដាក់ការការពារតាំងតែពីមានការផ្ទុះឆ្លងនៅចិនមកម្ល៉េះ។
។ ជាក់ស្ដែង មីយ៉ាន់ម៉ា បានតម្រូវឲ្យយន្តហោះមួយហោះទៅ Guangzhou វិញ ក្រោយបុរសម្នាក់នោះមានរោគសញ្ញាដូចជំងឺផ្តាសាយ កាលពីចុងខែមករា។ ចំណែកឯកាលពីដើមខែមីនា នាវាទេសចរណ៍មួយគ្រឿងមិនត្រូវឲ្យចូលចតក្នុងកំពង់ផែក្រុង យ៉ាំងហ្គោន ក្រោមហេតុផលថានាវានោះឆ្លងកាត់តំបន់ដែលមានករណី COVID-19៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
