COVID-19
ជាតិ
ក្រសួង ប្រាប់មន្ត្រីឲ្យដើរពិនិត្យសណ្ឋាគារនិងផ្ទះសំណាក់ សម្រាប់ដាក់អ្នកជំងឺកូវីដ-១៩ សណ្ឋាគារឆៃណាមេមត់ ក្នុងស្រុកមេមត់ ខេត្តត្បូងឃ្មុំ សម្រាប់ត្រៀមដាក់អ្នកជំងឺCovid-19 (រូបពីគេហទំព័រគណៈបក្សប្រជាជន)
× ភ្នំពេញ៖ ក្រសួងទេសចរណ៍ ណែនាំឲ្យមន្ទីររាជធានី-ខេត្ត សហការជាមួយមន្ទីសុខាភិបាលររាជធានី-ខេត្ត និងម្ចាស់សណ្ឋាគារ និងម្ចាស់ផ្ទះសំណាក់ ដើម្បីពិនិត្យលទ្ធភាពរៀបចំសណ្ឋាគារនិងផ្ទះសំណាក់ ដែលផ្អាកអាជីវកម្មបណ្ណោះអាសន្ន សម្រាប់ធ្វើទីតាំងព្យាបាលអ្នកជំងឺកូវីដ-១៩ (Covid-19)។
លោក តុប សុភ័ក អ្នកនាំពាក្យក្រសួងទេសចរណ៍ បានប្រាប់សារព័ត៌មានថ្មីៗតាម Telegram ថា៖«ការពិនិត្យនិងរៀបចំសណ្ឋាគារនិងផ្ទះដែលផ្អាកឬបិទអាជីវកម្ម សម្រាប់ធ្វើទីតាំងព្យាបាលអ្នកជំងឺកូវីដ-១៩នេះ គឺទាល់តែមានការយល់ព្រមពីម្ចាស់សណ្ឋាគារនិងផ្ទះសំណាក់»។
គិតត្រឹមថ្ងៃទី២៤ ខែមីនា នៅតាមបណ្ដាលរាជធានី-ខេត្ត មានសណ្ឋាគារ១០ និងផ្ទះសំណាក់១៨ ដែលសរុបទាំងអស់មានប្រមាណ១,៥ពាន់បន្ទាប់ សម្រាប់ត្រៀមដាក់អ្នកជំងឺកូវីដ-១៩។ នេះបើតាមការបញ្ជាក់របស់ លោក តុប សុភ័ក។
ថ្មីៗនេះ រដ្ឋាភិបាល បានបញ្ជាឲ្យមន្ត្រីមូលដ្ឋាន រៀបចំសាលារៀន ក្នុងដែនដីរបស់ខ្លួន សម្រាប់ធ្វើជាកន្លែងដាក់អ្នកជំងឺកូវីដ-១៩។ បើសរុបទាំងសណ្ឋារ ផ្ទះ សំណាក់ និងសាលារៀន គឺរដ្ឋាភិបាល មានបន្ទាប់ជាង៣ពាន់ហើយ សម្រាប់ដាក់អ្នកសង្ស័យនិងអ្នកជំងឺកូវីដ-១៩។
ចំណែក អ្នកឆ្លងកូវីដ-១៩ នៅកម្ពុជា កើនឡើងដល់៩៦នាក់ហើយ ដោយក្នុងនោះ មាន១០នាក់ បានជាសះស្បើយវិញ ដោយគិតត្រឹមយប់ថ្ងៃទី២៥ ខែមីនាម្សិលមិញ៕
Tag:
សណ្ឋាគារ
ផ្ទះសំណាក់
ផ្អាកអាជីវកម្ម
© រក្សាសិទ្ធិដោយ thmeythmey.com