COVID-19
អន្តរជាតិ
ក្រុមគ្រូពេទ្យចិន បង្ហាញកាយវិការនៃក្តីសង្ឃឹមសម្រាប់អ្នកជំងឺ COVID-19។ រូបថត Xinhua
×![]()
គិតត្រឹមថ្ងៃទី២៦ ខែមីនានេះ អ្នកឆ្លង COVID-19 នៅចិនមានជាង៨១ ០០០ករណី ដោយមិនគិតករណីនៅហុងកុង តៃវ៉ាន់ និងម៉ាកាវ។ ក្នុងនោះអ្នកជំងឺជាង៧៤ ០០០នាក់ ស្មើនឹង៩១ភាគរយ បានជាសះស្បើយ និងជាង៣២០០នាក់ ស្មើប្រមាណ៤ភាគរយស្លាប់ និងមួយចំនួនទៀតបន្តស្ថិតក្រោមការសម្រាកព្យាបាលនៅមន្ទីរពេទ្យ។
ក្រុងវូហាន ក៏ដូចជាខេត្តហ៊ូប៉ី ទាំងមូលដែលជាទីតាំងនៃការរាលមេរោគកូរ៉ូណាប្រភេទថ្មី (COVID-19) នេះ បានបន្តថមថយជាបន្តបន្ទាប់ រហូតដល់គ្មានករណីឆ្លងក្នុងស្រុកជារយៈពេលច្រើនថ្ងៃជាប់ៗគ្នា។ លោកប្រធានាធិបតីចិន ស៊ី ជីនភីង ក៏បានប្រកាសពីការឈ្នះសង្គ្រាមលើរោគរាតត្បាតសាកលនេះផងដែរ។
អ្នកជំនាញចិន៧នាក់ មកផ្តល់បទពិសោធន៍ព្យាបាលកូវីដ-១៩ដល់កម្ពុជា។ រូបថត Xinhua
អត្រាធ្លាក់ចុះនៅប្រទេសរបស់ខ្លួន ចិន បានបញ្ជូនអ្នកជំនាញ ក្រុមគ្រូពេទ្យ ក៏ដូចជាបរិក្ខា ទៅជួយដល់ប្រទេសដែលរងគ្រោះធ្ងន់ធ្ងរជាបន្តបន្ទាប់ ដូចជា អ៊ីរ៉ង់ កូរ៉េខាងត្បូង អ៊ីតាលី និងអេស្ប៉ាញជាដើម។ អ្នកជំនាញការចិនចំនួន៧នាក់ ក៏បានមកចែករំលែកបទពិសោធន៍នៅកម្ពុជាផងដែរ។
ផ្តើមរាលដាលចាប់តាំងពីខែធ្នូ ឆ្នាំ២០១៩ ហើយមានករណីស្លាប់ដំបូងនៅថ្ងៃទី២២ ខែមករា ក្រុងវូហាន ខេត្តហ៊ូប៉ី និងបណ្តាខេត្តផ្សេងទៀតនៅប្រទេសចិន បានរាលដាលជាបន្តបន្ទាប់ ហើយបន្តទៅកាន់ប្រទេសផ្សេងៗលើពិភពលោក។ វិធានចត្តាឡីស័ក ការបិទទីក្រុង និងបម្រាមផ្សេងៗ ត្រូវបានដាក់ចេញ ដើម្បីទប់ស្កាត់ការរាលដាល។
អ្នកជំងឺបង្ហាញក្តីរំភើបរីករាយដាក់ក្រុមគ្រួពេទ្យបានព្យាបាលខ្លួនឲ្យជាសះស្បើយ។ រូបថត Xinhua
ជាមួយនឹងការចាប់ផ្តើមតេស្តវ៉ាក់សាំងទៅលើមនុស្ស ក្រុមអ្នកវិទ្យាសាស្ត្រចិន ក៏បានរកឃើញពីប្រសិទ្ធភាពនៃការប្រើប្រាស់ថ្នាំមួយចំនួនលើការព្យាបាលអ្នកជំងឺ COVID-19 ថែមទៀតផង។ ក្រៅពីចិន បណ្តាប្រទេសមួយចំនួនទៀត ដូចជា អាមេរិក អាល្លឺម៉ង់ ក៏ផ្តើមតេស្តវ៉ាក់សាំងរបស់ខ្លួនផងដែរ ខណៈអង្គការសុខភាពពិភពលោក (WHO)បានលើកឡើងថា គេត្រូវរងចាំដល់ពាក់កណ្តាលឆ្នាំក្រោយទើបវ៉ាក់សាំងដែលកំពុងអភិវឌ្ឍត្រូវបានអនុញ្ញាតឲ្យប្រើប្រាស់ និងមានវត្តមានក្នុងទីផ្សារ។
នៅហុងកុង ក្នុងចំណោមអ្នកជំងឺជាង៤១១នាក់ មានជាង១០២នាក់បានជាសះស្បើយ និង៤នាក់ស្លាប់។ តៃវ៉ាន់ មាន២នាក់ស្លាប់ និងសះស្បើយ២៩នាក់ ក្នុងចំណោមអ្នកជំងឺ២៣៥នាក់ រីឯនៅម៉ាកាវអ្នកជំងឺ១០នាក់ក្នុងចំណោម៣០នាក់បានសះស្បើយ។
បច្ចុប្បន្ន ទោះបីចិនមានតួលេខអ្នកឆ្លងច្រើនជាងគេ ប៉ុន្តែចំនួនអ្នកស្លាប់បានធ្លាក់ទៅលំដាប់ទីបី បន្ទាប់ពីអ៊ីតាលី ដែលមានជាង៧៥០០នាក់ក្នុងចំណោមអ្នកជំងឺជិត៧៥០០០នាក់ និងអេស្ប៉ាញ ជាង៣៦០០នាក់ក្នុងចំណោមអ្នកជំងឺជិត៥០០០០នាក់។ ប្រទេសផ្សេងទៀតដែលមានអ្នកស្លាប់ខ្ទង់ពាន់ករណីមាន អ៊ីរ៉ង់ បារាំង និងសហរដ្ឋអាមេរិក។
គិតត្រឹមវេលាថ្ងៃត្រង់ទី២៦ ខែមីនា នេះ ក្នុងចំណោមអ្នកជំងឺជាង៤៧ម៉ឺននាក់ មានជាង១១ម៉ឺននាក់បានជាសះស្បើយ និងជាង២១០០០នាក់ស្លាប់។ នៅកម្ពុជា មនុស្ស១០នាក់បានជាសះស្បើយក្នុងចំណោមអ្នកជំងឺ៩៦នាក់៕
ក្រុងវូហាន ក៏ដូចជាខេត្តហ៊ូប៉ី ទាំងមូលដែលជាទីតាំងនៃការរាលមេរោគកូរ៉ូណាប្រភេទថ្មី (COVID-19) នេះ បានបន្តថមថយជាបន្តបន្ទាប់ រហូតដល់គ្មានករណីឆ្លងក្នុងស្រុកជារយៈពេលច្រើនថ្ងៃជាប់ៗគ្នា។ លោកប្រធានាធិបតីចិន ស៊ី ជីនភីង ក៏បានប្រកាសពីការឈ្នះសង្គ្រាមលើរោគរាតត្បាតសាកលនេះផងដែរ។
អ្នកជំនាញចិន៧នាក់ មកផ្តល់បទពិសោធន៍ព្យាបាលកូវីដ-១៩ដល់កម្ពុជា។ រូបថត Xinhua
អត្រាធ្លាក់ចុះនៅប្រទេសរបស់ខ្លួន ចិន បានបញ្ជូនអ្នកជំនាញ ក្រុមគ្រូពេទ្យ ក៏ដូចជាបរិក្ខា ទៅជួយដល់ប្រទេសដែលរងគ្រោះធ្ងន់ធ្ងរជាបន្តបន្ទាប់ ដូចជា អ៊ីរ៉ង់ កូរ៉េខាងត្បូង អ៊ីតាលី និងអេស្ប៉ាញជាដើម។ អ្នកជំនាញការចិនចំនួន៧នាក់ ក៏បានមកចែករំលែកបទពិសោធន៍នៅកម្ពុជាផងដែរ។
ផ្តើមរាលដាលចាប់តាំងពីខែធ្នូ ឆ្នាំ២០១៩ ហើយមានករណីស្លាប់ដំបូងនៅថ្ងៃទី២២ ខែមករា ក្រុងវូហាន ខេត្តហ៊ូប៉ី និងបណ្តាខេត្តផ្សេងទៀតនៅប្រទេសចិន បានរាលដាលជាបន្តបន្ទាប់ ហើយបន្តទៅកាន់ប្រទេសផ្សេងៗលើពិភពលោក។ វិធានចត្តាឡីស័ក ការបិទទីក្រុង និងបម្រាមផ្សេងៗ ត្រូវបានដាក់ចេញ ដើម្បីទប់ស្កាត់ការរាលដាល។
អ្នកជំងឺបង្ហាញក្តីរំភើបរីករាយដាក់ក្រុមគ្រួពេទ្យបានព្យាបាលខ្លួនឲ្យជាសះស្បើយ។ រូបថត Xinhua
ជាមួយនឹងការចាប់ផ្តើមតេស្តវ៉ាក់សាំងទៅលើមនុស្ស ក្រុមអ្នកវិទ្យាសាស្ត្រចិន ក៏បានរកឃើញពីប្រសិទ្ធភាពនៃការប្រើប្រាស់ថ្នាំមួយចំនួនលើការព្យាបាលអ្នកជំងឺ COVID-19 ថែមទៀតផង។ ក្រៅពីចិន បណ្តាប្រទេសមួយចំនួនទៀត ដូចជា អាមេរិក អាល្លឺម៉ង់ ក៏ផ្តើមតេស្តវ៉ាក់សាំងរបស់ខ្លួនផងដែរ ខណៈអង្គការសុខភាពពិភពលោក (WHO)បានលើកឡើងថា គេត្រូវរងចាំដល់ពាក់កណ្តាលឆ្នាំក្រោយទើបវ៉ាក់សាំងដែលកំពុងអភិវឌ្ឍត្រូវបានអនុញ្ញាតឲ្យប្រើប្រាស់ និងមានវត្តមានក្នុងទីផ្សារ។
នៅហុងកុង ក្នុងចំណោមអ្នកជំងឺជាង៤១១នាក់ មានជាង១០២នាក់បានជាសះស្បើយ និង៤នាក់ស្លាប់។ តៃវ៉ាន់ មាន២នាក់ស្លាប់ និងសះស្បើយ២៩នាក់ ក្នុងចំណោមអ្នកជំងឺ២៣៥នាក់ រីឯនៅម៉ាកាវអ្នកជំងឺ១០នាក់ក្នុងចំណោម៣០នាក់បានសះស្បើយ។
បច្ចុប្បន្ន ទោះបីចិនមានតួលេខអ្នកឆ្លងច្រើនជាងគេ ប៉ុន្តែចំនួនអ្នកស្លាប់បានធ្លាក់ទៅលំដាប់ទីបី បន្ទាប់ពីអ៊ីតាលី ដែលមានជាង៧៥០០នាក់ក្នុងចំណោមអ្នកជំងឺជិត៧៥០០០នាក់ និងអេស្ប៉ាញ ជាង៣៦០០នាក់ក្នុងចំណោមអ្នកជំងឺជិត៥០០០០នាក់។ ប្រទេសផ្សេងទៀតដែលមានអ្នកស្លាប់ខ្ទង់ពាន់ករណីមាន អ៊ីរ៉ង់ បារាំង និងសហរដ្ឋអាមេរិក។
គិតត្រឹមវេលាថ្ងៃត្រង់ទី២៦ ខែមីនា នេះ ក្នុងចំណោមអ្នកជំងឺជាង៤៧ម៉ឺននាក់ មានជាង១១ម៉ឺននាក់បានជាសះស្បើយ និងជាង២១០០០នាក់ស្លាប់។ នៅកម្ពុជា មនុស្ស១០នាក់បានជាសះស្បើយក្នុងចំណោមអ្នកជំងឺ៩៦នាក់៕
© រក្សាសិទ្ធិដោយ thmeythmey.com
