COVID-19
ជាតិ
COVID-19៖ អ្នកឆ្លងឡើងដល់៩៦នាក់ ក្រោយវិជ្ជមាន៥នាក់ទៀត ខណៈអ្នកជាសះស្បើយឡើង១០នាក់
× ភ្នំពេញ៖ ក្រសួងសុខាភិបាល រកឃើញអ្នកឆ្លងវីរុសCOVID-19 ចំនួន៥នាក់ទៀត ដោយកើនឡើង៩៦នាក់ហើយ គិតត្រឹមយប់ថ្ងៃទី២៥ មីនានេះ។ ចំណែកអ្នកជាសះស្បើយនោះ កើនឡើង១០នាក់ដែរហើយ។
ក្រសួងសុខាភិបាល បានបញ្ជាក់ថា អ្នកឆ្លងទាំង៥នាក់នេះ គឺជនជាតិបារាំងពីរនាក់(ស្ត្រី១នាក់) ដែលភ្ញៀវទេសចរណ៍ស្នាក់នៅខេត្តព្រះសីហនុ ។ ដោយឡែកបុរសជនជាតិខ្មែរ១នាក់ នៅសៀមរាប ដែលជាអ្នកបើកបរឱ្យជនជាតិបារាំង ដែលទើបរកឃើញវីរុសCOVID-19នេះ ក៏បានឆ្លងពីពួកគេផងដែរ។ ចំណែកបុរស២នាក់ទៀត គឺនៅរាជធានីភ្នំពេញ និងខេត្តកណ្ដាល ត្រូវបានរកឃើញវិជ្ជមានCOVID-19។ ពួកគេទាំងនោះ ត្រូវបានដាក់ឱ្យនៅដាច់ដោយឡែកនៅមន្ទីរពេទ្យបង្អែកតាមមូលដ្ឋានរៀងៗខ្លួន។
ជាមួយគ្នានេះ ក៏មានអ្នកជាសះស្បើយពីវីរុសCOVID-19 ចំនួន៤នាក់ទៀតដែរ គឺនៅរាជធានីភ្នំពេញ៣នាក់ និងខេត្តត្បូងឃ្មុំ១នាក់។ ពួកគេជាជនជាតិខ្មែរ។ សរុបមក មានអ្នកជាសះស្បើយចំនួន១០នាក់ហើយ ។
គួរជម្រាបជូនថា គិតត្រឹមល្ងាចថ្ងៃទី២៥ មីនានេះ កម្ពុជាបានរកឃើញអ្នកផ្ទុកជំងឺ កូវីដ-១៩ ចំនួន ៩៦នាក់ ក្នុងនោះមាននៅព្រះសីហនុ ៣៦ករណី (បារាំង៣១ ខែ្មរ២, ចិន១) ភ្នំពេញ ១៣ករណី (ខ្មែរ៨, បារាំង៣, បែលហ្ស៊ិក ១, កាណាដា១), កំពង់ចាម១៥ករណី (ម៉ាឡេស៊ី៧, អង់គ្លេស៣,អាមេរិកាំង២,អង់គ្លេស២, ខ្មែរ១), បាត់ដំបង៨ករណី (ខ្មែរ៨), ត្បូងឃ្មុំ ៤ (ខ្មែរ៤), កែប ៤ (ម៉ាឡេស៊ី៣, ខ្មែរ១), កំពង់ឆ្នាំង ៣ (ខ្មែរ៣), បន្ទាយមានជ័យ ២ករណី (ខ្មែរ២), ព្រះវិហារ ២ករណី (ខ្មែរ២), កំពត ២ករណី (ម៉ាឡេស៊ី២), សៀមរាប ៣ករណី (ខ្មែរ៣),កោះកុង២ករណី (ខ្មែរ២), កណ្តាល ២ករណី (ខ្មែរ២)។ អ្នកជាសះស្បើយសរុប១០នាក់៕
© រក្សាសិទ្ធិដោយ thmeythmey.com